Die dingesfabriek 2: Jannus en Kriek onder die see

By Elizabeth Wasserman and Astrid Castle

Die tweede avontuur waarin Jannus en Kriek Knoets, die rooikoptweeling wat in Huis Deurmekruis woon, en hulle eksentrieke oupa op ’n ontdekkingstog gaan.
In die eerste boek het Oupa hulle saamgeneem maan toe. Daar het vreemde spore hulle verbeelding aangegryp . . .

Dié keer neem Oupa hulle in sy duikboot, die Krisantalia, na die Suid-Atlantiese oseaan, digby Bouvet-eiland. ’n Geheimsinnige reuse-eier is hier gevind, en ’n mede-wetenskaplike het Oupa Knoets gevra om die eier te help ondersoek. Dis ’n diepsee-wêreld waar jeti-krappe en eienaardige fluoresserende visse leef . . . maar dan kraak die eier se dop terwyl die tweeling saam met Oupa onderwater is. Dit beteken net een ding: wat ook al daarbinne is, is reg om uit te broei, en die ding se ouers gaan hom mos kom soek . . .

• Language: Afrikaans
• Publisher: Tafelberg
• Release date: Mar 31, 2014
• ISBN: 9780624062929

Elizabeth Wasserman

Elizabeth Wasserman is a pathologist in private practice and extraordinary professor in the Department of Medical Microbiology at the University of Stellenbosch. She contributed to Nuwe Kinderverseboek (Tafelberg, 2009) and is the author of the Dogtective William, Dingesfabriek and Anna Atoom series, which was awarded the prestigious Alba Bouwer Prize in September 2013. Elizabeth and her family live in Welgedacht, near Cape Town.

Book preview

pic18.jpg

Elizabeth Wasserman

Illustrasies deur Astrid Castle

Tafelberg

Vir almal wat soms droom

oor die see – EW

Vir die avontuurlustiges wat hier lees.

Ek hoop julle ontdekkingsreise sal julle

verbeelding betower! – AC

Die wêreld van Jannus en Kriek

Ons helde:

Doopname: Jannewario Frederikus Knoets en Krisantalia Renostrum Knoets, algemeen bekend as Jannus en Kriek. Hulle is min of meer agt jaar oud, en hulle is ’n tweeling.

Die%20Dingesfabriek_Intro_a).tif

Adres: Huis Deurmekruis, Onder Afrit 7 van die snelweg, Naby die dokke

Hulle ouers:

Knersius en Soetlief Knoets. Knersius is die speltoetser van ’n groot uitgewery. Soetlief is ’n gevaarlike spioen.

Die%20Dingesfabriek_Intro_b).tif

Hulle troeteldier:

’n meerkat met die naam van Meneer Snoek. Sy is ’n wyfiemeerkat, maar haar voornaam is Meneer en haar van is Snoek.

Die%20Dingesfabriek_Intro_c).tif

Hulle oupa:

Hy is ’n avonturier, ’n uitvinder en ’n baie onvoorspelbare ou man. As hy nie iewers anders is nie, bly hy onder Huis Deurmekruis, waar hy allerhande interessante dinge doen en goeters uitvind in sy kelderlaboratorium. Sy brein is so groot en so besig dat dit vir hom moeilik is om aandag aan gewone dinge te gee. Miskien raak hy net ’n bietjie deurmekaar van ouderdom, want hy noem alles wat hy nie kan onthou nie dinges.

Die%20Dingesfabriek_Intro_d).tif

Wie is Zip?

Is hy een van Oupa se uitvindings? Niemand weet wat hy is of waar hy vandaan kom nie, maar hy het gehelp om hierdie boek te skryf.

p%209%20_%202.tifMr%20Snoek%20_%20Extra%20artwork%20filler.tiff

’n Skooltaak

Vandag, sê juffrou Frot vir die klas, "is Vrydag. En vir die naweek kry julle ekstra-spesiale huiswerk. Julle moet elkeen ’n koerantberig uitknip oor iets wat julle interesseer en dit Maandag saambring. Ons