Paraloga Payanam

By Devibala

கர்னல் ராம்பிரசாந்த் - பிரபு இருவரும் ஒரு விபத்தில் நண்பர்களாகின்றனர். சட்டவிரோதமாக போதைப் பொருட்கள் விற்பனை செய்யும் குரு, மோனாலிசா, தாஸ், இவர்கள் மூவரையும் போலீஸில் ஒப்படைக்கின்றனர்.

இதனால் கர்னல் ராம்பிரசாத் மற்றும் பிரபுவின் வாழ்வில் ஏற்பட்ட மாறுதல் என்ன?

பரலோகத்திற்கு பயணம் சென்றவர்கள் யார்? யார்? வாசித்து அறிவோம்…

• Language: தமிழ்
• Publisher: Pustaka Digital Media
• Release date: Apr 2, 2022
• ISBN: 6580100607830

Book preview

http://www.pustaka.co.in

பரலோக பயணம்

Paraloga Payanam

Author :

தேவிபாலா

Devibala

For more books

https://www.pustaka.co.in/home/author/devibala-novels

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

அத்தியாயம் 10

அத்தியாயம் 11

அத்தியாயம் 12

அத்தியாயம் 13

அத்தியாயம் 14

அத்தியாயம் 15

அத்தியாயம் 16

அத்தியாயம் 17

1

கதவு தாழிடப்பட்டதும் ‘சடக்’கென்று தலையை உயர்த்தினாள் அனிதா.

திரும்பிய அவன் அனிதாவைப் பார்த்து மெல்லச் சிரித்தான். அங்கேயே நின்று தலையொடு கால் அவளை அளவெடுத்தான். ‘தொழிலுக்குப் புதுசா?’

கரகரப்பான குரல் போதையை அணிந்து கொண்டு புறப்பட்டது. கண்கள் லேசாகச் சிவக்கத் தொடங்கி, காமம் தலைகாட்டத் தொடங்கியிருந்தது என்னை ஒண்ணும் செய்யாதீங்க விட்ருங்க!

அதுக்கா இத்தனை ரூவா குடுத்து வந்திருக்கேன்? என்ன கேட்டா தெரியுமா காந்திமதி? புதுச்சரக்கு, ஆயிரம் குடு சாமினு, அதிகம்னு நினைச்சேன். உன் ‘இது’க்கே ஆயிரம் தரலாம் போலிருக்கே! அவன் பார்வை ஒரு பூரான் போல, அவள் உடலெங்கும் ஏறுமாறாக நெளிந்தது.

என்னை விட்டுருங்க நான் உங்க தங்கச்சி போல!

ஷ்…! இந்த இடத்துல தடை செய்யப்பட்ட வார்த்தை தங்கச்சி தெரியமா உனக்கு?

நெருங்கிய அவனுக்கு நாற்பது வயசு இருக்கலாம். கனமான உடல் பாலியெஸ்டர் வேட்டியும், மல் ஜிப்பாவும் (உள்ளே பனியன் தெரிய) அணிந்திருந்தான். தொப்பி போல தலைமுழுக்க முடி மூடியிருக்க, கனமாக மீசையும், மது தந்த முகச்சிவப்பும் நிக்கோடின் உபயத்தால் கறுத்த உதடுகளும் அவனது தரத்தை அப்பட்டமாக பறைசாற்றியது.

தங்கச் சங்கிலி டாலர் கோர்த்து, டாலரில் GURU என்ற ஆங்கில எழுத்தே அழகுற செதுக்கப்பட்டு மார்புக் காட்டில் புரண்டது. யோசிக்கத் தொடங்கினாள் அனிதா.

இவன் எதையும் செய்வான். இவனிடமிருந்து தப்புவது என்பது இயலாத செயல், இரண்டு நாட்களாக நூறு நாடகங்கள் ஆடி, விடுதித்தலைவியிடம் அடி, உதைபட்டு, வெறுப்பை சம்பாதித்து கற்பைக் காப்பாற்றிக் கொண்டாயிற்று.

‘சித்தியின் கொடுமையிலிருந்து தப்ப வீட்டை விட்டுப் புறப்பட்டது தவறு. இவர்களிடம் வந்து மாட்டிக்கொண்டு… ஓ! அவசரப்பட்டு விட்டேன்’

‘அதெல்லாம் போன கதை இவனிடமிருந்து தப்ப வேண்டும். அதைவிட முதலில் இந்த விடுதியிலிருந்து தப்ப வேண்டும். ஒவ்வொரு இரவும் தப்புவதற்கு உத்தரவாதம் இல்லை’ நெருங்கிவிட்டான்.

நா… நா… ஒண்ணு சொல்லலாமா?

என்ன?

நேத்து வரைக்கும் எப்படியோ என்னைக் காப்பாத்திட்டேன். இன்னிக்கு நீங்க தொடங்கிவச்சிட்டா, நாளைலேருந்து நான் ஒரு விபசாரி

பாடம் நடத்தறியா?

இல்லை, நான் இன்னும் தொடங்கலை. கேளுங்க ப்ளீஸ்!

சொல்லு!

என்னைப் பிடிச்சிருக்கா உங்களுக்கு?

நான் என்ன உன்னைக் கல்யாணமா செஞ்சுக்கப் போறேன்? காசு தர்ற ஒரு ராத்திரிக்கு சுகம் தரப்போற. அதுக்கு மேல என்ன?

நீங்க மனசுவச்சா, யாரும் தொடாத பெண்ணா, பல ராத்திரிகள் உங்க படுக்கைல நான் இருக்கலாம். மனைவியா இல்லை, வப்பாட்டியா சட்டெனத் திரும்பினான் அவன்.

பலபேர்கிட்டப் போய் நீங்களும் நாசமாக வேண்டாம். பல பேர் என்னைத் தொட்டு, நானும் சிதைய வேண்டாம். சம்மதமா?

குரு யோசிக்கத் தொடங்கினான்.

அனிதா அற்புதமாகத்தான் இருந்தாள். ஒரு பார்வையில் ராமனைக்கூட கிருஷ்ணனாக்கும் ‘பலான’ அம்புகள் ஏராளமாக வைத்திருந்தாள். சுழலும் விழிகளில் ஒரு குட்டி சொர்க்கமே குடியிருந்தது. அவனை நெருங்கிய அனிதா. அவன் மார்பு டாலரை கையிலெடுத்துப் பார்த்தாள்.

என்ன எழுதியிருக்கு இதுல?

குரு! என் பேரு! படிக்கத் தெரியாதா உனக்கு?

மூணு வயதில தாயை இழந்தவ. குடிகாரத் தகப்பன். கொடுமைக்காரச் சித்தி. படிக்கவா முடியும்? பழக்கத்துல வர்ற இங்கிலிஷ் வார்த்தைகள், மற்றபடி கை நாட்டு!

மிகவும் நெருங்கி, அவனை உரசினாள்.

சொல்லுங்க குரு! குரலில் மோகம் வழிந்தது. குரு ஒரு மாதிரி ‘ஜர்தா பீடா’ போட்டது போல. கண்கள் செருக நின்றான். எல்லா போதையுமாகச் சேர்ந்து ஒரு மாதிரி அலைக்கழிக்கத் தொடங்கியது. சரிதானே இவள் சொல்வது! இவளை விடவா இன்னொரு பெண் அமையப் போகிறாள் நமக்கு? அவ்வப்போது தொட்டுக் கொள்ளத்தானே? இவள் போதாதா?

‘சரி யோசிக்கலாம். இப்ப வா!’

இல்லை இந்த இடம் ஆபாசம். உங்க இடத்துல, உங்கபடுக்கையில தொடங்கட்டும். சரியா குரு? கண்ணடித்தாள்.

குருவுக்கு கல்லீரல் வரை ஒரு மாதிரி ஐஸ் துண்டங்கள் சரேலென வழுக்கியது.

எல்லாம் சரிதான். விடுதித் தலைவி ஒப்புக்கொள்ளணுமே!

"எனக்காக கொஞ்சம் செலவு பண்ணமாட்டியா கண்ணா? கொஞ்சம் முனகலாக ‘ஜானகி’ பாடுவது போல பேசினாள். குரு விழுந்துவிட்டான். க்ளீன் போல்ட், அவள்