Skýrsla X - Spilliefnin

By Kit A. Rasmussen

Í Spilliefnin reyna Andrés og Kalli að komast að því hvernig lík Berit Villum endaði í gámi fyrir aftan bar. Berit hafði verið lamin með þungu höggi aftan á höfuðið. Hún hafði áður starfað við sorpeyðingarstöðina sem bekkur Andrésar og Kalla eru að fara að heimsækja. Þegar þangað er komið byrja vinirnir að leita að vísbendingum. Til þess að komast áfram í málinu verða vinirnir þó fyrst og fremst að finna tunnur sem innihalda spilliefni, sem mun svo leiða þá til þess að finna nýjar vísbendingar í málinu.Í öskunni í brenndu húsi rannsóknarlögreglumannsins Madsen finnur Andrés gamlan málmkassa. Þar er að finna fullt af gömlum skýrslum. Þetta eru óleyst mál sem Madsen hefur kannað en nú er hann dáinn.Sögurnar í "Skýrsla X" fjalla um Andrés og Kalla vin hans, sem ákveða að taka nokkrar skýrslurnar í sínar eigin hendur og reyna að rannsaka og leysa gömlu sakamálin.

• Language: Íslenska
• Publisher: SAGA Egmont
• Release date: Nov 9, 2020
• ISBN: 9788726637663

Book preview

Kit A. Rasmussen

Skýrsla X

Spilliefnin

SAGA

Skýrsla X: Spilliefnin

Original title: Journal X: Farligt Affald

Copyright © 2021 Kit A. Rasmussen and SAGA Egmont, Copenhagen

Translated by: HMH

All rights reserved

ISBN: 9788726638035

1. E-book edition, 2021

Format: EPUB 3.0

All rights reserved. No part of this publication may be reproduced, stored in a retrieval system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

Skýrsla X

Spilliefnin

Brunalyktin er svo sterk að Andrés svíður í nefið. Hann lítur í kringum sig. Það er ekki nokkur sála á ferli. Gatan er auð og dimm. Hann smeygir sér undir rauða og hvíta lögregluborðann. Hann er strengdur allt í kringum húsið hans Madsens. Eða það sem eftir er af því.

Næstum allt er brunnið til ösku.

„Aðgangur bannaður" stendur á stóru gulu skilti.

Bakvið húsið finnur hann stóran gám með alls konar rusli. Hann tekur prik og rótar svolítið í því. Oj, hvílík fýla! Sótug föt, bækur, brotið gler …hálfbrunninn sófi. Ætli þau hafi fundið líkið af Madsen þar? Pabbi Kalla hafði minnst eitthvað á íkveikju og morð. En hvílíkt rugl! Eins og einhver hefði viljað myrða Madsen! Þennan skrítna, gamla fausk. Hann rótar svolítið meira.

Þetta er í rauninni bara haugur af rusli. Ekkert spennandi. Hann er í þann veginn að fara þegar hann rekur augun í járnkassa. Hann er allur dældaður. „EINKAMÁL" stendur utan á honum. Bingó! Andrés þarf að klifra alveg upp í gáminn til að ná honum. Hann rífur sig á nagla. Fjandinn!

Andrés opnar kassann. Hann er fullur af möppum og blöðum. Prentuðum blöðum með handskrifuðum athugasemdum. Hann kveikir ljósið á símanum og skoðar þau. „Skýrsla 46 stendur á þykkri möppu. „89 stendur á annarri. Þetta eru lögregluskýrslur. Það passar. Madsen var rannsóknarlögreglumaður. Hann opnar eina möppuna.

Á forsíðunni er stimplað: „TRÚNAÐARMÁL". Vá! Hann getur varla beðið eftir að sýna Kalla hvað hann hefur fundið.

1. Kafli

„Mamma skammaði pabba í heilt korter í morgun," segir Andrés. Hann lítur upp frá náttúrufræðibókinni á stofuborðinu og horfir á Kalla.

„Nú? Af hverju?" spyr Kalli. Hann einblínir á textann. Gjóar augum á spurninguna frá kennaranum. Hann botnar ekkert í þessu.

„Hún fann tvær rafhlöður í ruslafötunni," segir Andrés.

„Rafhlöður eiga ekki að fara í ruslið, segir Kalli. „Rafhlöður eiga að fara í „spilliefni. Þeir hafa verið að vinna þemavinnu um sorp í náttúrufræði. Allar reglur um flokkun eru sem greyptar í heilann í honum. Hann nánast dreymir sorp.

„Það var