OP SOEK NA ’N ‘STERK’ VROU

Wat is ’n sterk vrou?

Mans en vroue moet vry voel om sensitief te wees. En om sterk te wees . . . dis tyd dat ons geslag op ’n spektrum sien en nie as twee teenoorgestelde stelle idees nie
– aktrise Emma Watson

Ons praat nie van trillende biseps soos Serena Williams s’n nie. Tik “strong female characters in movies” op Google se soekveld in en die kuber-Einstein kom met name vorendag soos Maggie (Hilary Swank) in Million Dollar Baby, Jules (Keira Knightley) in Bend It Like Beckham en Scarlett (Vivien Leigh) in Gone with the Wind.

Maar wag. Emilia Clarke, die “draak-fluisteraar” Daenerys Targaryen in Game of, trek juis te velde teen die verwysing na sekere vroulike fliekrolle as “sterk”. “Niemand verwys ooit só na ’n manlike akteur in ’n hoofrol nie, behalwe as hy fisiek sterk is,” sê sy. Arnie, of Jean-Claude van Damme. “Ons moet die gesprek uit ’n ander hoek benader met vrae soos: Hoe voel dit om iemand met mag te speel?”