Tuborgræninginn

By Forfattere Diverse

Ekki var sungið um það við vöggu Frank Mouritzens að hann yrði seinna meir einn af umtöluðustu sakamönnum Danmerkur.Hann ólst upp, ásamt tveimur alsystkinum og einni hálfsystur, á efnuðu heimili í Álaborg. Faðirinn var verksmiðjueigandi. Hann rak pappírspokaverksmiðju sem gaf vel af sér. Fjölskyldan bjó í stóru einbýlishúsi og höfðu þjónustufólk – svo Frank ólst ekki aðeins upp í mjög vernduðu umhverfi, heldur einnig við meiri munað og töluvert meiri peninga á milli handanna en flestir jafnaldrar hans.-

• Language: Íslenska
• Publisher: SAGA Egmont
• Release date: Sep 28, 2020
• ISBN: 9788726512069

Book preview

Tuborgræninginn

Cover image: Shutterstock

Copyright © 2003, 2020 Ýmsir höfundar and SAGA Egmont

All rights reserved

ISBN: 9788726512069

1. e-book edition, 2020

Format: EPUB 2.0

All rights reserved. No part of this publication may be reproduced, stored in a retrievial system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

SAGA Egmont www.saga-books.com – a part of Egmont, www.egmont.com

Tuborgræninginn

Eftir Søren Kreinøe politiassistent, Lyngby.

Ekki var sungið um það við vöggu Frank Mouritzens að hann yrði seinna meir einn af umtöluðustu sakamönnum Danmerkur.

Hann ólst upp, ásamt tveimur alsystkinum og einni hálfsystur, á efnuðu heimili í Álaborg. Faðirinn var verksmiðjueigandi. Hann rak pappírspokaverksmiðju sem gaf vel af sér. Fjölskyldan bjó í stóru einbýlishúsi og höfðu þjónustufólk – svo Frank ólst ekki aðeins upp í mjög vernduðu umhverfi, heldur einnig við meiri munað og töluvert meiri peninga á milli handanna en flestir jafnaldrar hans.

Árið 1934 þegar Frank var níu ára, dó faðir hans og móðirin flutti með börnin frá Álaborg til Hellerup norðan við Kaupmannahöfn. Þrátt fyrir fráfall föðurins, stóð fjárhagur fjölskyldunnar vel, því þau komu sér fyrir í stóru einbýlishúsi í góðu hverfi. Þar bjó Frank fram á fullorðinsár ef undan er skilin tveggja ára dvöl á heimavistarskóla í Sorø.

Eftir skyldunámið komst hann í læri í vefnaðarvörugreininni, en ljóst er að einhver órói hrjáði hann svo að hann lauk ekki námi.

Hann varð heldur aldrei hinn svokallaði níu til fimm maður. Hann átti mjög erfitt með að binda sig við fastan vinnutíma og í gegnum lífið var hann aldrei lengi í sama starfi. En hann vantaði ekki hugmyndirnar.

Reikul tilvera

Á unglingsárunum prófaði hann margt.