KF Mezzi 4 - KF Mezzi hitta Messi

By Daniel Zimakoff

Fótboltaliðið KF Mezzi er komið til Barcelona og þeirra heitasti draumur er að hitta átrúnaðargoðið sitt, hann Messi. En fyrst þurfa þau að keppa við röð af sífellt sterkari liðum jafnaldra sinna og til þess þurfa þau virkilega að sýna hvað í þeim býr og vinna saman sem lið. Svo kemur til sögunnar nýr strákur, hann Marco. Ætli hann verði keppnautur Tómasar um athygli Kristínar? Og fær liðið loksins að hitta Messi?KF Mezzi er sería af fótboltabókum eftir Daniel Zimakoff. Serían fjallar um vinina Tómas, Sölva og Berg og gleði þeirra og vandamál með þjálfara, félaga og andstæðinga. Þeir taka þátt í að stofna fótboltaliðið KF-Mezzi, sem er blandað lið, því það eru líka stelpur með í liðinu.

• Language: Íslenska
• Publisher: SAGA Egmont
• Release date: Mar 29, 2022
• ISBN: 9788726915594

Book preview

KF Mezzi 4 - KF Mezzi hitta Messi

Translated by Kjartan Már Ómarsson

Original title: FC Mezzi 4 - FC Mezzi møder Messi

Original language: Danish

Cover image: Shutterstock

Copyright © 2013, 2022 Daniel Zimakoff and SAGA Egmont

All rights reserved

ISBN: 9788726915594

1st ebook edition

Format: EPUB 3.0

No part of this publication may be reproduced, stored in a retrievial system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

www.sagaegmont.com

Saga is a subsidiary of Egmont. Egmont is Denmark’s largest media company and fully owned by the Egmont Foundation, which donates almost 13,4 million euros annually to children in difficult circumstances.

KF MEZZI 4 – KF Mezzi hitta Messi

Tómas: Tómas elskar að spila fótbolta. Það skiptir hann meira máli en nokkuð annað. Hann er góður að lesa leikinn, hann er snöggur, og hann hefur gott hlaupaþol. Hann er ekki hrifinn af því að láta tækla sig. Hann dreymir um að verða atvinnumaður í FC Barcelona - eins og Messi.

Sölvi: Sölvi æfir sig mjög mikið með boltanum í garðinum og er með hörku vinstri fót. Hann er alltaf jákvæður og skemmtilegur. Hann er nautsterkur, orkumikill og hann er litli bróðir besta leikmannsins, Kára.

Bergur: Bergur er ótrúlega góður markmaður sem ver flest skot. Hann veit allt um fótbolta, þekkir öll liðin og veit hvernig þau spila. Eini gallinn er að hann þolir ekki að hlaupa og verður fljótt móður.

1. kafli

„Koma svo mamma, við verðum sein."

„Ég er að koma Tómas. Ég þarf bara að … Látið mig sjá … erum við með allt?"

„Já. Taska, svefnpoki og eitthvað til að sofa á."

„Komum okkur, Tómas."

Ég greip lyklana og fór í bílinn með dótið mitt. Fótboltataskan mín var svo troðin að ég gat varla rennt rennilásnum. Ég var með fótboltaföt, aukaföt og sundskýlu. Það var sundlaug nálægt skólanum þar sem við myndum gista.

Ég átti erfitt með að sofna síðustu nóttina. Ég vissi að það var eitthvað til sem var kallað heimþrá, en var eitthvað til sem kallaðist ferðalagaþrá?

Það var mjög snemmt og það var þoka úti og það rauk þegar ég andaði. Það leit út fyrir að ég væri að reykja. Hljóðið í mölinni í innkeyrslunni hjómaði hátt í þögninni. Sjálfvirka læsingin hljómaði eins og skotið væri úr byssu. Ég setti dótið mitt aftur í bílinn.

Loksins kom mamma út. Við sáum hvorki fólk né bíla á leiðina á stöðina en bílastæðið fyrir framan stöðina var ekki tómt í dag. KF Mezzi var á leiðinni til Barcelona. Ég hljóp hringinn og heilsaði öllum. Bergur geispaði.

„Það er mið nótt, maður," sagði hann aftur og