’N PIENK mussie op haar kop help teen die koue hier in die provinsiale hospitaal op Humansdorp, maar in haar gemoed bly dit winter.
“Hoe oorleef ek dit? Ek weet nie hoe nie. Vertel my, asseblief,” sê die 69-jarige Linette van der Lingen. Wat sê ’n mens vir iemand wat die tweede keer in haar lewe ’n ondenkbare verlies moet ly? Sy is nou al drie maande in en uit hospitale nadat sy beheer verloor het oor haar Ford Fiesta en haar regterbeen vergruis is. Haar man en steunpilaar, Peter (72), is weens sy beserings dood.
Vir die verpletterde Linette is dit ’n tragiese einde aan haar nuwe hoofstuk hier in die Oos-Kaap. Sy en Peter, haar tweede man, het van Witrivier in die Laeveld hierheen verhuis om weg te kom van
