Basil fursti: Hefnd mormónans

By Óþekktur

Þung sorg hvílir á Harrison dómara eftir að barnabarn hans, hin undurfagra Mildred, hverfur sporlaust í brúðkaupsferðinni sinni. Hér hefur þrjótur af versta tagi verið að verki og því er hinn ráðsnjalli Basil fursti tafarlaust kallaður til. Sjálfum sér líkur er furstinn fljótur að komast á sporið en allt bendir til þess að hér sé um heiftúðlega hefnd að ræða.

• Language: Íslenska
• Publisher: SAGA Egmont
• Release date: Dec 28, 2023
• ISBN: 9788727049953

Book preview

Basil fursti: Hefnd mormónans

Translated by Óþekktur

Original title: Hefnd mormónans (English)

Original language: English

Cover image: Shutterstock

Copyright © 2023 SAGA Egmont

All rights reserved

ISBN: 9788727049953

1st ebook edition

Format: EPUB 3.0

No part of this publication may be reproduced, stored in a retrieval system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

www.sagaegmont.com

Saga is a subsidiary of Egmont. Egmont is Denmark’s largest media company and fully owned by the Egmont Foundation, which donates almost 13,4 million euros annually to children in difficult circumstances.

(ÓÞEKKTUR HÖFUNDUR)

I. KAPÍTULI

Tvær konur hverfa á dularfullan hátt.

Basil fursti lét fara vel um sig í glæsilegri íbúð sinni í New York og naut þess að lesa blöðin. Til þess hafði hann þó ekki næði til lengdar, því að Sam Foxtrot, þjónn hans, kom inn með símskeyti. Það var á þessa leið:

Komið nú þegar til San Francisco, hvað sem það kostar. Leyndardómsfullt mál, sem þarfnast fljótrar afgreiðslu.

James Harrison, dómari.

— Láttu niður í ferðakistu mína númer 21, sagði Basil fursti stuttlega og rétti Sam símskeytið, — ég fer með hraðlestinni eftir 15 mínútur.

— Á ég ekki að fara með þér? spurði Sam og horfði biðjandi, aðdáunaraugum á húsbónda sinn.

— Nei, Sam, ekki í þetta skipti, svaraði Basil fursti brosandi. — Ég geri ekki ráð fyrir að þetta ferðalag taki nema svo sem tvo daga. Þú gætir heimilis okkar á meðan. En ekki máttu hafa margt af kvenfólki hér í húsinu.

— Kvenfólki — Ég! — Hvað á furstinn við? — sagði Sam glaðlega, — ég sem er ósvikinn kvenhatari, herra Basil.

— Já, ég veit það, sagði Basil fursti hlæjandi, — en flýttu þér nú að láta niður í ferðatöskuna. Hraðlestin fer eftir tólf mínútur.

Sam hvarf með hraða hljóðsins. En meðan hann var að láta niður í töskuna, hringdi Basil fursti til vinar síns, Jeffersons lögreglustjóra, og spurðist fyrir um Harrison dómara í San Francisco. Hann fékk það svar, að Harrison væri mjög vel látinn maður og í miklu áliti sem dómari, en það embætti hefði hann nú haft á hendi í mörg ár. Hann væri þekktur um alla Kaliforníu sem réttlátur og röggsamur dómari.

Að Harrison var milljónaeigandi, skipti litlu fyrir Basil fursta, því sjálfur var hann vellríkur og hirti því lítið um laun fyrir störf sín.

Nákvæmlega tíu mínútum eftir að Basil fursti hafði borizt símskeytið, sat hann í bíl, sem flutti hann til járnbrautarstöðvarinnar, og þegar lestin hélt áfram ferð sinni, sat hann í fyrsta flokks klefa og horfði á hið margbreytilega landslag.

— — —

Þegar Basil fursti kom til San Fransiko, hélt hann á fund Harrisons dómara. Hann tók mjög vingjarnlega á móti honum og bauð honum inn í notalega einkaskrifstofu.

Harrison var hár vexti, gráhærður, skegglaus, og allur bar svipur hans vott um góða greind.

— Ég vil fyrst og fremst þakka yður, Basil fursti, sagði Harrison og tók þétt í hönd furstans, — þakka fyrir, hvað fljótt þér hafið orðið við ósk minni, því það má segja, að mín síðasta von sé bundin við yður, og ég veit að ég verð ekki fyrir vonbrigðum. Orðstír yðar hefur borist um allan heim, og sjálfur hef ég fylgst af miklum áhuga með því, hvernig þér hafið leyst mörg flókin mál og lagt þau svo ljóst fyrir, að þér hafið þar fyrir hlotið heitið „Konungur leynilögreglumanna".

— Þér sögðuð í skeyti yðar, að mikilsvert leyndarmál biði úrlausnar, sagði Basil fursti. — Við skulum því ekki, herra Harrison, eyða dýrmætum tíma í að slá gullhamra. Heldur, ef yður þóknast, þá snúum oss að verkefninu sem bíður. Hvað er að?

— Ó, Basil fursti, sagði dómarinn skjálfraddaður. — Það dýrmætasta og bezta sem ég átti, hefur verið frá mér tekið. Þó að ég hefði misst öll mín auðæfi, hefði ég ekki látið það á mig fá. En nú er augasteinninn minn horfinn. Dótturdóttur mín Mildrid er horfin.

— Nú, hefur henni verið rænt?

— Nei, ég var svikinn, og það með þeim hætti — —, en áður en ég segi þá sögu, langar mig til að sýna yður mynd, sem hangir hér yfir skrifborði mínu. Harrison dró blátt silkitjald til hliðar, og þá kom í ljós málverk. Var það mynd af undur fallegri ungri stúlku.

— Þetta er mynd af Mildred. Er hún ekki fögur? sagði Harrison mjög hræður, — hún var mér svo kær, og þess vegna er nú sorg mín svo þung.

—