Hreinsarinn 5: Röðin er komin að þér

By Inger Gammelgaard Madsen

Þegar Anne Larsen sýnir Roland mynd af Uwe Finch, finnst honum eitthvað kunnuglegt við manninn. Eitthvað við augnsvipinn. Varla getur þetta verið sami maður og fórst í hótelbruna fyrir mörgum árum. Þegar fingraför staðfesta að þetta er sami maður er forvitni Rolands vakin. Hann vill komast að því hvers vegna maðurinn siglir undir fölsku flaggi og hvert erindi hans er í Árósum. Mamma Bertrams hefur fundið stolna leðurjakkann í herberginu hans og ætlar að skila honum til kærastans síns. Enn og aftur reynir Bertram að koma henni í skilning um að hún sé í lífshættu en hún bregst hin versta við og hlustar ekki á hann. Hún heldur því fram að hann sé afbrýðisamur og sakar hann um að hafa myrt barnunga systur sína. Bertram verður öskureiður, fær sér jónu og sofnar yfir sjónvarpinu. Í vímunni rennur hræðilegur sannleikurinn upp fyrir honum. Undir morgun þegar Bertram rankar við sér kemst hann að því að mamma hans hefur ekki skilað sér heim.Hreinsarinn er glæpasaga í sex þáttum.-

• Language: Íslenska
• Publisher: SAGA Egmont
• Release date: Jul 15, 2020
• ISBN: 9788726475012

Book preview

Inger Gammelgaard Madsen

Hreinsarinn

Þáttur 5:6

Röðin er komin að þér

SAGA

Hreinsarinn 5: Röðin er komin að þér

Original title:

Sanitøren 5: Du er den næste

Copyright © 2017, 2020 Inger Gammelgaard Madsen and SAGA Egmont, Copenhagen

Translated by Erla Sigurðardóttir

All rights reserved

ISBN: 9788726475012

1. E-book edition, 2020

Format: EPUB 2.0

All rights reserved. No part of this publication may be reproduced, stored in a retrieval system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

Hreinsarinn

Þáttur 5:6

Röðin er komin að þér

Þetta var ekki í fyrsta sinn sem Anne Larsen kom á heimili hans í Højbjerg. Yfirleitt var henni ekki boðið formlega, að því leyti var þessi heimsókn frábrugðin. Roland hafði sagt henni að koma þrátt fyrir að það væri orðið áliðið. Nú sá hann eftir því. Samt var einhver kunnuglegur tónn í rödd hennar sem gaf til kynna að hún hefði komist á snoðir um eitthvað. Eitthvað mikilvægt.

Kannski var þetta bara kænskubragð til að fá áheyrn hjá kærunefnd lögreglunnar. Ef sú var raunin yrði hann að vísa henni á dyr. Það hafði líka gerst áður. Á meðan hann hinkraði eftir henni fann hann hvað hann saknaði gömlu daganna á lögreglustöðinni, að vísu ekki fjölmiðlanna en þar var Anne Larsen undanskilin. Hún var snjall fréttamaður og hefði getað orðið góð í rannsóknarlögreglunni. Hún veigraði sér ekki við að vera með nefið ofan í öllu. Í kvöldfréttunum hafði hún minnst á mannslát af völdum fíkniefna í fangelsinu og sjálfsvíg fangavarðar.  Gat verið að hún vissi eitthvað sem gæti komið kærunefndinni að gagni?

Írena ákvað að láta þau vera í friði og var farin í háttinn þegar Anne hringdi dyrabjöllunni.

Angolo fagnaði gestinum við dyrnar, hún svaraði á móti með því að klappa stóra séfferhundinum svolítið klaufalega á höfuðið. Það sást greinilega þegar fólk var ekki vant dýrum. Roland benti hundinum á að leggjast í körfuna í eldhúsinu.

„Vel uppalinn," sagði Anne brosandi þegar hún fór úr jakkanum.

„Lögregluhundur, svaraði Roland. „Má bjóða þér eitthvað að drekka? Ég er hérna með síðasta dreitilinn úr Baroloflösku.

„Í góðu