KOOKWATERMOORD: ‘DIT KON MY MA GEWEES HET’
TOE sy die foto van die tenger vrou saam met haar ma se ekskêrel sien, het sy skoon naar gevoel. Die vrou op die foto lyk dan “nes my ma”, het sy gedink. Maar terwyl Erika* se ma nog leef, het die vrou op die foto, Maryna Venter (49), op die grusaamste manier denkbaar gesterf aan die hand van die man op die foto, Brahm Fourie (52).
Erika glo vandag haar ma was gelukkig om lewend uit haar eie verhouding met Fourie te ontsnap, want hy het ook haar ma mishandel en gereeld geslaan, sê sy.
Maar die lot van die vrou met wie hy daarna ’n verhouding gehad het, was volgens aanklagte in die hof selfs wreder – en daarvoor is Fourie op 15 Julie
