Náriðillinn var líka brennuvargur

By Forfattere Diverse

Aldrei fyrr í sænskri afbrotasögu hefur maður bæði viðurkennt og hlotið dóm fyrir að misnota lík kynferðislega. En haustið 2006 gerðist það í Surahammar. Þá var 43 ára starfsmaður í kirkjugarðinum handtekinn, grunaður um að vera náriðill.Rannsóknin var mjög sérstök því að maðurinn viðurkenndi strax á byrjunarstigi málsins að hafa gert það sem hann var sakaður um. Þar með lauk málinu þó ekki því að maðurinn viðurkenndi einnig að hafa kveikt í kirkju árið 1998 en það mál var óupplýst.-

• Language: Íslenska
• Publisher: SAGA Egmont
• Release date: Aug 11, 2020
• ISBN: 9788726512397

Book preview

Náriðillinn var líka brennuvargur

Cover image: Shutterstock

Copyright © 2007, 2020 Ýmsir höfundar and SAGA Egmont

All rights reserved

ISBN: 9788726512397

1. e-book edition, 2020

Format: EPUB 2.0

All rights reserved. No part of this publication may be reproduced, stored in a retrievial system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

SAGA Egmont www.saga-books.com – a part of Egmont, www.egmont.com

Náriðillinn var líka brennuvargur

Eftir Göran Höglund, lögreglufulltrúa í Västerås.

Aldrei fyrr í sænskri afbrotasögu hefur maður bæði viðurkennt og hlotið dóm fyrir að misnota lík kynferðislega. En haustið 2006 gerðist það í Surahammar. Þá var 43 ára starfsmaður í kirkjugarðinum handtekinn, grunaður um að vera náriðill.

Rannsóknin var mjög sérstök því að maðurinn viðurkenndi strax á byrjunarstigi málsins að hafa gert það sem hann var sakaður um. Þar með lauk málinu þó ekki því að maðurinn viðurkenndi einnig að hafa kveikt í kirkju árið 1998 en það mál var óupplýst.

Á árunum 1672–1679 var reist kirkja á „heilagri grund í byggðinni þar sem nú er sveitarfélagið Surahammar. Kirkjustæðið er við lénsveg 252 sem liggur á milli Hallstahammar og Surahammar og áfram að þjóðvegi 66 sem liggur til Ramnäs. Hugtakið „heilög grund vísaði til þess að staðurinn hafði tengst átrúnaði mörg hundruð ár aftur í tímann og höfðu byggingar tengdar helgihaldi staðið þar síðan 1200.

Mikil saga fylgdi því kirkjunni og á sínum tíma höfðu verið uppi ráðagerðir um að flytja hana og setja upp á Skansen í staðinn fyrir Seglorakirkju en hugmyndin strandaði á því að sóknarnefndin í Sura vildi ekki kosta flutninginn.

Kirkja á gömlum grunni

Kirkjan var löngum vel þekkt kennileiti í Surahammarsbyggðinni og var helgidómur íbúanna fram undir lok nítjándu aldar. Þá var ákveðið að reisa nýja sóknarkirkju, Nýju kirkjuna, á hæð nokkur hundruð metra frá gömlu kirkjunni og var hún vígð 1892.

Síðar var byggt við nýju kirkjuna og líkhús gert undir henni. Þar var hægt að varðveita nokkur lík í kæli fram að