Morðin þrjú á Orderud-býli

By Forfattere Diverse

Innbrot, þrjú morð og fá ummerki á staðnum eftir þá sem verkið unnu. Þrefalda morðið í Sörum er án efa mest umtalaða sakamál í Noregi eftir stríð. Enn eru mjög fáir sem vita hvað gerðist eiginlega í hjáleiguhúsinu á Orderud-býli tveim nóttum fyrir hvítasunnudag árið 1999. -

• Language: Íslenska
• Publisher: SAGA Egmont
• Release date: Aug 18, 2020
• ISBN: 9788726523546

Book preview

Morðin þrjú á Orderud-býli

Morðin þrjú á Orderud-býli

Cover image: Shutterstock

Copyright © 2004, 2020 Ýmsir höfundar and SAGA Egmont

All rights reserved

ISBN: 9788726523546

1. e-book edition, 2020

Format: EPUB 2.0

All rights reserved. No part of this publication may be reproduced, stored in a retrievial system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

SAGA Egmont www.saga-books.com – a part of Egmont, www.egmont.com

Morðin þrjú á Orderud-býli

Eftir Frank Gander, fréttastjóra hjá Verdens Gang og meðhöfund bókarinnar Þegar dauðinn kom til Orderud.

Innbrot, þrjú morð og fá ummerki á staðnum eftir þá sem verkið unnu. Þrefalda morðið í Sörum er án efa mest umtalaða sakamál í Noregi eftir stríð. Enn eru mjög fáir sem vita hvað gerðist eiginlega í hjáleiguhúsinu á Orderud-býli tveim nóttum fyrir hvítasunnudag árið 1999.

Tore Kampen lögreglufulltrúi er að skreyta kökuna sem hann ætlar að fara með í fermingarveislu hjá skyldmenni sínu þegar síminn hringir. Það er lögreglan í Lilleström. Þrjár manneskjur hafa fundist látnar sennilega myrtar í hjáleiguhúsinu á Orderud-býli í Sörumsand. Harald Kopperud sýslumaður er í sunnudagsferðalagi og yfirlögregluþjónninn í sumarfríi í sólarlöndum.

Kampen verður að hætta við að fara í fjölskylduveisluna og hraða sér niður á lögreglustöð til að skipuleggja byrjun á rannsókn sem hann gerir sér fljótlega Kripos.grein fyrir að muni verða umsvifamikil. Enn veit hann þó ekki hversu mikil áhrif þetta morðmál á eftir að hafa á starf hans næstu þrjú árin.

Tore Kampen þarf ekki að ráðfæra sig við marga samstarfsmenn eða yfirmenn áður en hann hringir til Rannsóknarlögreglu norska ríkisins og biður um bæði tæknilega og aðferðarlega aðstoð. Það er hvítasunnuhelgi og fáir við vinnu. Svo fljótt sem verða má er staðurinn tryggður með ytri og innri lokun á meðan beðið er eftir starfsmönnum frá tæknideild rannsóknarlögreglunnar.

Grámálaða hjáleiguhúsið á Orderud-býli stendur í skógarjaðri, nálægt húsaþyrpingu í Sörumsand. Þorpið er miðstöð í Sörum-sveit þar sem búa um 12.500 manns. Húsið skiptist í jarðhæð með aðalinngangi og efri hæð en frá þeirri hæð liggja nokkrar dyr út að svölum og pöllum kringum húsið. Nokkur hundruð metra spöl fram og niður af húsinu, á stóru ræktarlandi, stendur sjálft Orderud-býlið, með íbúðarhúsi, brugghúsi og útihúsum.

Tilkynningin um mannslátin barst lögreglunni kl. 10.50, sunnudaginn 23. maí 1999. Það var Hans Orderud, 69 ára gamall, sem hringdi í neyðarnúmer lögreglunnar í Lilleström. Hann hafði ekið að hjáleiguhúsinu þennan hvítasunnumorgun eftir að hafa mörgum sinnum sólarhringinn á undan reynt að ná símasambandi við eldri bróður sinn og mágkonu. Aðaldyrnar á jarðhæðinni voru læstar en þegar hann fór á bak við húsið kom hann að opnum svaladyrum. Glerið í hurðinni var brotið og fyrir innan kom hann að þremur nánustu ættingjum