Voetspore 2: 'n kookboek vir 4x4-entoesiaste
By Johan Badenhorst and Alma Badenhorst
()
About this ebook
Johan Badenhorst en sy span het onlangs die agtste reeks, Voetspore op die Ewenaar, voltooi. Maar sulke reise kos fyn beplanning, veral wat die spys en drank betref.
Johan en sy vrou, Alma, put uit ondervinding wanneer hulle dié eenvoudige maar watertandlekker resepte met jou deel. Alles word gemaak van een goed uitgewerkte inkopielys; jy koop net die vars produkte langs die pad aan soos jy kan.
Hoogtepunte om die honger avonturier te versterk sluit in Keniaanse vermicelli-brood, pangebraaide oesters, hoender-flambé met whiskey, Cajun-kabeljou en natuurlik iets vir die soettand. Al die resepte dui die bereidings- en gaarmaaktyd aan sodat jy self kan besluit hoeveel tyd jy het voor die son sak. Die kookboek pas gemaklik in jou voertuig se paneelkissie - en is net so belangrik soos jou domkrag, noodwiel en sleeptou.
Johan Badenhorst
Johan Badenhorst, ervare televisieregisseur en program-vervaardiger, het reeds heelwat werk vir die omgewingsprogram 50/50 gedoen en ook die regie behartig van die skrywer Pieter Pieterse se kookreeks Boude en Blaaie en sy reisreeks Van die Kaap tot die Kunene, toe sy Voetspore-reekse in 2000 deur kykNET aanvaar is. In 2007 het Johan die reeks na SABC 2 geneem, en sedertdien is daar drie reekse, Gansbaai tot Gaboen, Casablanca tot die Kaap en Agulhas tot Alexandrie op SABC 2 uitgesaai. Die agtste reeks, Voetspore op die Ewenaar, is pas voltooi en word in Julie 2014 op SABC gebeeldsend.
Related to Voetspore 2
Related ebooks
Toortsie se Bantingboerekos: My reis - resepte en stories Rating: 0 out of 5 stars0 ratingsKosblik Rating: 0 out of 5 stars0 ratingsSuid-Afrikaanse Resepte uit my Ouma se Kombuis Rating: 1 out of 5 stars1/5Eet reg: Bevry jouself en jou kinders van emosionele eet Rating: 0 out of 5 stars0 ratingsKom sit aan: Vind vreugde in die alledaagse Rating: 0 out of 5 stars0 ratingsOp pad: 'n Reisjoernaal Rating: 4 out of 5 stars4/5Hartstories: Huis toe met 'n ligter tred: Huis toe met 'n ligter tred Rating: 0 out of 5 stars0 ratingsHartstories van ons land se boere Rating: 0 out of 5 stars0 ratingsDie kinders eet viennas, maar 'n man kan nie relax nie Rating: 0 out of 5 stars0 ratingsOnder die radar: Stories uit ons land Rating: 5 out of 5 stars5/5Jou Kruger-Wildtuin gids, met stories: Verkyker, grondpad & kaart Rating: 0 out of 5 stars0 ratingsGroen soos die hemel daarbo Rating: 0 out of 5 stars0 ratingsZip! Rating: 0 out of 5 stars0 ratings’n Vienna het twee punte, anders is hy net te lank Rating: 0 out of 5 stars0 ratingsHond se gedagte Rating: 0 out of 5 stars0 ratingsDie Ding tussen man en vrou Rating: 0 out of 5 stars0 ratingsKokkedoor: Resepte uit jou gunsteling-TV-reeks Rating: 0 out of 5 stars0 ratingsWanneer water wyn word Rating: 0 out of 5 stars0 ratingsSkrik op die lyf Rating: 0 out of 5 stars0 ratingsOp die vrou af 2 Rating: 0 out of 5 stars0 ratingsDit vat guts Rating: 0 out of 5 stars0 ratingsKaalkop 3 Rating: 0 out of 5 stars0 ratingsNadia: Paaie van hoop Rating: 0 out of 5 stars0 ratingsRidders van die grondpad: 'n Gids vir avontuur-motorfietse Rating: 0 out of 5 stars0 ratingsRian: 16 dinge wat ek nie moes sê nie Rating: 0 out of 5 stars0 ratingsSanta Gamka Rating: 0 out of 5 stars0 ratingsTrompie Omnibus 6 Rating: 0 out of 5 stars0 ratingsSlim vang ... die grap! Rating: 0 out of 5 stars0 ratingsEkseem - jou noodsaaklike gids Rating: 0 out of 5 stars0 ratingsDie Daniël-vas vir geestelike oorwinning Rating: 0 out of 5 stars0 ratings
Reviews for Voetspore 2
0 ratings0 reviews
Book preview
Voetspore 2 - Johan Badenhorst
Voetspore 2
'n kookboek vir 4x4-entoesiaste
Johan en Alma Badenhorst
Human & Rousseau
Voorwoord
Die Voetspore-manne glo daaraan om lekker te eet – dit is deel van die safari. Saans, om die kampvuur, sit mens en gesels, skil ’n paar aartappels, braai ’n bietjie uie en knoffel, maak ’n lekker peri-peri-sous vir hoender of kyk sommer net hoe die potjie prut.
Die kosmakery is net soveel deel van die ekspedisie as om ’n voertuig uit die modder te pluk met ’n kinetiese band, om onder ’n koue stort te staan met die bosveld om jou as ’n badkamergordyn, of om ’n paar uur lank te kyk hoe olifante mopanieblare verorber.
Kook is nie moeite nie – dis pure plesier. Die dae dat daar elke liewe aand vleis gebraai en dit saam met pap en sous geëet word, is lankal verby. Braai en pap en sous bly kampkos, maar maak nie meer die hele spyskaart uit nie.
Kosmaak op toer is ’n manne-ding, nie dat hulle nie hulp nodig het nie. Hulle het nie huishoudkunde op skool gehad nie en weet nie hoe om Maizena te meng of van vlak- of diepbraai nie. Hulle maak net asof hulle weet, want dis die vroue wat heeltyd in hul oor fluister. Maar die manne ken van eksperimenteer, hoe om brood te bak en om so ’n bietjie flair aan die alledaagse te gee ... of so dink hulle.
Kosmaak op safari is ook ’n bietjie anders as by die huis. Ontbyt is nie groot nie, tensy dit vir ’n spesifieke geleentheid beplan word, en dan haal mens al die speelgoed uit en maak ’n okkasie daarvan. Omdat daar meestal net koffie en beskuit vir brekfis is, word dit opgevolg met ’n vroeë middagete oftewel brunch. Die brunch is iets waaraan jy eintlik al die vorige dag begin beplan het. Wanneer jy saans kos maak, maak dubbel, want dan is daar ook iets vir môre se brunch en hoef jy net een keer se potte te was.
Die hoeveelhede vir safarikos is belangrik – dis nie dat jy vyf gram van dié en tien milliliter van daai akkuraat moet afmeet nie, dis net dat daar nie gemors moet word nie. Die yskas is net groot genoeg, en in die boendoe kook mens nie vir opskeploerders nie.
titleErkennings
Die geheim is uit – die Voetspore-resepte word nie alles deur die manne ontwikkel nie. Alma, my vrou, het oor die jare ’n reuse-bydrae hierin gehad. Voor elke reis doen sy navorsing in kookboeke, op die internet en in die notas wat sy oor die jare versamel het terwyl ek en sy kook in die kombuis. Sy kyk deur watter lande ons reis, en watter bestanddele waarskynlik beskikbaar sal wees. So stel sy vir elkeen van die Voetspore-ekspedisies ’n kookboek
saam. Hierdie Voetspore-kookboek is ’n keur uit die samestelling van al die resepte uit daardie kookboeke.
’n Resep is amper soos ’n idee en dit is nie juis moontlik om kopiereg daarop uit te neem nie. Ek sou glad nie omgee om die kopiereg op ’n resep vir braai, spaghetti carbonara of kaaskoek te hê nie. Daarmee sou ek miljoene kon maak. Dis miskien juis hoekom mense hul resepte so geheim hou en, as hulle dit vir jou gee, daar altyd een bestanddeel weggelaat is. In die Voetspore-kookboek is ons hopelik volledig, hoewel ’n klein bietjie innovering en eksperimentering aangemoedig word. Dis baiekeer noodsaaklik, bloot as gevolg van die beskikbaarheid van bestanddele of ander veranderlikes van die situasie.
In dié boek word daar soms verwys na mense by wie ons ’n resep geleen, gebedel of gesteel het. Partykeer is dit bietjie aangepas. Dankie aan hulle wat ons al help kampkos maak het.
Johan Badenhorst
Mei 2014
titleBeplanning
Spyskaart
’n Safari duur normaalweg tussen tien en twintig dae. Dit werk goed om een hoofgereg vir elke dag te beplan, naastenby die volgorde van die etes reg te kry en al die bestanddele bymekaar te sit. Dit help jou ook om die vrieskas te pak sodat die kos wat laaste op die safari gebruik sal word, heel onder in is.
Wanneer meer as een gesin gaan saamtoer, is dit ’n goeie plan om die etes af te wissel en die verskillende gesinne vooraf te laat weet wanneer hulle kook. Met die reisbeplanning, voeg sommer ’n kolom by vir kookbeurte. Sit net vooraf koppe bymekaar oor die beplande spyskaart, anders eet julle straks drie aande agter mekaar skaapskenkelpotjie.
Kookbeurte help wanneer mens ’n aandete en die volgende oggend se ontbyt saam beplan. Van die aand se oorskietkos kan dan in die spyskaart vir ontbyt of brunch ingewerk word. Die gesin wat nie die aand verantwoordelik is vir die ete nie, sorg net vir die drankies, geselskap en grappe (... veral as swaer Francois of vriend Ampie by is). Verder is dit hulle aandjie af en kan hulle behoorlik sit en ontspan, anders voel die vakansie naderhand alte veel soos werk.
Met groter groepe is dit raadsaam om nie meer as drie gesinne saam in te deel nie. Die bestanddele vir etes vir meer mense, asook groot potte kan ’n probleem wees om saam te piekel, en verder wil mens so elke derde dag darem self agter die kospotte inskuif.
Potte
’n Broodpot en ’n kookpot – albei van gietyster – is omtrent al wat nodig is. Dan ook een wat ’n bietjie kleiner is om ’n sous in te maak of rys in te kook. Driepootpotte lyk baie mooi op ’n foto, maar daardie pote is altyd in die pad as mens wil pak.