Barnaníðingsins fláráða fés

By Forfattere Diverse

Í hvert einasta skipti sem fjölmiðlar fyllast af fréttum um einstaklinga sem hafa svívirt börn, erum við minnt á að í samfélagi okkar eru til menn með svo auvirðilegt hegðunarmynstur að þeir geta aðeins fullnægt kynferðislegum hvötum sínum með börnum, oft mjög ungum.Þrátt fyrir útskýringar á þörfum þeirra dæmir almenningur þá mjög hart, gjörningurinn stríðir gjörsamlega á móti þeim gildum sem við byggjum líf okkar á og auk þess eru lögin skýr hvað varðar þessa siðlausu glæpi.-

• Language: Íslenska
• Publisher: SAGA Egmont
• Release date: Sep 28, 2020
• ISBN: 9788726512076

Book preview

Barnaníðingsins fláráða fés

Cover image: Shutterstock

Copyright © 2003, 2020 Ýmsir höfundar and SAGA Egmont

All rights reserved

ISBN: 9788726512076

1. e-book edition, 2020

Format: EPUB 2.0

All rights reserved. No part of this publication may be reproduced, stored in a retrievial system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

SAGA Egmont www.saga-books.com – a part of Egmont, www.egmont.com

Barnaníðingsins fláráða fés

Eftir Per Larsen, yfirmann rannsóknarlögreglunnar í Kaupmannahöfn.

Í hvert einasta skipti sem fjölmiðlar fyllast af fréttum um einstaklinga sem hafa svívirt börn, erum við minnt á að í samfélagi okkar eru til menn með svo auvirðilegt hegðunarmynstur að þeir geta aðeins fullnægt kynferðislegum hvötum sínum með börnum, oft mjög ungum.

Þrátt fyrir útskýringar á þörfum þeirra dæmir almenningur þá mjög hart, gjörningurinn stríðir gjörsamlega á móti þeim gildum sem við byggjum líf okkar á og auk þess eru lögin skýr hvað varðar þessa siðlausu glæpi.

Umræðan um barnaníðinga er opnari í dag en hún var fyrir fáum árum. Fjölmiðlar fjalla óhikað um málin, kærur eru miklu fleiri og hjálp til handa fórnarlömbunum er í stöðugri þróun. Ókleift er að vita með vissu hvort glæpum af þessu tagi hefur fjölgað eða hvort umræðan hafi opnað áður hulinn heim afbrota. Vandamálum fjölgar hins vegar mjög varðandi barnaklám. Upplýsingatæknin hefur orðið til þess að hægt er að stofna til alls konar samskipta á ótrúlegum hraða hringinn í kringum jarðarkringluna. Af öllu því sem fer eftir þessum nýju leiðum er barnaklámið það viðurstyggilegasta. Barnaklámi er hægt að dreifa með eldingarhraða til hundruðþúsunda afvegaleiddra viðtakenda, sem finna fullnægingu í því að virða fyrir sér kynferðislega misnotkun á börnum á tölvuskjá.

Á síðustu árum hefur mjög verið rætt um gerðir barnaníðinga og umhverfi þeirra. Að gefnu tilefni hafa sjálfboðaliðar í íþrótta-, tómstunda- og félagsmiðstöðvum og menn sem tekið hafa að sér umönnun barna á ýmsum stofnunum orðið þáttur af henni. En varast verður að stunda nornaveiðar. Það verður að vera hægt að sýna börnum kærleika og ástúð með líkamlegri snertingu en jafnframt verðum við halda vöku okkar gegn þeim sem vinna traust barna í þeim eina tilgangi að misnota þau síðar.

Jákvæðar og neikvæðar hliðar

Í tímans rás hefur umræða um barnaníðinga verið með ýmsum hætti. Oft hefur áhuginn verið mestur fyrir málum sem af einhverjum ástæðum hafa vakið meiri athygli en önnur og umfjöllun farið úr böndunum og tekið á sig mynd æsifrétta. Nú orðið eru mál af þessu tagi algengari og athyglin, sem þau vekja, varir lengur. Það getur bæði haft jákvæðar og neikvæðar hliðar. Jákvæða hliðin er sú að við látum okkur í auknum mæli varða velferð barna, árvekni eykst, við erum ekki eins grunlaus gagnvart vandanum, þorum að tala opinskátt um hlutina og erum betur í stakk búin til að vera á