Skýrsla X - Brennuvargurinn

By Kit A. Rasmussen

Í Brennuvargnum ákveða Andrés og Kalli að leysa sjö stór brunamál sem hafa öll átt sér stað á Eikarvegi. Rannsókn lögreglu bendir til þess að þekktur glæpamaður komi við sögu en það vantar þó upp á sönnungargögn. Rannsóknarlögreglumaðurinn Henrik, sem býr á Eikarvegi og vann að málinu á sínum tíma, kemur Andrési og Kalla til aðstoðar við rannsóknina.Í öskunni í brenndu húsi rannsóknarlögreglumannsins Madsen finnur Andrés gamlan málmkassa. Þar er að finna fullt af gömlum skýrslum. Þetta eru óleyst mál sem Madsen hefur kannað en nú er hann dáinn.Sögurnar í "Skýrsla X" fjalla um Andrés og Kalla vin hans, sem ákveða að taka nokkrar skýrslurnar í sínar eigin hendur og reyna að rannsaka og leysa gömlu sakamálin.

• Language: Íslenska
• Publisher: SAGA Egmont
• Release date: Nov 9, 2020
• ISBN: 9788726637694

Book preview

Kit A. Rasmussen

Skýrsla X

Brennuvargurinn

SAGA

Skýrsla X: Brennuvargurinn

Original title: Journal X: Flammernes Kløer

Copyright © 2021 Kit A. Rasmussen and SAGA Egmont, Copenhagen

Translated by: HMH

All rights reserved

ISBN: 9788726638004

1. E-book edition, 2021

Format: EPUB 3.0

All rights reserved. No part of this publication may be reproduced, stored in a retrieval system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

Skýrsla X

Brennuvargurinn

Brunalyktin er svo sterk að Andrés svíður í nefið. Hann lítur í kringum sig. Það er ekki nokkur sála á ferli. Gatan er auð og dimm. Hann smeygir sér undir rauða og hvíta lögregluborðann. Hann er strengdur allt í kringum húsið hans Madsens. Eða það sem eftir er af því.

Næstum allt er brunnið til ösku.

„Aðgangur bannaður" stendur á stóru gulu skilti.

Bakvið húsið finnur hann stóran gám með alls konar rusli. Hann tekur prik og rótar svolítið í því. Oj, hvílík fýla! Sótug föt, bækur, brotið gler …hálfbrunninn sófi. Ætli þau hafi fundið líkið af Madsen þar? Pabbi Kalla hafði minnst eitthvað á íkveikju og morð. En hvílíkt rugl! Eins og einhver hefði viljað myrða Madsen! Þennan skrítna, gamla fausk. Hann rótar svolítið meira.

Þetta er í rauninni bara haugur af rusli. Ekkert spennandi. Hann er í þann veginn að fara þegar hann rekur augun í járnkassa. Hann er allur dældaður. „EINKAMÁL" stendur utan á honum. Bingó! Andrés þarf að klifra alveg upp í gáminn til að ná honum. Hann rífur sig á nagla. Fjandinn!

Andrés opnar kassann. Hann er fullur af möppum og blöðum. Prentuðum blöðum með handskrifuðum athugasemdum. Hann kveikir ljósið á símanum og skoðar þau. „Skýrsla 46 stendur á þykkri möppu. „89 stendur á annarri. Þetta eru lögregluskýrslur. Það passar. Madsen var rannsóknarlögreglumaður. Hann opnar eina möppuna.

Á forsíðunni er stimplað: „TRÚNAÐARMÁL". Vá! Hann getur varla beðið eftir að sýna Kalla hvað hann hefur fundið.

1. Kafli

„Hvað gerðist?" spyr Andrés og hallar sér aftur í sófanum. Leggur fæturna upp á sófaborðið.

Kalli hristir höfuðið. „Það var gamla fíflið hann Petersen. Þau halda að hann hafi sofnað út frá logandi vindli. Og svo … vússj!" Kalli sveiflar handleggjunum til að sýna hve hratt eldurinn breiddist út.

„Dó hann?" Andrési rennur kalt vatn milli skinns og hörunds. Hryllilegur dauðdagi. Að brenna inni.

En