Milljónaarfur var ástæða morðs

By Forfattere Diverse

Það að fá arf getur verið ánægjulegur viðburður en í þessu tilviki hafði það dauðann í för með sér.Henrik Nordström Hansen var 51 árs gamall og hafði erft tvær milljónir danskra króna eftir stjúpföður sinn þegar hann fannst látinn í kjallara einbýlishúss á Írisvegi 6 í Óðinsvéum. Slökkvilið hafði áður verið kallað á staðinn vegna eldsvoða í húsinu. Líkskoðun sýndi að hann hafði látist áður en eldurinn kom upp og að hann hafði hlotið áverka eftir barefli.Rannsóknin beindist fljótlega að því hvort arfurinn væri bein ástæða fyrir dauða hans.-

• Language: Íslenska
• Publisher: SAGA Egmont
• Release date: Aug 11, 2020
• ISBN: 9788726512328

Book preview

Milljónaarfur var ástæða morðs

Cover image: Shutterstock

Copyright © 2007, 2020 Ýmsir höfundar and SAGA Egmont

All rights reserved

ISBN: 9788726512328

1. e-book edition, 2020

Format: EPUB 2.0

All rights reserved. No part of this publication may be reproduced, stored in a retrievial system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

SAGA Egmont www.saga-books.com – a part of Egmont, www.egmont.com

Milljónaarfur var ástæða morðs

Eftir Hans Ole Andersen, rannsóknarlögreglumann í Óðinsvéum.

Það að fá arf getur verið ánægjulegur viðburður en í þessu tilviki hafði það dauðann í för með sér.

Henrik Nordström Hansen var 51 árs gamall og hafði erft tvær milljónir danskra króna eftir stjúpföður sinn þegar hann fannst látinn í kjallara einbýlishúss á Írisvegi 6 í Óðinsvéum. Slökkvilið hafði áður verið kallað á staðinn vegna eldsvoða í húsinu. Líkskoðun sýndi að hann hafði látist áður en eldurinn kom upp og að hann hafði hlotið áverka eftir barefli.

Rannsóknin beindist fljótlega að því hvort arfurinn væri bein ástæða fyrir dauða hans.

Tilkynningin

Mánudaginn 22. mars 2004, klukkan 00.25, tilkynnti íbúi við Írisveg í Óðinsvéum að eldur væri laus í kjallara hússins á Írisvegi 6 og að sennilega hefði kviknað í við sprengingu.

Þegar lögreglan kom á staðinn þremur mínútum síðar var slökkviliðið komið á vettvang. Mikill reykur gaus upp úr kjallaranum og rauðgulum eldsbjarma stafaði frá hæðinni fyrir ofan. Þar sem óttast var að íbúi hússins gæti verið þar inni, var kallað eftir sjúkrabifreið og klukkan 00.41 fundu reykkafarar látinn mann á gólfinu í þvottahúsi í kjallaranum. Föt hins látna voru hálfbrunnin og blóð rann úr skurði á hnakka hans og við hægra eyra. Fleira fólk hafði ekki verið í húsinu. Slökkviliðið hafði brotið upp bæði aðaldyr og kjallaradyr til að komast inn. Tilkynnandi bar kennsl á hinn látna á staðnum og sagði að hann ætti heima í húsinu og héti Henrik Nordström Hansen.

Meðan á slökkvistarfinu stóð og eftir það fundu menn sterka lykt af eldfimum vökva í kjallaranum. Það sást að eldurinn hafði kviknað bæði í kjallara og á hæðinni en einnig fannst