Heeltyd by God

By Milanie Vosloo

Hierdie lieflike gebedeboek is die ideale geskenk vir vroue van enige ouderdom. Die sewe onderafdelings: God op my lessenaar; In my twyfel; Ek stres, Here; Reisgenoot; Verander my; Vir die mense wat ek liefhet; Vir altyd en altyd is tydlose gebede vanuit Milanie Vosloo se hart. Die gebede is kort, intieme gesprekke met God wat die leser sal lei om weer stil te word en ‘n ontmoeting met God in die alledaagse dinge van die lewe te ervaar. Die boek is pragtig verpak in hardeband. Om Heeltyd by God te wees spreek van ‘n lieflike lewe wat vrug dra vir Hom.

• Language: Afrikaans
• Publisher: Lux Verbi
• Release date: May 29, 2012
• ISBN: 9780796315878

Book preview

Die mense wat ek liefhet

’n Onthou-ma

U moet ma’s gevorm het uit u trane,Vader,

want lank nadat hul gesuiwerde liefde

oor ons gestroom het,

sien ons nog die soutkristalle op ons lewe blink.

Wanneer ek koppig is, hou sy kop.

Sy’t wysheid wanneer ek slim is.

Haar krag blom wanneer ek swak is.

Ek weet U hou my altyd vas, Here, maar

dankie vir ’n ma wat drukkies gee,

wat my beter ken as wat ek myself ken,

wat help waar my arms te kort is.

Dankie dat U haar gebede hoor en verhoor.

(Sy het my al so baie voor U neergesit!)

Dankie dat sy altyd in my glo …

Ook wanneer ander – en ek self– aan my twyfel.

Koester haar in die kelk van u liefde, asseblief.

Liefling

Liefling

Vader, dankie dat u vir my ’n man gestuur het

wat my meer mý maak.

Help my om hom meer hóm te maak en

hou ons altyd