Goue Vroue in Jumanji
By Goue Vroue, Letty-Ann Möller, Adri de Kock and
()
About this ebook
Die Goue Vroue was weer op een van hulle vele wonderlike avonture - hierdie keer in die oerwoud in Afrika. Soos dit altyd met die Goues die geval is, is hierdie geen uitsondering nie en was dit ’n avontuur gevul met opwinding en gevaar. Adrenalienbelaai. Die dames het soms tuimelend bo-oor mekaar rondgeval, ander kere gillend vasgeklou vir lewe en dood! Op die ou end, soos nog altyd vantevore, het hulle die Jumanji-uitdaging met vlieënde vaandels geslaag.
Goue Vroue
Ons is 'n groep Afrikaanssprekende vroue wat elkeen haar eie blog het en saam stories skryf. Ons het baie pret en het op die internet 'n plek gevind waar ons ons eie wêreld beleef. Ons het ons eie verbeeldingsdorpie, Rebusfontein waar elkeen haar eie huisie het.
Related to Goue Vroue in Jumanji
Related ebooks
Skool is 'n riller Rating: 0 out of 5 stars0 ratings’n Hart is so groot soos ’n vuis Rating: 4 out of 5 stars4/5Blits 2: Operasie Hoërskool Rating: 0 out of 5 stars0 ratingsKyk my in die oë Rating: 0 out of 5 stars0 ratingsAfgehandel (2de uitgawe) Rating: 0 out of 5 stars0 ratingsEk bly by jou Rating: 0 out of 5 stars0 ratingsVerstevlei Rating: 0 out of 5 stars0 ratingsSkaduself Rating: 0 out of 5 stars0 ratingsVoorouer. Pelgrim. Berg. Rating: 5 out of 5 stars5/5Een nag en 'n bietjie Rating: 0 out of 5 stars0 ratingsSnak Rating: 0 out of 5 stars0 ratingsLaguns Die Eensame Meermin Rating: 0 out of 5 stars0 ratingsOp pad na Moormansgat: Die verhaal van Billy Foster en Koos de la Rey Rating: 0 out of 5 stars0 ratingsAnderkant uit: Stories oor trauma en hoop: Stories oor trauma en hoop Rating: 0 out of 5 stars0 ratingsSpertyd Rating: 5 out of 5 stars5/5Die Vierde Nasaat Rating: 0 out of 5 stars0 ratingsGoue Vroue in Wonderland Rating: 0 out of 5 stars0 ratingsDie Reuk van koffie: Rubrieke, blogs en ander geskrifte Rating: 3 out of 5 stars3/5Kennis van die aand Rating: 3 out of 5 stars3/5Tuimeltrein Rating: 0 out of 5 stars0 ratingsDie Poort 2: Reisigers Rating: 5 out of 5 stars5/5As Wense Perde Was (Afrikaanse uitgawe - Afrikaans Edition) Rating: 0 out of 5 stars0 ratingsMargie van die seminary en ander verhale Rating: 0 out of 5 stars0 ratingsWakanda, my liefste Rating: 0 out of 5 stars0 ratingsMy kat word herfs Rating: 0 out of 5 stars0 ratingsHierdie mens Rating: 0 out of 5 stars0 ratings107 Kaalkoppe Rating: 0 out of 5 stars0 ratingsDie Golwe Rating: 0 out of 5 stars0 ratingsDie rolbalspeler Rating: 0 out of 5 stars0 ratingsDie Luiperds van Sh'ong Rating: 0 out of 5 stars0 ratings
Related categories
Reviews for Goue Vroue in Jumanji
0 ratings0 reviews
Book preview
Goue Vroue in Jumanji - Goue Vroue
Die praatstok se laaste storie
Ek is laaste aan die beurt, al die ander Goue Vroue het klaar hulle stories gedeel. Of hulle menings gelug. Of sommer net harte oopgemaak.
Ek kyk vlugtig na elkeen om die tafel. Aalsie, Appeltjie, Seegogga, Positief, VirgoC, Christa, Tannie Frannie, Trommeltjie, Toortsie, WoordNoot, Sonell en San. Die vrouens van Rebusfontein.
Ek wil oor Rebus praat, oor ons dorpie. Ons dorp met sy dertien bewoonde huise en so een of twee wat leeg staan. Ons het nie net hier geland nie, ons het almal uit ’n diep verlange na iets, na ’n plek, tot hier gekom. Ons, elk met ’n eie verlede, ’n eie storie, ons het hier ons gesamentlike inham kom vind. Ons veilige baai.
Vanuit Rebus het ons geskiedenis gemaak. Ons berugte Biblioteekavontuur, Die Kluisenaar in die bos, Coronamouna. Daar was feestafels, ’n wêreldtoer, Kersvader wat saam met ons amok gemaak het, ons inwonende seekoei-verhaal.
Alice in Wonderland wat ons almal uit ons gemaksones gekry het. Die Emmerskoplysie, toe ons heerlike Abba-partytjie. Die kalender, en nou die praatstok.
Rebusfontein is nie die plek waar ons sommer net gewoon lewe nie. Jy kom hierheen as daar ’n ‘oproep’ is, as daar ’n woord uitgaan wat sê ouens, los als en kom, iets is aan die gebeur!
Ek bly ’n oomblik stil, net om asem te skep. Met dié sien ek hoe San en tannie Frannie in hulle stoele omswaai. Altwee van hulle se ore is ingestel op kleinkinders, so beide is meer as gereed vir enige vinnige gebeurtenisse.
Watse deur slaan so hard?
vra hulle gelyk. Ons hoor almal die sterk wind wat opkom. Ek sit die praatstok vinnig neer.
Kom ons loop kyk, my beurt is verby.
Die praatstok helder vir ’n oomblik op, maar niemand sien dit raak nie. Nuuskierigheid kry die oorhand, want die deur bly slaan, iewers in die laat skemerte.
Daar, kyk,
wys Sonell in die rigting van die oop veld. Sy is ’n dapper een, al is sy so jonk. G’n niks bang nie.
Oe la,
dans Trommeltjie hier links van my rond. Sy droom al sedert die kasteel van ’n nuwe geheim, nuwe uitdagings wat ons kan wegneem uit die hier en nou.
Die opgewondenheid is tasbaar, en almal hou nou asem op.
Ek wil, ek wil,
sê Positief opgewonde.
Kan ek eerste oopmaak?
Wees net versigtig jong.
VirgoC vee haar kuif eenkant toe. Sy is regtig nie gereed vir enige ongevalle nie.
Toortsie is neffens haar. Virgo’tjie, sê nou daar is spinnekoppe?
Kom, loop hier teen my. As hulle daai deur oopmaak en ons sien enige iets met meer as vier bene, dan gryp ek jou aan jou kraag en ons laat spaander!
Gaan kyk, man.
Seegogga stamp Positief saggies vorentoe. Seegogga vrees niks, sy is ’n seevrou.
San neem stelling in terwyl tannie Frannie wens sy het haar mandjie broodjies onthou.
Ek, Aalsie en Christa staan agter. Aalsie wring haar hande saam. Julle weet, ek is reg vir wat ook al wag!
Christa bly doodstil. Net nie vlermuise nie, asseblief tog nie,
dink sy.
WoordNoot en Appeltjie stap versigtig agter Positief aan, gereed vir aksie.
Die Abba-partytjie is lankal vergete en die dames soek afleiding. Iets anders as trek en verf en regpak en stik.
Iewers op die stoep glimlag die praatstok so effe. Die Goue Vroue is gereed, weet hy. Hulle sal kan doen wat gedoen moet word …
Ek giggel onwillekeurig. Ons almal was al hier, presies hier, aan die begin van ’n nuwe avontuur.
En Rebus-avonture ruk nou maar eenmaal altyd handuit!
Positief, maak asseblief vir ons die deur oop.
Terug na Inhoudsopgawe
Hoofstuk 2 (Deur Positief)
Die deur
Una! Nee man, jy weet mos ek is nie so heeltemal vas op my voete nie, om sommerso vorentoe gestamp te word ...
Ek kyk om en al die Goue Vroue staan agter my. Wat ek nie kan sien nie is die deur waardeur ons nou net gekom het, dis net bome en bosse. My mond gaan oop om te vra waarheen die deur verdwyn het, maar die vraag verander in ’n kreet.
Pasop julle!
en ek duik af, terwyl ek ’n hele paar vroue aan hulle skouers saamsleep. Die res sien ook wat aangaan en duik grond toe. Gelukkig is olifante se oë maar sleg, so hulle storm minder as ’n meter van ons af verby. Die dreuning van hulle voete het skaars vervaag,