Tvær stúlkur voru skildar eftir til að deyja

By Forfattere Diverse

Tvær átján ára stúlkur fundust látnar á snævi þöktum vegi á Hallandsåsen síðla sunnudagsins 18. janúar 2004 og voru báðar skólausar og fáklæddar. Daginn áður hafði lögreglan fengið tilkynningu um að bíll annarrar stúlkunnar lægi illa skemmdur í skurði. Fjarlægðin frá fundarstað bílsins til stúlknanna var um fimm kílómetrar. Fjöldi spurninga helltist yfir okkur. Hvern eða hverja höfðu stúlkurnar hitt? Af hverju höfðu þær verið skildar eftir á afskekktum malarvegi, án fótabúnaðar og yfirhafna?-

• Language: Íslenska
• Publisher: SAGA Egmont
• Release date: Sep 28, 2020
• ISBN: 9788726512144

Book preview

Tvær stúlkur voru skildar eftir til að deyja

Kristján Ágúst Kristjánsson

Cover image: Shutterstock

Copyright © 2006, 2020 Ýmsir höfundar and SAGA Egmont

All rights reserved

ISBN: 9788726512144

1. e-book edition, 2020

Format: EPUB 2.0

All rights reserved. No part of this publication may be reproduced, stored in a retrievial system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

SAGA Egmont www.saga-books.com – a part of Egmont, www.egmont.com

Tvær stúlkur voru skildar eftir til að deyja

Eftir Karin Lundqvist, lögreglufulltrúa hjá rannsóknarlögreglunni á Skáni.

Tvær átján ára stúlkur fundust látnar á snævi þöktum vegi á Hallandsåsen síðla sunnudagsins 18. janúar 2004 og voru báðar skólausar og fáklæddar. Daginn áður hafði lögreglan fengið tilkynningu um að bíll annarrar stúlkunnar lægi illa skemmdur í skurði. Fjarlægðin frá fundarstað bílsins til stúlknanna var um fimm kílómetrar. Fjöldi spurninga helltist yfir okkur. Hvern eða hverja höfðu stúlkurnar hitt? Af hverju höfðu þær verið skildar eftir á afskekktum malarvegi, án fótabúnaðar og yfirhafna?

Þetta leit strax út fyrir að vera mjög dularfullt því að enginn vissi hvað stúlkurnar höfðu verið að gera á þessum slóðum. Það var alveg ljóst að þær höfðu verið myrtar og síðar kom í ljós að þeim hafði verið misþyrmt og þær síðan skildar eftir til að deyja í kuldanum. Þarna voru að verki tveir vel þekktir ungir afbrotamenn sem vildu komast yfir bílinn þeirra.

Um klukkan 02.15 aðfaranótt 17. janúar sátu Andrea og Bo í stofunni heima hjá sér og horfðu á sjónvarpið. Smávegis snjór var á Hallandsåsen og hálka á vegum. Andrea og Bo voru að fara í rúmið þegar þau heyrðu háværan skell. Andrea fór og leit út um glugga en sá ekkert óeðlilegt. Skömmu síðar fór Bo út og gekk hring í kringum húsið en hann sá heldur ekki neitt óeðlilegt. Allt var hljótt og kolniðamyrkur og hann fór því aftur inn.

Yfirgefinn og skemmdur bíll

Um klukkan 07.00 á laugardagsmorguninn var lögreglunni tilkynnt um skemmdan bíl í skurði við þjóðveg 1701, nærri Båstad.

Nokkrum tímum seinna komu hjón að bílnum og stöldruðu við til að kanna hvort einhver væri í honum. Konan tók upp farsíma sem á stóð Emma og var inni í bílnum, til að huga að því hvort nokkrar gagnlegar upplýsingar sæjust á honum.

Um klukkan 09.30 átti rúta leið fram hjá og var Stig einn farþeganna í rútunni. Hann sat hægra megin í bílnum og horfði út um gluggann. Skömmu eftir að ekið hafði verið fram hjá mótelinu á Hallandsåsen sá hann hvar gamli E6 vegurinn lá samhliða veginum sem rútunni var ekið eftir. Síðan sá hann tvö hrúgöld sem líktust mannverum liggja á mjóum skógarvegi sem lá þvert á milli gamla og nýja þjóðvegarins.

Hann velti því fyrir sér hvað þetta gæti verið og sagði eiginkonu sinni frá því. Þegar sagt var í fréttum á sunnudagskvöldið að tvær stúlkur hefðu fundist myrtar á Hallandsåsen áttaði hann sig á hvað hann hafði séð og hafði samband við lögregluna.

Hvað gerðist?

Á föstudagskvöldið hafði Emma, sem var 18 ára, ákveðið ásamt Lindu vinkonu sinni, sem var jafngömul, að aka til Varberg til að fara í samkvæmi þar. Þær höfðu talað við marga vini sína sem biðu eftir þeim. Emma var með bílpróf en Linda ekki og þess vegna ætluðu þær í nýja Renault Clio-bílnum hennar.

Þær tóku smávegis aukafatnað með til að hafa um helgina og poka með gosi.

Þær voru hressar og kátar þegar þær kvöddu foreldra sína um klukkan 22.30 á föstudagskvöldið og