KF Mezzi 5 - Níu í liði

By Daniel Zimakoff

KF Mezzi eru loksins komin með eigið félagsheimili og þau ætla að vígja það með því að gista þar og horfa á hryllingsmyndir! Rómantíkin blómstrar milli Kristínar og Tómasar, en fljótlega kemst Tómas að svolitlu sem kemur upp á milli þeirra og gerir þeim erfitt fyrir að ná sáttum. Á meðan allt þetta er að gerast er liðið að sjálfsögðu á fullu í boltanum, á heimavelli og úti og ýmislegt kemur upp á í hita leiksins.KF Mezzi er sería af fótboltabókum eftir Daniel Zimakoff. Serían fjallar um vinina Tómas, Sölva og Berg og gleði þeirra og vandamál með þjálfara, félaga og andstæðinga. Þeir taka þátt í að stofna fótboltaliðið KF-Mezzi, sem er blandað lið, því það eru líka stelpur með í liðinu.

• Language: Íslenska
• Publisher: SAGA Egmont
• Release date: Jul 22, 2022
• ISBN: 9788726915587

Book preview

Daniel Zimakoff

KF Mezzi 5

Níu í liði

SAGA Egmont

KF Mezzi 5 - Níu í liði

Translated by Kjartan Már Ómarsson

Original title: FC Mezzi 5 - Ni mod ni

Original language: Danish

Cover image: Shutterstock

Copyright © 2014, 2022 Daniel Zimakoff and SAGA Egmont

All rights reserved

ISBN: 9788726915587

1st ebook edition

Format: EPUB 3.0

No part of this publication may be reproduced, stored in a retrievial system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

www.sagaegmont.com

Saga is a subsidiary of Egmont. Egmont is Denmark’s largest media company and fully owned by the Egmont Foundation, which donates almost 13,4 million euros annually to children in difficult circumstances.

KF Mezzi 5: Níu í liði

Tómas: Tómas elskar að spila fótbolta. Það skiptir hann meira máli en nokkuð annað. Hann er góður að lesa leikinn, hann er snöggur, og hann hefur gott hlaupaþol. Hann er ekki hrifinn af því að láta tækla sig. Hann dreymir um að verða atvinnumaður í FC Barcelona - eins og Messi.

Sölvi: Sölvi æfir sig mjög mikið með boltann í garðinum og er með hörku vinstri fót. Hann er alltaf jákvæður og skemmtilegur. Hann er nautsterkur, orkumikill og hann er litli bróðir besta leikmannsins, Kára.

Bergur: Bergur er ótrúlega góður markmaður sem ver flest skot. Hann veit allt um fótbolta, þekkir öll liðin og veit hvernig þau spila. Eini gallinn er að hann þolir ekki að hlaupa og verður fljótt móður.

1. Kafli

Ég klæddi mig í síðar nærbuxur, svo í síðar stuttbuxur úr kraftgallaefni yfir. Þetta yrði síðasti æfingarleikurinn okkar á möl, gegn Glæsibæ. Vetur á Íslandi er langur þegar maður er hrifinn af því að spila á grasi, en nú var mars og nýtt mót að hefjast.

Ég kallaði bless til mömmu, greip töskuna mína og hjálminn og gekk að hjólinu mínu. Það var sérstök tilfinning að stíga á fótstigin í takkaskóm.

Og það var margt nýtt sem myndi gerast á þessu ári. Við myndum spila níu í liði og fljótlega myndum við vígja nýja félagsheimilið okkar. Þetta var gamall braggi. Hann hafði verið notaður undir skólastofur þegar skólinn var tekinn í gegn fyrir nokkrum árum. Einhvern tíma var hann geymslurými, en nú hafði skólinn látið lappa upp á hann fyrir KF Mezzi. Bergur og ég höfðum farið að líta á hann þegar þeir voru að breyta honum.