Berlinil Sankarlal

By Tamilvanan

சுருட்டின் வாசனையும், முட்டைகோஸ் கறியின் வாசனையும் அடிக்கும் பெர்லின் விமான நிலையம்! நாமும் நிற்பது போன்று தோன்றும்! வான்ரயர் பெர்லின் நாட்டைசேர்ந்த பெரும் பணக்காரர். அவர் முன்பே சங்கர்லாவுக்கு அறிமுகமானவர் என்பதால் உடனே கிளம்பினார் சங்கர்லால்! ஆனால் விமான நிலையத்திலும் சரி! அவரது வீட்டிற்கும் மர்மமாகவே சங்கர்லால் அழைத்து வரப்படுகிறார்! வான்ரயாரின் டிரைவர் மூலமாக வீட்டினுள் நுழையும் அவருக்கு அந்த வீட்டின் மடியில் இரு சவ பெட்டிகள்தான் வரவேற்கின்றன! மெதுவே அதை திறக்கும் சங்கர்லால், பெட்டியின் உள்ளே இருக்கும் வான்ரயர் பிணத்தை பார்த்தால் எப்படி அதிர்ச்சியாக இருக்கும்! பிறகு நடக்கும் சுவாரஸ்ய திருப்பங்களை இந்த நாவலை படித்து பார்த்தால் நிச்சயம் விரும்புவீர்கள்!

• Language: தமிழ்
• Publisher: Pustaka Digital Media
• Release date: Oct 7, 2020
• ISBN: 6580136605873

Book preview

http://www.pustaka.co.in

பெர்லினில் சங்கர்லால்

Berlinil Sankarlal

Author:

தமிழ்வாணன்

Tamilvanan

For more books

http://www.pustaka.co.in/home/author/tamilvanan

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

அத்தியாயம் 10

அத்தியாயம் 11

அத்தியாயம் 12

அத்தியாயம் 13

அத்தியாயம் 14

அத்தியாயம் 15

அத்தியாயம் 16

அத்தியாயம் 17

அத்தியாயம் 18

அத்தியாயம் 19

அத்தியாயம் 20

அத்தியாயம் 21

1

பெயர்கள்:

சங்கர்லால்

வான் ரயான்

மரியா

கார்ல்

டேவிட்

லிஸா

அப்ரஹாம்

எந்த நகரத்துக்குப் போனாலும் சரி, அந்த நகரத்துக்கு என்று ஒரு தனி வாசனை உண்டு. உள்ளூரிலே இருப்பவர்களுக்கு இது தெரியாது, கிணற்றுத் தவளைக்கு ஆற்றுத் தண்ணீரைப் பற்றி என்ன தெரியும்?

ஒவ்வொரு நகரத்தையும் நேரில் போய்ப் பார்க்கும் போதுதான் அந்த நகரங்களில் என்ன வாசனை வருகிறது என்பதைக் கண்டுபிடிக்க முடியும்.

எடுத்துக்காட்டாக

சிங்கப்பூரில் எங்கே போனாலும் ஒருவகை வாசனை வரும். வகை வகையான உணவுகளின் வாசனை அது. அத்துடன் அங்கே இருக்கும் ஆண்களும் பெண்களும் பயன்படுத்தும் ஒருவகை மலிவான சென்ட்டின் வாசனையும் கலந்து வரும். இந்த வாசனை வேறு எங்கே வந்தாலும் சிங்கப்பூரின் நினைவு எனக்கு வரும்.

டோக்கியோவுக்கு என்று ஒரு தனி வாசனை. தொழிற்சாலையிலிருந்து வரும் புகையின் வாசனை. கார்களிலிருந்து வரும் புகையின் வாசனை. இந்த இரண்டும் கலந்து கலந்து வரும். அத்துடன் ஜப்பானிய மக்கள் கடினமாக உழைக்கிறார்கள். இந்தக் கடும் உழைப்பிலே வெளிவரும் வியர்வையின் வாசனையும் கலந்து வரும். டோக்கியோ பெண்கள் ஒருவகை யூடிகோலோனைப் பயன்படுத்துகிறார்கள். வியர்வையின் வாசனையுடன் இந்த யூடிகோலோன் வாசனையும் கலந்து வரும்.

இலண்டனுக்குச் சென்றால் அங்கே ஒரு வாசனை, தனி வாசனை. வறுத்த மீன்களின் வாசனை. ப்ளேயர்ஸ் எனப்படும் புகழ்பெற்ற சிகரெட்டின் வாசனை. இந்த இரண்டு வாசனைகளும் இலண்டன் முழுவதும் வரும். ஒருவரைக் கண்களைக் கட்டி விமானத்தில் கடத்திப்போய் இலண்டனில் விட்டால் போதும். வறுத்த மீன்களின் வாசனையையும், ப்ளேயர்ஸ் சிகரெட்டின் வாசனையும் வைத்து, கண்கள் கட்டப்பட்டிருக்கும்போதே, அது இலண்டன் நகரம் என்பதை அவர் சொல்லி விடுவார்!

பிரெஞ்சுக்காரர்கள், இந்தியர்களைவிட அதிகமாக வெங்காயத்தை உணவில் சேர்த்துக் கொள்கிறார்கள். அடிக்கடி காப்பி குடிக்கிறார்கள். விலை மிகுந்த சென்ட்டு பயன்படுத்துகிறார்கள். ஆகையால், பாரிஸ் நகருக்குப் போனால் காப்பியின் நெடியும், வெங்காயத்தின் வாசனையும், விலை உயர்ந்த சென்ட்டுகளின் வாசனையும் கலந்து வரும்.

ஜெர்மனியின் தலைநகரான பெர்லினுக்குப் போனால் சுருட்டுகளின் வாசனையும், முட்டைக்கோஸ் கறியின் வாசனையும் கலந்துவரும். ஜெர்மன்காரர்களுக்கு முட்டைக்கோஸ் என்றால் உயிர். சிகரெட்டுகளையும், சுருட்டுகளையும் இவர்கள் அடிக்கடி பிடிக்கிறார்கள்.

பெர்லின் விமான நிலையத்தில் சங்கர்லால் இறங்கியதுமே சுருட்டின் வாசனையும், முட்டைக்கோஸ் கறியின் வாசனையும் கலந்து வந்தன.

விமானத்தைவிட்டுச் சங்கர்லால் இறங்கியபோது விமானப் பணிப்பெண், தன் அழகிய பற்களைக் காட்டினாள். சிரித்தாள். ஜெர்மன் மொழியில் பேசினாள்.

சங்கர்லால் சிரித்துக்கொண்டே கீழே இறங்கினார். அப்போது மற்றொரு பணிப்பெண் வந்தாள். அவருடைய சட்டையில் ஒரு பெரிய மலரைச் செருகினாள். ரோஜா மலர்!

பெர்லினுக்குப் புதிதாக வருபவர்கள் எல்லோரையும் ஜெர்மன் விமான நிலையத்தில் இப்படித்தான் வரவேற்கிறார்கள், இப்போதும்.

சங்கர்லால் சிரித்துக்கொண்டே, விமான நிலையத்தின் வரவேற்புக் கூடத்தை நோக்கினார். நடந்தார்.

டோக்கியோவில் ஓய்வு எடுத்துக் கொண்டிருந்தார் சங்கர்லால். திடீரென்று பெர்லினுக்குப் புறப்பட வேண்டிய தேவை வந்தது.

டோக்கியோவில் அவருக்கு இரகசிய அறை இருக்கிறது. அந்த அறையில் டெலக்ஸ் இயந்திரம் ஒன்று இருக்கிறது. தலையாய செய்திகள் சில வரும். உலகத்தின் பல பாகங்களிலிருந்தும் அவருக்குச் செய்திகள் வரும். அந்தச் செய்திகள் அந்த டெலக்ஸ் இயந்திரத்தின் வழியாக வரும். அப்படி வரும் செய்தியை அந்த இயந்திரம் தன்னால் டைப் செய்துவிடும். வெளியில் தள்ளும். மிகவும் விரைந்த செய்திகள் மட்டுமே அதில் வரும். அது, உடனுக்குடன் ஒரு குழாயின் வழியாக வரும். வந்து சங்கர்லாலின் அறைக்குள் விழும். மேசை மீது விழும். அப்படி வந்தது ஒரு செய்தி. அந்தச் செய்தி, சங்கர்லாலை டோக்கியோவிலிருந்து உடனே புறப்பட வைத்தது.

இந்திராவிடம் அவர் விடை பெற்றார். சங்கர்லால், புறப்பட்டபோது, இந்திராவுக்கு அழுகையே வந்துவிட்டது. கண் கலங்கியது. கண்ணீர் வந்தது. அழுதாள்.

ஹாங்காங்குப் போய் வந்து இன்னும் இரண்டு நாட்கள் கூட ஆகவில்லை. அதற்குள் பெர்லினுக்குப் புறப்படுகிறீர்களே! பெர்லினுக்கு நானும் வருகிறேன் என்றாள் அவள்.

இந்திரா இந்த அளவுக்கு துக்கப்பட்டு சங்கர்லால் பார்த்ததில்லை!

வேண்டாம் இந்திரா. நான் பெர்லினுக்குக் களிப்பாக போகவில்லை. பெர்லின், பழைய பெர்லின் அல்ல. அது முன்னைப்போல் இப்போது இல்லை. மிகவும் மாறிவிட்டது. ஜப்பானியர்களை விட ஜெர்மன்காரர்கள் விரைந்து முன்னுக்கு வரப் பாடுபடுகிறார்கள். போட்டி இடுகிறார்கள். குற்றங்கள் இழைப்பதிலும் அவர்கள் பின்தங்கவில்லை. அதிலும் அவர்கள் முன்னேறிக் கொண்டுதான் இருக்கிறார்கள். நான் போகிறேன். போய் என் வேலை முடிந்ததும், உடனே திரும்பி வந்து விடுகிறேன். வருதப்படாதே!

இந்திராவால் பேச முடியவில்லை.

கொஞ்ச நேரம் சென்றது.

என்ன வழக்குப் பெர்லினில்? என்றாள் அவள்.

என்ன வழக்கு என்பது தெரியவில்லை. வான்ரயானை உனக்குத்தான் தெரியுமே. சுவிட்சர்லாந்தில் நாம் தங்கியிருந்தபோது நம்முடன் இருந்தாரே? நினைவில் இருக்கிறதா?

ஆமாம். மிகவும் பருமனான மனிதர். குள்ளமாக இருப்பார். எப்போதும் ஓவர்கோட் அணிந்திருப்பார். தலையிலிருக்கும் முடி முழுவதும் மிக நரைத்துப் போயிருக்கும் இல்லையா?

ஆமாம் அவரேதான். பல தொழிற்சாலைகளுக்கு உடைமையாளர். பெரும் பணக்காரர். சுவிட்சர்லாந்தில் மட்டும் இவருடைய பணம் பல கோடி ரூபாய் பாங்கில் இருக்கிறது. அவர் ஏதோ ஒரு பெரிய ஆபத்தில் சிக்கியிருப்பதாகவும், உடனே புறப்பட்டு வரும்படியும் செய்தி கொடுத்திருக்கிறார்!

ஜெர்மனியில் இல்லாத போலீஸா, துப்பறியும் நிபுணர்களா?

அவர்களால் தன்னைக் காப்பாற்ற முடியாது என்ற முடிவுக்கு வந்துவிட்டார் வான்ரயான். அதனால் என்னுடன் தொடர்பு கொண்டார். அவர் ஆபத்தில் இருக்கிறார். ஆகையால் நான் உடனே புறப்பட்டாக வேண்டும் என்று சொன்னார் சங்கர்லால்.

சொல்லி விடைபெற்றார்.

டோக்கியோவிலிருந்து புறப்பட்ட லூப்தன்ஸா விமானத்தில் அவர் புறப்பட்டார். பெர்லினை அடைந்தபோது,

அவர் கண்கள் பருமனான