GESELS SAAM
MENINGS OOR STORIES OP HUISGENOOT.COM
1 DIE KANKERREIS IS NIE NET SOMBER NIE’
Daar is ook ’n reënboog wanneer die wolke donker saamtrek –dít is Candice Kriel se boodskap aan ander vroue met borskanker
Ek het in Februarie ook met chemoterapie begin. In Junie het ek die reeks voltooi, maar moet nou weer ’n reeks begin. Ek vertrou God gaan my nou genees. ELMARIE
Ek het op 9 Julie gehoor ek het maagkanker. Ek het met chemo begin, maar manlief word nie toegelaat om my te vergesel nie. Ons moet dit maar so aanvaar. AMANDA
Sterkte, ek weet hoe jy voel. Ek moes in 2012 alleen daardeur gaan. Was toe twee jaar lank skoon, en toe begin dit weer in 2015, en weer moes ek daardeur. HENDRIKA
Ek weet presies hoe julle as egpaar voel. My verloofde gaan elke tweede week vir chemo in Bloemfontein, maar weens die inperking mag ek nie by hom wees nie. LANIE
