18 Vayasule

By Pa. Vijay

அரும்பு மீசை பருவம்.. சைக்கிள் பெல்லில் சங்கீதம் பாடிக்கொண்டே சாலையோரம் துரத்தி செல்லும் சுடிதார் துப்பட்டா வின் சாரலில் நனைந்தபடியே பள்ளியை விட்டு கல்லூரிக்குச் சென்ற இடைவெளி காலகட்டம்...

வகுப்பறையின் ஜன்னல் கம்பிகளுக்கிடையே ஒரு மெல்லிய மின்னல் கீற்று ஏதாவது ஒரு மைவிழி கூட்டில் இருந்து புறப்பட்டு வந்து இதயத்தின் மேல் அம்பு மழை பெய்து போகும் 18 வயசு மனசு..

அது காதலா .. கவனயீர்ப்பா.. இனக்கவர்ச்சியா... வெறும் வாலிபப் போக்கா.. என விளங்கிக் கொள்ள முடியாத ஒரு பருவத்தில் கண்களை புத்தகத்தின் மீது பாதியும், கவர்ந்திழுத்த கண்களின் மீது பாதியும் பதித்து படிப்புக் கெட்டுப்போன 18 வயசு..

அந்த வயதில் நினைவு கொட்டடிக்குள் நீண்டு படுத்து இருக்கும் சில வளையல் சப்தங்களையும் கொலுசின் கொஞ்சல்களையும் மீண்டும் மீட்டெடுத்த போது இப்படி கவிதைகளாய் கொட்டின..

கண்களை மூடி ஞாபக மொட்டை மாடியில் இருந்து கொண்டு காகித வானத்தில் எழுத்து பட்டங்களைப் பறக்க விட்ட போது கையில் விழுந்தது இந்த கவிதை நூல்..

• Language: தமிழ்
• Publisher: Pustaka Digital Media
• Release date: Jul 21, 2019
• ISBN: 6580127104368

Book preview

http://www.pustaka.co.in

18 வயசுலே

18 Vayasule

Author:

பா. விஜய்

Pa. Vijay

For more books

http://www.pustaka.co.in/home/author/jaisakthi-novels

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

****

கொலுசு உன் கால்களோடு

போய்விட்டது

சத்தம் மட்டும் என் காதுகளோடே

வருகிறது

எண்ணை அப்பிய

ரெட்டை ஜடையில் சிக்கி

வழுக்குது

மல்லிகைப் பூவும் என் மனசும்

பாஸாக வேண்டும் என்று

கோயில் சுவற்றில் இருவருமே

பேர் எழுதினோம்...

நீ மட்டும் பாஸானாய்

சாமி கூட உன்னை மட்டும்தான்

பார்க்கிறது

****

பெரிய தலைகாணிக்கு போட்ட

சின்ன தலைகாணி உறை போல்

உன் உடை

கம்பெனி சைக்கிளில் போகும் உனை

வாடகை சைக்கிளில் தொடர்வேன்..

உன்னை சமீபிக்கையில் அறுந்து போகும்

செயினும் என் தைரியமும்..

பேச முடிவதே

கொஞ்ச நேரம்தான்.

"வெட்கத்தை வீட்டிலேயே