1 Wie is Inè, wat laat haar hart stadiger klop en waar kom sy vandaan?
In ’n wêreld sonder boksies is ek ’n agter-die-kap-van-diebyl-kommer, waarheidsoeker, potensiaalontginner, dromer en rabbedoe in die vreemdste kombinasie ooit. Dit leef ek uit in my roeping as vrou, ma van vier, outeur, gesondheidspraktisyn en spreker.
2 Waarom reken jy is ’n laekoolhidraatdieet so ’n goeie keuse?
Binne die gróót prentjie help ’n lae- of slim-koolhidraat-leefstyl om ’n magdom onnodige gemorskos van die tafel af te haal. Net dit maak reeds ’n groot verskil, omdat die fokus op bruikbare nutriënte is. Ek sien so baie in my praktyk tydens DNS-terugvoersessies hoe mense nie buffers het teen die kombinasie van hoë geprosesseerde koolhidrate en hoë vette nie. Dit lei tot vetberging en baiekeer erge inflammasie wat boonop ’n impak het op die gemoed, gewrigte, fokus, hormonale en metaboliese prosesse, om net ’n paar uit te lig. Dan praat ons nie eens van energie wat net nie meer wil opdaag vir ’n ou avontuurtjie nie.
3 Wat kan ek verwag as ek Low carb is lekker koop?
Ek het met boek drie gefokus op wat werk vir ons middeljarige, effens oorweldigde (want die lewe het al in alle rigtings gebeur!)