Syni Charles Lindbergh var rænt!

By Forfattere Diverse

Ránið og morðið á tæplega tveggja ára syni Charles Lindbergh árið 1932 hefur oft verið kallað afbrot 20. aldarinnar. Kannski er það vegna þess að verknaðurinn þótti sérstaklega grimmúðlegur. En sennilega er það mest vegna þess að Charles Lindbergh var hetja í augum Bandaríkjamanna og fólks um allan heim eftir að hann flaug einn yfir Atlantshafið 1927.-

• Language: Íslenska
• Publisher: SAGA Egmont
• Release date: Aug 11, 2020
• ISBN: 9788726512595

Book preview

Syni Charles Lindbergh var rænt!

Cover image: Shutterstock

Copyright © 2008, 2020 Ýmsir höfundar and SAGA Egmont

All rights reserved

ISBN: 9788726512595

1. e-book edition, 2020

Format: EPUB 2.0

All rights reserved. No part of this publication may be reproduced, stored in a retrievial system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

SAGA Egmont www.saga-books.com – a part of Egmont, www.egmont.com

Syni Charles Lindbergh var rænt!

Eftir Seppo Sillanpää, rannsóknarlögregluforingja í Helsinki.

Ránið og morðið á tæplega tveggja ára syni Charles Lindbergh árið 1932 hefur oft verið kallað afbrot 20. aldarinnar. Kannski er það vegna þess að verknaðurinn þótti sérstaklega grimmúðlegur. En sennilega er það mest vegna þess að Charles Lindbergh var hetja í augum Bandaríkjamanna og fólks um allan heim eftir að hann flaug einn yfir Atlantshafið 1927.

Nokkrum árum síðar var glæpurinn upplýstur og afbrotamaðurinn tekinn af lífi í rafmagnsstólnum. Hann viðurkenndi afbrotið aldrei og rúmlega 75 árum síðar hefur verið gefið í skyn að rannsókn FBI hafi verið fyrirfram skipulögð og að afbrotið hafi í raun verið skipulagt samsæri.

En hvernig var þessu varið? Málið er áhugavert, ekki síst þegar litið er til þess að Charles Lindbergh, sem var af sænskum ættum, gerði örvæntingarfullar tilraunir til að finna ræningjann á eigin spýtur.

Allar þjóðir hafa upplifað mikil og eftirminnileg afbrot sem urðu tíðrædd í margar kynslóðir, sérstaklega ef þau urðu ekki upplýst. Margir glæpir, einkum morð, valda skelfingu um allan heim og gleymast ekki, sérstaklega ef fórnarlambið er þekktur maður eins og til dæmis John F. Kennedy í Bandaríkjunum 1963.

Þannig er því farið um ránið og fjárkúgunina sem fjölskylda Charles Lindbergh varð fyrir 1932. Eftir mikla vinnu í langan tíma fann lögreglan brotamanninn að lokum en kannski upplýstist glæpurinn ekki að öllu leyti. Sumir segja að ástæða sé til að ætla að glæpamaðurinn hafi fengið upplýsingar frá einhverjum sem stóð Lindberghfjölskyldunni nærri og því er líka haldið fram að rannsókn lögreglunnar hafi verið aðfinnsluverð. Hinn handtekni viðurkenndi aldrei sekt sína en almenningsálitið á fjórða áratugnum taldi að það hefði verið rétti maðurinn sem var handtekinn og tekinn af lífi.

Á síðari árum hafa andstæðingar dauðarefsingar tekið til við að rannsaka fræg dómsmál frá tuttugustu öld sem hafa endað með dauðadómum. Þeir hafa komið upp síðum á veraldarvefnum sem hafa vakið athygli og gefið út bækur til að koma af stað umræðum, því að spurningin um dauðarefsingu vekur ekki eins miklar tilfinningar í Bandaríkjunum nú orðið, eftir að menn fóru að nota eitur við aftökurnar. Núna líta menn á aftökurnar nánast eins og sársaukalausa læknisaðgerð í umhverfi sem minnir á sjúkrahús. En þeir sem mæla á móti dauðarefsingu telja að mörg mistök, falsanir, meinsæri, vitni sem hefur verið mútað og ekki síst ótraust lögreglulið megi finna á bak við margar rannsóknir og dóma. Þess vegna fullyrða menn að margar saklausar manneskjur hafi verið teknar af lífi.

Þetta er ekki rétt í öllum tilvikum. Í Lindberghmálinu voru það aðeins kona hins grunaða og verjendur hans sem trúðu því að hann væri saklaus. Enda þótt mistök hafi verið gerð fundu lögregla og