My Reis

By Amanda

Na 24 jaar is die skryfster ook deel van die egskeiding statistiek. Nooit sou sy haarself kon indink op 46 jaar sou sy deel wees hiervan nie. Sulke goed gebeur met ander mense.
Hierdie boek gaan nie oor die detail daarvan nie.
Hierdie gaan oor haar "journey", my reis. Hoe sy die pad geloop het. Dinge wat sy baie vinnig moes leer en uitvind. Haar handleiding, gids. Hierdie is ook haar gevoelens, ervarings, woorde uit haar hart.
Miskien is jou pad anders, miskien nie, miskien is julle pad dieselfde, sy weet nie.
Baie vrae was in haar agterkop. Hoe doen jy baie alledaagse dinge? Wanneer is ʼn goeie tyd om huis toe te gaan as jy by vriende kuier? Met wie gesels jy in ʼn geselskap as almal met hulle maats gesels? Hoe maak jy met skoolfunksies? Met enige funksie? Mag ek sy van behou? Is daar ʼn tydlyn aan verbonde, as iemand my net kan sê hoeveel dae, kan sy mos ʼn kalender teen die muur sit en elke dag die blokkies afmerk en so kom die einde in sig.

Klein bietjie agtergrond, haar man was die praktiese een in die huis, hy het, kon alles regmaak en ʼn regte planmaker. Sy daarteenoor kan niks regmaak nie, kan ʼn plan uitdink, maar hoe voer jy dit uit?
Hulle het 2 kinders, een is nou 19 en al uit die huis en een sy laaste jaar op skool. Party sê gelukkig is hul al groot, sy weet nie, dit bly maar baie traumaties! Sy dank die Vader elke dag vir hulle, hulle hou jou regop elke liewe dag!
Het sy alles reggedoen – sy twyfel!
Sou sy wou teruggaan en iets verander – nooit nie!
Was dit maklik? Glad nie!
Wat het sy geleer:
Daar is geen handleidings, geen notas word van Bo gegooi nie (sou definitief makliker gewees het), niemand kan die pad saam met jou loop nie, almal is maar net toeskouers, hierdie paadjie is net vir jou voete alleenlik.
Sy Liefde, Getrouheid, Genade maak hierdie pad wel moontlik om te stap, kruip party dae en meeste van die tyd tel Hy jou op en dra jou!
Maar hier gaan ons…

• Language: Afrikaans
• Publisher: Amanda
• Release date: Mar 6, 2024
• ISBN: 9798223111993

Book preview

My reis

Amanda

Oorspronklik gepubliseer as ISBN: 978-1-776-430079

Inhoudsopgawe

Titelblad

Kopiereg

Opgedra aan en bedankings

Voorwoord

Hoofstuk 1 - Die eerste maand en sy chaos

Hoofstuk 2 - Die groot trek

Hoofstuk 3 - Selfmaak Kersfees

Hoofstuk 4 - Die groot dae…Kersfees

Hoofstuk 5 - Die groot dae – Nuwejaar

Hoofstuk 6 - Ons eerste vakansie

Hoofstuk 7 - My eerste verjaarsdag

Hoofstuk 8 - Eerste Valentynsdag, eerste partytjie

Hoofstuk 9 - 6 maande – 181 dae

Hoofstuk 10 - Moedersdag en Vadersdag – en nog moeilike dae

Hoofstuk 11 - Maandag – 18 Julie 2022 – 260 dae

Hoofstuk 12 - My nuwe van, my nuwe identiteit

Hoofstuk 13 - My geveg met die kerk

Hoofstuk 14 - Troue van die jaar

Hoofstuk 15 - Hospitale en vrese

Hoofstuk 16 - 365 dae – EEN JAAR

Milnerstraat 389

Waterkloof

Pretoria

0181

www.marleo.co.za

Alle regte voorbehou. Geen gedeeltes van hierdie boek mag sonder skriftelike verlof van die skrywersgereproduseer of in enige vorm of langs enige elektroniese of meganiese weg weergegee word nie, hetsy deur fotokopiëring, plaat-bandopname, mikrofilm of enige ander stelsel van inligtingsbewaring.

Kopiereg:

Amanda

Eerste druk 2023

Geset, gedruk en gebind deur:

Jotha Drukkers

Pretoria

083 453 0969

ISBN: 978-1-776-430079

Opgedra aan my familie en vriende wat die pad saam met gestap het.

En dankie aan:

Karlien wat die buiteblad geillustreer het- min weet jy net hoe getrou jou illustrasie aan my storie was.

Voorwoord

Na 24 jaar is ek ook deel van die statistiek: egskeiding statistiek. Nooit sou ek myself kon indink op 46 jaar en 10 maande sou ek deel wees hiervan nie. Dit was glad nie in my raamwerk vir my pad nie. Sulke goed gebeur met ander mense.

Hierdie boek gaan nie oor die detail daarvan nie.

Hierdie gaan oor my journey, my reis. Hoe ek die pad geloop het. Dinge wat ek baie vinnig moes leer en uitvind. My handleiding, my gids. Hierdie is ook my gevoelens, ervarings, woorde uit my hart.

Miskien is jou pad anders, miskien nie, miskien is ons pad dieselfde, ek weet nie.

Baie vrae was in my agterkop. Hoe koppel ek ʼn wasmasjien op? Hoe ry mens grondpad? Hoe ruil ek ʼn wiel om? Wanneer is ʼn goeie tyd om huis toe te gaan as jy by vriende kuier? Met wie gesels jy in ʼn geselskap as almal met hulle maats gesels? Hoe maak jy met skoolfunksies? Met enige funksie? Mag ek sy van behou? Is daar ʼn tydlyn aan verbonde, as iemand my net kan sê hoeveel dae, kan ek mos ʼn kalender teen die muur sit en elke dag die blokkies afmerk en so kom die einde in sig.

Klein bietjie agtergrond, my man was die praktiese een in die huis, hy het, kon alles regmaak en ʼn regte planmaker. Ek daarteenoor kan niks regmaak nie, kan ʼn plan uitdink, maar hoe voer jy dit uit?

Ons het 2 kinders, ons Blom is nou 19 en al uit die huis en ons Bul laaste jaar op skool. Party sê gelukkig is hul al groot, ek weet nie,dit bly maar baie traumaties! Ek dank die Vader elke dag vir hulle, hulle hou jou regop elke liewe dag!

Het ek alles reggedoen – ek twyfel!

Sou ek wou teruggaan en iets verander – nooit nie!

Was dit maklik? Glad nie!

Wat het ek geleer:

Daar is geen handleidings, geen notas word van Bo gegooi