Svikavefur

By Forfattere Diverse

Meðal verkefna efnahagsbrotadeildar Ríkislögreglustjórans er móttaka tilkynninga sem bankastofnunum og fleiri aðilum ber að senda lögreglu, hafi þeir grun um að fjármunir, sem einstaklingar eða lögaðilar höndla með, hafi verið fengnir með ólögmætum hætti, eins og nánar er lýst í lögum um aðgerðir gegn peningaþvætti. Umtalsverður fjöldi slíkra tilkynninga berst á ári hverju, sem margar hverjar koma að miklu gagni við uppljóstrun ýmissa brota. -

• Language: Íslenska
• Publisher: SAGA Egmont
• Release date: Aug 18, 2020
• ISBN: 9788726523522

Book preview

Svikavefur

Svikavefur

Cover image: Shutterstock

Copyright © 2004, 2020 Ýmsir höfundar and SAGA Egmont

All rights reserved

ISBN: 9788726523522

1. e-book edition, 2020

Format: EPUB 2.0

All rights reserved. No part of this publication may be reproduced, stored in a retrievial system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

SAGA Egmont www.saga-books.com – a part of Egmont, www.egmont.com

Svikavefur

Eftir Birgi Sigmundsson, lögreglufulltrúa í efnahagsbrotadeild Ríkislögreglu-stjórans.

Meðal verkefna efnahagsbrotadeildar Ríkislögreglustjórans er móttaka tilkynninga sem bankastofnunum og fleiri aðilum ber að senda lögreglu, hafi þeir grun um að fjármunir, sem einstaklingar eða lögaðilar höndla með, hafi verið fengnir með ólögmætum hætti, eins og nánar er lýst í lögum um aðgerðir gegn peningaþvætti. Umtalsverður fjöldi slíkra tilkynninga berst á ári hverju, sem margar hverjar koma að miklu gagni við uppljóstrun ýmissa brota.

Upphaf málsins

Mánudaginn 31. júlí 2000 barst ein slík tilkynning frá Íslandsbanka, sem skar sig talsvert úr „venjulegum" tilkynningum af þessu tagi og var engan veginn ljóst í upphafi, hvort þarna væri tilefni til lögreglurannsóknar, eða hvort eðlilegar skýringar lægju að baki umtalsverðum og nokkuð einkennilegum peningagreiðslum, sem borist höfðu víða af landinu inn á bankareikning 65 ára gamallar konu í Reykjavík, sem hér verður kölluð Guðrún, þó ekki sé það hennar rétta nafn.

Fram kom í tilkynningu bankans, að þrátt fyrir að regluleg laun Guðrúnar virtust vera u.þ.b. 77 þúsund krónur á mánuði, hafi velta á reikningi hennar árið 1999 verið nærri 10 milljónum króna og 5,5 milljónum það sem af var árinu 2000. Ennfremur, að það væru nokkrir rosknir menn víða um land, sem lagt hefðu verulegar fjárhæðir inn á reikning Guðrúnar á umræddu tímabili. Rannsókn lögreglu átti eftir að leiða í ljós, að um var að ræða a.m.k. 55 milljónir króna á 9 ára tímabili.

Tilefni þess að Íslandsbanki kannaði þessi mál og tilkynnti síðan lögreglu, mátti rekja til árvekni starfsmanna sparisjóðs á landsbyggðinni, þegar einn viðskiptamanna sparisjóðsins, eldri maður sem hér verður kallaður Agnar, kom í sparisjóðinn og vildi leggja 200 þúsund krónur inn á reikning konu í Reykjavík, sem gjaldkerinn áttaði sig á að maðurinn þekkti í raun ekki neitt.

Þegar starfsmenn sparisjóðsins spurðu Agnar nánar um tilefni þessarar peningasendingar, sagði hann frá því að kona að nafni Guðrún, sem hann hvorki þekkti til né hefði nokkurn tíma hitt,