Vaa... Vaa... Vasanthame!

By NC. Mohandoss

N.C. Mohandoss has written more than 300 novels, more than 500 short stories, 23 novelettes, more than 3000 articles and 4 TV dramas. He has written on social topics and has to his credit more than 100 books published which have appeared in all leading Tamil magazines and newspapers. His writings are dedicatd for the students of Annamalai university tamilnadu for reaserach to obtain Phd.

N.C.Mohandoss has been conffered with doctorate for community services by The world tamil university, Meryland.

Mohandoss attributes his inspiration to the popular "Thuglak" magazine and reveres "Saavi" who encouraged him to write more and more. His success is also due to the efforts of Mr Ramesh of 'DinaMalar' and the constant support and guidance of his friend, Mr Manohar.

N.C.Mohandoss as the Founder of INDIAN FRONTLINERS, KUWAIT, a SERVICE Organisation registered with the Indian Embassy, Kuwait, has pioneered a number of social service activities and extended financial help to several orphanages, hospitals, and senior citizen homes, poor students for their educational and also for the welfare of stranded Indian workers in Kuwait.

Awarded by Dr.Kalam :

At the diamond jubilee of Anbu Paalam service organization function held on 4th oct 2013 --In acknowledgement of the support and assistance extended by NC.Mohandoss to ‘Anbu Paalam’ for the past 20 years, Dr .Kalam felicitated Founder & Writer N.C.Mohandoss with a Momento and Gold Medal . (matter and photo attached).

Mohandoss has also compiled, edited and released 23 parts of FRONTLINERS book, on Talented Indians in Kuwait, India tourism, Indian Embassy services, Indian educational institutions in Kuwait ,community services,Indian Achievers Globally and about Enviroment protection.

Mohandoss hails from a remote village called Nambukuruchy in Tiruchi District, Tamil Nadu which still lacks the post office.

He is working for Kuwait National Petroleum Company . Mohandoss feels a sense of pride in owning that his success is due to the support, patience and guidance of his wife ARULMOZHI, and their only daughter VINU, who correctly reads his mind and reflects his ambitions and aspirations in every way

• Language: தமிழ்
• Publisher: Pustaka Digital Media
• Release date: May 1, 2020
• ISBN: 6580132405334

Book preview

http://www.pustaka.co.in

வா... வா... வசந்தமே!

Vaa… Vaa… Vasanthame!

Author:

என்.சி. மோகன் தாஸ்

NC. Mohandoss

For more books

http://www.pustaka.co.in/home/author/nc-mohandoss

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

அத்தியாயம் 10

அத்தியாயம் 11

அத்தியாயம் 12

அத்தியாயம் 13

அத்தியாயம் 14

1

எத்தனை நவீனப்படுத்தினாலும் கூட கசகசப்பு வியர்ப்பு, சலசலப்புக்கு அங்கே தடைபோட முடியாது போலிருக்கிறது. சென்னை பன்னாட்டு விமான தளத்தில் ஏர் இந்தியா இறங்கி ஊர்ந்துவர, வரவேற்புப் பகுதியில் உற்சாகம் தொற்றிக் கொண்டிருந்தது.

வேண்டியவர்களைப் பார்க்கும் அவசரம்.

அது துபாய் விமானம். நம்மவர்கள் இரண்டு வருடமோ, மூன்று வருடத்திற்கொரு முறையோ வரும்போது உறவுகளுக்காக பொன் பொருட்களை அள்ளிக்கொண்டு வருவர். அதனால் அவர்களிடமிருந்து அள்ளி’விடும் ஆர்வம் கஸ்டம்ஸ் அதிகாரிகளிடம்.

முன்பெல்லாம் அவர்கள் பசுமையாயிருந்தனர். சமீப காலங்களில் அரசாங்கம் விதிகளைத் தளர்த்திவிட, மேற்படி வரும்படி குறைந்து போயிற்று. வெளிநாட்டுப் பொருட்களுக்கு இறக்குமதியை எளிது பண்ணிவிடவே, ஊரிலேயே எல்லாம் கிடைக்கிறது. எதுக்கு லக்கேஜ் செலுத்தி கஸ்டம்ஸ்க்கு அழணும்? என்று வெறும் கையுடன் வருபவர்களும் அதிமாகிவிட்டனர். இது போதாதென்று-கார்கோ, டோர்-டு-டோர் பார்சல் சர்வீஸ் என பலவிதங்களில் பயணிகள் அனுப்பிவிடுகின்றனர்.

அதனால் கஸ்டம்ஸ் அதிகாரிகள் கண்ணில் விளக்கெண்ணெய் ஊற்றிக்கொண்டு பார்க்க வேண்டியிருக்கிறது. வெறும் சம்பளத்தை வைத்து இந்தக் காலத்தில் காலம் தள்ள முடிகிறதா? அதிகப்படி இல்லையென்றால் பெண்டாட்டியே மதிக்கமாட்டாள்.

போலீஸார் தங்களுக்கு முடிந்தது இதுதான் என்று வாசல் கம்பிகளுக்கு அந்தப்புறம் இடித்துக் கொண்டு நின்றிருந்தவர்களை விரட்டிக் கொண்டிருந்தனர்.

ஏர் இந்தியா வந்திருச்சா?

வந்துருச்சு.

எமிரேட்ஸ்?

வரும்.

எப்போ வரும்?

அவர் கடுப்பாகி ஏய் - கிழவி - உங்கிட்ட பதில் சொல்லி மாளலே - வந்ததும் சொல்றேன் - போய் அப்பால் குந்து! என்று விரட்டினார். பயணிகள் அலுப்புடன் கியூவில் நின்று, எமிகிரேஷன் முடித்து கைப்பெட்டியுடன் வெளியே வந்து வியர்த்து, சலிப்புடன் பாவிங்க, ஏஸி பண்ணமாட்டாங்களா... நம்ம ஏர்போர்ட்டுக்கு எப்போதான் விமோசனமோ தெரியலே! என்று சபித்தனர். கால் வைத்ததும் நம் மண்ணிற்கு வசை!

வரிசையாய் அடுக்கி வைத்திருந்த டிராலியை உருவி லக்கேஜ் வரும் கன்வேயரிடம் காத்திருப்பு, பொறுமையின்றி வாட்சையும் வெளியே உறவுகளின் முகம் தெரிகிறதா என்று திரும்பிப் பார்த்தும் வியர்வைக்கு சென்ட் அடித்துக் கொண்டனர்.

அரபு நாட்டிலிருந்து வந்து ஒரு வாரத்திற்கு இந்த வாசனைத் திரவியம் கமகமக்கும். அப்புறம் சகஜநிலைக்கு திரும்பிவிடுவர்! கன்வேயரில் ஆடி.. ஆடி.. பெட்டிகளும், பார்சல்களும் வர அவரவர்கள் அவசரப்பட்டு தூக்கி வைத்துக்கொண்டு டிராலியைத் தள்ளிவர, அதிகாரிகள் வழிமறித்தனர்.

பெட்டியில் என்ன?

துணிமணி சார்.

பெருசா இருக்கு. எலக்ட்ரானிக் ஐட்டம் ஏதும்?

இல்லை சார்.

பாஸ்போர்ட்டைக் கொடுங்க என்று பிடுங்கிப் பார்த்து ரெண்டு வருஷம் கழிச்சு வரே - ஏதுமில்லேன்னா எப்படி - அங்கே என்ன வேலை?

லேபர் சார். குறைஞ்ச சம்பளம் சார்!

லேபர் என்றதும் கஸ்டம்ஸ் அதிகாரி எகிறுவார். யோவ், நீ என்னவா இருந்தா எனக்கென்ன- பெட்டியைத் திற!

வேணா சார். அவிழ்த்தா திரும்பக் கட்டமுடியாது. சிரமம்.

அப்போ - ஆயிரம் வெட்டு!

எதுக்கு சார்?

கஸ்டம்ஸ் கட்டணும்னா பத்தாயிரம்... பில்!

பயணி- இறங்கினதுமே இவர்களிடம் ரோதனை என்று சபித்து - நம் நாடு உருப்படவே உருப்படாது - எதுக்கு தலைவலி என்று பர்ஸைத் திறந்து அழுவான்.

உஷார் பயணிகள், எங்கிட்ட டூட்டி ஐட்டம் எதுவுமில்லை. இப்போ என்னான்றே... திறக்கணுமா - திறந்துக்கோ. ஆனா பழையபடி எனக்கு பெட்டியைக் கட்டித் தந்திடணும்! என்பர்.

யோவ் என்ன திமிரா?

திமிரில்லை. யதார்த்தம். எலக்ட்ரானிக்ஸ் இருந்தா ஸ்கானிங்குல காட்டியிருக்குமில்லே - அப்புறம் எதுக்கு திறக்கணும்...ம்!

மெஷின் தப்பா இருக்கலாமில்லே?

அப்போ தூக்கி குப்பைல போடு - வழியை விடுய்யா! என்று விறைப்புடனும் துணிவுடனும் வெளியேறும் பயணிகளும் உண்டு. அதிகாரிகளின் ‘பப்பு’அவர்களிடம் வேகுறதில்லை. பாவப்பட்டவர்களிடம் மட்டும்தான் இவர்களின் அதிகாரம்!

***

2

போட்டி போட்டுக்கொண்டு பளபளவென புடவைக் கடைகள் விளம்பரம் கொடுப்பதில் பர்ஸ்கள் காலியாவது கூட பெண்களுக்கு கவலையாகத் தெரிவதில்லை. நயந்து, பேசி, வசீகரித்து, மசித்து, மசிய வைத்து- அல்லது ‘அழுது - புருஷன்களுக்கு ‘கா’விட்டு புடவைகள் வாங்குவது கூட பிரச்சினையில்லை.

ஆனால் - ஒரு விசேஷம் அல்லது வெளியே போகிறோம் என்றால் எந்தப் புடவையைத் தேர்ந்தெடுப்பது என்பதுதான் மகாகஷ்டம்! நான்கு பேர் வருகிற இடம்... பார்ப்பார்கள்! தெரிந்த வர்கள் வரும்போது - அவர்களின் முன்னில் ஏற்கனவே கட்டியிராததாய் இருக்கவேண்டும். (இவளுக்கு வீட்டுல வேறு புடவையே கிடையாதா -