KF Mezzi 8 - Milli steins og sleggju

By Daniel Zimakoff

Lífið leikur við félaga KF Mezzi, Tómas er kominn í meistarabúðir á Karólínuvelli og allt er eins og best verður á kosið ... eða hvað?Tómas þarf jú líka að sinna skólanum, vinunum og kærustunni og það er ekki auðvelt að halda svona mörgum boltum á lofti. Hann þarf hann að hafa sig allan við að koma jafnvægi aftur á - og bjarga KF Mezzi!KF Mezzi er sería af fótboltabókum eftir Daniel Zimakoff. Serían fjallar um vinina Tómas, Sölva og Berg og gleði þeirra og vandamál með þjálfara, félaga og andstæðinga. Þeir taka þátt í að stofna fótboltaliðið KF-Mezzi, sem er blandað lið, því það eru líka stelpur með í liðinu.\t

• Language: Íslenska
• Publisher: SAGA Egmont
• Release date: Jan 4, 2023
• ISBN: 9788726915556

Book preview

Daniel Zimakoff

KF Mezzi 8

Milli steins og sleggju

SAGA Egmont

KF Mezzi 8 - Milli steins og sleggju

Translated by Kjartan Már Ómarsson

Original title: FC Mezzi 8 - Mellem to stole

Original language: Danish

Cover image: Shutterstock

Copyright © 2015, 2022 Daniel Zimakoff and SAGA Egmont

All rights reserved

ISBN: 9788726915556

1st ebook edition

Format: EPUB 3.0

No part of this publication may be reproduced, stored in a retrievial system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

www.sagaegmont.com

Saga is a subsidiary of Egmont. Egmont is Denmark’s largest media company and fully owned by the Egmont Foundation, which donates almost 13,4 million euros annually to children in difficult circumstances.

Tómas: Tómas elskar að spila fótbolta. Það skiptir hann meira máli en nokkuð annað. Hann er góður að lesa leikinn, hann er snöggur, og hann hefur gott hlaupaþol. Hann er ekki hrifinn af því að láta tækla sig. Hann dreymir um að verða atvinnumaður í FC Barcelona - eins og Messi.

Sölvi: Sölvi æfir sig mjög mikið með boltann í garðinum og er með hörku vinstri fót. Hann er alltaf jákvæður og skemmtilegur. Hann er nautsterkur, orkumikill og hann er litli bróðir besta leikmannsins, Kára.

Bergur: Bergur er ótrúlega góður markmaður sem ver flest skot. Hann veit allt um fótbolta, þekkir öll liðin og veit hvernig þau spila. Eini gallinn er að hann þolir ekki að hlaupa og verður fljótt móður.

Kristín: Ein af tveim stelpum í KF Mezzi. Hin stelpan heitir Brynja. Kristín er snögg. Hún spilar aðallega til hægri á miðjunni. Hún er góð að gefa boltann fyrir og er ekki hrædd við að fara í tæklingar. Kristín er (svona okkar á milli) ástfangin af Tómasi.

1. kafli

…

„Næsti!" Baldur setti höndina á loft til þess að gefa Bjögga merki. Bjöggi stóð á hinum enda gervigrasvallarins á Karólínuvelli með skeiðklukku í hönd. Það var hér sem úrvalsdeildarliðið Norðursjór spilaði heimaleiki.

Að ímynda sér, ef ég gæti spilað hér í framtíðinni, í úrvalsdeildinni. Bjöggi hafði eitt sinn spilað í deildinni. Hann var nagli, en virtist almennilegur. Baldur var gamall markvörður á Karólínuvelli, örlítið eldri en Bjöggi en ekki næstum jafn harður.

„Koma svo Tómas!"

Ég hljóp með boltann, svigaði milli keilanna eftir öllum vellinum. Þetta snerist allt um að hafa stjórn á boltanum öllum stundum svo maður tapaði ekki tíma.

„Vel gert, Tómas," sagði Bjöggi.

„Var þetta nógu hratt?" másaði ég eftir hlaupin.

„Jamm, en eftir nokkrar vikur áttu samt eftir að geta gert þetta hraðar. Næsti."

Næstur í röðinni var strákur sem hét Þór. Hann hljóp tíu sekúndum hraðar en ég! En hann var einhver sneggsti strákurinn í æfingabúðunum. Þór virtist varla blása úr nös eftir hlaupin.

Þetta var aðra vikuna í ágúst. Skólinn var