Hreinsarinn 6: Hreinsunin

By Inger Gammelgaard Madsen

Nýjar upplýsingar í málinu leiða til þess að Roland Benito tekur upp rannsókn á meintu sjálfsmorði fangavarðarins. Nú veit hann með vissu hver Uwe Finch er og hann ákveður að láta Anne Larsen vita af því. Það var Anne sem útvegaði Roland fingraför Uwe Finch og hún hefur áður hjálpað honum við lögreglurannsókn. Bertram er illa brugðið þegar hann kemst að því hvað kom fyrir móður hans en skyndilega birtist fréttakonan Anne Larsen frá TV2 á Austur-Jótlandi. Bertram brotnar saman fyrir framan Anne og segir henni allt af létta. Anne segir honum að þau verði að forða sér hið snarasta. En það er of seint. Þegar Roland heyrir frétt af enn öðru mannsláti í útvarpinu óttast hann að Anne Larsen geti líka verið í hættu. Hann hringir í hana en fær ekkert svar. Þegar síminn hringir vonar hann að það sé hún en það reynist vera Leif Skovby, annar lögreglumannanna sem sinnti útkallinu þegar sjálfsmorðið átti sér stað. Leif vill hitta Roland. Það sem hann segir Roland breytir öllu. Roland fær lögreglumanninn til að hjálpa sér við að rekja síma fréttakonunnar en tekst honum að ná í hana áður en það verður um seinan?Hreingerningamaðurinn er glæpasaga í sex þáttum.-

• Language: Íslenska
• Publisher: SAGA Egmont
• Release date: Jul 15, 2020
• ISBN: 9788726475029

Book preview

Inger Gammelgaard Madsen

Hreinsarinn

Þáttur 6:6

Hreinsunin

SAGA

Hreinsarinn 6: Hreinsunin

Original title:

Sanitøren 6: Oprydning

Copyright © 2017, 2020 Inger Gammelgaard Madsen and SAGA Egmont, Copenhagen

Translated by Erla Sigurðardóttir

All rights reserved

ISBN: 9788726475029

1. E-book edition, 2020

Format: EPUB 2.0

All rights reserved. No part of this publication may be reproduced, stored in a retrieval system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

Hreinsarinn

Þáttur 6:6

Hreinsunin

„Af hverju ertu að lesa þetta aftur?" spurði Mark Haldbjerg Roland sem þá þegar var eins og hengdur upp á þráð en hrökk í kút. Hann hafði ekki heyrt Mark koma. Roland hafði mætt snemma til þess að hafa tíma til að líta aftur í krufningarskýrsluna um sjálfsvíg Júlíusar Habekost. Karína kollegi hans var á Sjálandi með Viktor Enevoldsen.

„Góðan daginn. O, ég ætlaði bara aðeins að athuga svolítið," muldraði hann.

„Roland, það er búið að loka málinu sem tengdist Júlíusi Habekost."

Mark hengdi jakkann af sér á snaga og slétti úr bindinu. Hann átti að sitja fyrir svörum á fundi með fjölmiðlum í dag vegna hátternismáls sem þeir Viktor Enevoldsen höfðu verið að rannsaka. Lögreglumaður á vakt hafði komist klaufalega að orði í símtali við borgara sem hafði hringt í Neyðarlínuna.

„Ég veit, en ..."

Mark leit á úrið og velti fyrir sér hvort honum gæfist tími til að fá sér kaffibolla.

„Vilt þú kaffi?" spurði hann þar sem hann stóð við kaffivélina. Roland muldraði já takk.

Mark setti fantinn fyrir framan hann og settist við tölvuskjáinn hinum megin við borðið.

„Jæja, hvernig gekk í gær þegar ríkislögreglustjórinn tók þig á teppið?" spurði hann aðeins of glaðlega því þetta hafði ábyggilega ekki verið skemmtilegt.

Roland hafði orðið að skálda upp sannfærandi útskýringu um það hvernig sellófanumbúðum með fingrafari Gregors Petrov rak á fjörur hans, án þess að flækja Anne Larsen inn í málið. Um nóttina hafði hann æft sig margsinnis á skýringu þangað til hún var orðin svo sannfærandi að hann gat borið hana á borð fyrir ríkislögreglustjórann án þess að finnast hann vera að skrökva. Þannig tókst honum að bjarga eigin skinni og komast hjá