Rambó

By Forfattere Diverse

Þetta er frásögn um það hvernig líf manns getur breyst, þegar örlögin leika sitt duttlungafulla spil, hvernig ósköp venjulegur og rólegur maður breytist í ógnvæn- legan Rambó. -

• Language: Íslenska
• Publisher: SAGA Egmont
• Release date: Aug 18, 2020
• ISBN: 9788726523478

Book preview

Rambó

Eftir Hans Jorn Feldthaus, lögreglufulltrúa í Sonderborg.

Þetta er frásögn um það hvernig líf manns getur breyst, þegar örlögin leika sitt duttlungafulla spil, hvernig ósköp venjulegur og rólegur maður breytist í ógnvæn-legan Rambó.

Vélsmiður og vélstjóri

Aðalpersónan – sem við skulum kalla Kim – var fæddur árið eftir lok seinni heimsstyrjaldarinnar. Heimili hans gæti kallast venjulegt millistéttarheimili og þar bjó einnig eldri systir Kims. Faðirinn var hörkutól og samband þeirra Kims var stirt, þar sem Kim fannst hann aldrei geta gert föðurnum til hæfis. Hins vegar átti hann gott og hlýlegt samband við móður sína og systur. Það skín í gegnum frásögn Kims að það íþyngdi honum nokkuð að uppfylla ekki væntingar föður síns.

Það er sagt að móðir Kims hafi krafist þess að hann væri betri en aðrir.

Frá skólaárunum á Kim ekki sem bestar minningar. Gáfurnar vantaði ekki en áhugann skorti. Hann hafði útstæð eyru og varð fyrir einelti. Hann hætti í skóla eftir áttunda bekk. Eyrun voru lagfærð með uppskurði og bætti það nokkuð úr sjálfsmati hans.

Hann tók níunda bekk í unglingaskóla og fór síðan í sjómannaskóla í eitt ár. Seinna varð hann lærlingur hjá skipasmíðastöð og lærði vélsmíði. Að því loknu tók hann vélstjórapróf utan skóla.

Á þann hátt fékk hann ágæta menntun – nokkuð sem kom til með að skipta miklu máli í tengslum við þau afbrot sem verður lýst hér á eftir.

Sumt bendir hins vegar til þess að æska hans hafi ekki verið eins áhyggjulaus og hann vill sjálfur vera láta og getur vel verið að viðhorf foreldra hans hafi lagt grunninn að því að líf hans fór úr skorðum. Hann vann ýmis störf á sínu verksviði þar til hann byrjaði sem flutningabílstjóri árið 1972.

Misheppnuð hjónabönd

Kim var 24 ára þegar hann gekk í sitt fyrsta hjónaband með konu sem var 10 árum eldri en hann. Hjónabandið entist í sex ár en leystist upp af því að konan gat ekki átt börn.

Annað hjónabandið hófst árið 1977 þegar Kim var 31 árs. Konan, sem hann kvæntist, var einungis 21 árs. Þau fjarlægðust fljótt hvort annað og skildu árið 1981. Þau eignuðust eitt barn, dreng, sem Kim hefur endrum og eins samband við, en ekki reglulega.

Hann gekk í sitt síðasta hjónaband árið 1982 með konu sem var sex árum yngri en hann. Hún var ekkja eftir flutningabílstjóra sem farist hafði í umferðarslysi suður í Evrópu.

Konan átti eitt barn fyrir, stúlku, og saman eignuðust þau tvö börn. Kim segir að hjónabandið hafi verið gott. Eiginkona hans var sjúkraliði og vann oft kvöld- og næturvaktir, sem ekki bætti hjónabandið, en það entist þó fram til ársins 1993.

Árið 1989 keypti Kim stórt hús úti á landi, nálægt litlum bæ á