Morðið á Önnu Lindh

By Forfattere Diverse

Á sama hátt og fréttin af morðinu á Olof Palme forsætisráðherra skók Svíþjóð og heimsbyggðina 28. febrúar 1986 skók fréttin af hryllilegu morðinu á Önnu Lindh heimsbyggðina í september 2003. En í þetta sinn tókst lögreglunni að leysa málið fljótlega. Morðinginn var handtekinn eftir mikla rannsóknarvinnu. -

• Language: Íslenska
• Publisher: SAGA Egmont
• Release date: Aug 18, 2020
• ISBN: 9788726523690

Book preview

Morðið á Önnu Lindh

Cover image: Shutterstock

Copyright © 2005, 2022 Ýmsir and SAGA Egmont

All rights reserved

ISBN: 9788726523690

1st ebook edition

Format: EPUB 3.0

No part of this publication may be reproduced, stored in a retrievial system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

www.sagaegmont.com

Saga is a subsidiary of Egmont. Egmont is Denmark’s largest media company and fully owned by the Egmont Foundation, which donates almost 13,4 million euros annually to children in difficult circumstances.

Morðið á önnu Lindh

Eftir Christer Nilsson, lögreglufulltrúa, og Dan Boija, Magnus Osvald og Mikael Schönoff, rannsóknarlögreglumenn í Stokkhólmi.

Á sama hátt og fréttin af morðinu á Olof Palme forsætisráðherra skók Svíþjóð og heimsbyggðina 28. febrúar 1986 skók fréttin af hryllilegu morðinu á Önnu Lindh heimsbyggðina í september 2003.

En í þetta sinn tókst lögreglunni að leysa málið fljótlega. Morðinginn var handtekinn eftir mikla rannsóknarvinnu.

Anna Lindh fæddist í Enskede í suðurhluta Stokkhólms í júní 1957. Faðir hennar var listamaður og móðir hennar kennari. Fjölskyldan flutti síðan til Enköping þar sem Anna varð fljótt virk í starfsemi SSU-stjórnmálasamtakanna og aðeins 13 ára gömul var hún kosin formaður félags síns.

Árið 1981 var hún valin formaður LSU, Landsrådet för Sveriges Ungdomsorganisationer. Hún nam síðan lögfræði við háskólann í Uppsala. 1984 var hún, fyrst kvenna, valin talsmaður SSU. Tveimur árum síðar hélt hún ræðu við útför Olofs Palme. Þá sagði hún meðal annars: „Það er hægt að drepa manneskju en ekki hugmyndir. Við þökkum þér fyrir að hafa útbreitt hugsjónir þínar."

Árið 1991 giftust Anna Lindh og Bo Holmberg sem er landshöfðingi í Södermanlandsléni. Þau settust að í Nyköping og eignuðust tvo syni. Á miðjum tíunda áratugnum varð hún umhverfisráðherra og haustið 1998 varð hún utanríkisráðherra.

Anna Lindh – september 2003

Um hádegisbil miðvikudaginn 10. september fór Anna Lindh utanríkisráðherra frá heimili sínu í Nyköping og tók lestina til Stokkhólms. Þegar lestin var komin til aðalbrautarstöðvarinnar í Stokkhólmi hélt hún fótgangandi eftir Klarabergsgatan inn á Drottninggatan þar sem hún keypti smurbrauð í hádegismatinn og hélt síðan áfram til vinnustaðar síns í utanríkisráðuneytinu. Hún hefði raunar átt að vera í Sundsvall að taka þátt í borgarafundi þar en hætt hafði verið við það því að hún átti að taka þátt í sjónvarpsumræðum um kvöldið um sameiginlegan gjaldmiðil Evrópusambandsríkjanna. Þess vegna voru ekki margir sem vissu að hún væri í Stokkhólmi. Sjónvarpið hafði sett fram óskir um fatnaðinn sem hún mundi klæðast í útsendingunni og því hafði hún ákveðið að kaupa sér föt síðdegis sem féllu að óskum sjónvarpsins. Hún var því búin að ákveða að hitta vinkonu sína í utanríkisráðuneytinu klukkan 15.30. Vinkonan ætlaði að fara með Önnu Lindh til að ráðleggja henni um fatavalið.

Á sama tíma – annar aðili

Í Tullinge, litlum bæ sunnan við Stokkhólm, er maður sofandi í íbúð sem hann býr í með foreldrum sínum og systur. Faðirinn er að vísu ekki skráður með lögheimili þarna en býr að jafnaði í íbúðinni. Maðurinn hefur átt erfitt með svefn síðustu nætur og verið órór. Vegna svefnleysisins hefur hann verið illa á sig kominn andlega. Hann er vanur að eyða dögunum í að horfa á sjónvarp og sofa. Hann veit ekki hvað klukkan er þegar hann vaknar að morgni 10. september – hann er aldrei með klukku. Honum finnst það heldur ekki skipta neinu máli, hann þarf ekki að gæta að tímanum – nema þegar hann á að mæta hjá lækni.

Þegar hann vaknar veit hann ekki almennilega hvað hann á að taka sér fyrir hendur þennan daginn. Hann verður fljótt var við að foreldrar hans og systir eru heima. Hann gerir ekkert sérstakt þennan morgun annað en að horfa aðeins á sjónvarpið. Á þriðjudeginum hafði hann farið einn í bæinn og rölt um. Meðal annars hafði hann hlustað á Lars Leijonborg flokksformann sem talaði um hvort ætti að taka evruna upp sem gjaldmiðil í Svíþjóð eða ekki. Maðurinn er ekki áhugasamur um stjórnmál en tók samt við bæklingi um málið. Bakhlið