Miralathey!

By NC. Mohandoss

மனீஷ் ஒரு சாதாரண குடும்பத்தில் பிறந்தவன். முதலாளி நாச்சியப்பனுடன் ஏற்பட்ட நல்ல பழக்கம் அவனுக்கு ஜெனரல் மேனஜர் பதவியைத் தருகிறது. இந்த பதவியால் மனீஷினுடைய சாதாரணக்குடும்பம் வசதியாக வாழ ஆரம்பிக்கிறது. மனீஷூம் வேலையின் நிமித்தம் காரணமாக வெளிமாநிலங்களுக்கு சென்று வருகிறான். ஒருமுறை நாச்சியப்பன் மனீஷை டெல்லிக்கு ஒருவருடன் அனுப்பி வைக்கிறார். டெல்லியிலிருந்து திரும்பிய மனீஷை சி.பி.ஐ. கைது செய்கிறார்கள். ஏன்? இதன் பின்னணி என்ன? வாருங்கள் காரணங்களைக் கண்டறிவோம்.

• Language: தமிழ்
• Publisher: Pustaka Digital Media
• Release date: Jan 18, 2021
• ISBN: 6580132407646

Book preview

https://www.pustaka.co.in

மிரளாதே!

Miralathey!

Author:

என்.சி. மோகன் தாஸ்

NC. Mohandoss

For more books

https://www.pustaka.co.in/home/author/nc-mohandoss

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

1

மிஸ்டர் மனீஷ்... டேக் யுர் சீட்!

நாச்சியப்பன் - அக்கம்பெனியின் சேர்மன் - புன்னகையுடன் உத்தரவிட அவனுக்கு கைகால்களில் அலர்ச்சி தோன்றிற்று. அந்த அலுவலகம் சொந்தமாய் பத்துமாடி கட்டிடம் - கண்ணாடி மினுமினுப்புகள் - அமர்ந்தால் நொந்து போகுமோ என்று பயப்படும்படியாக மெதுமெது நாற்காலி!

அந்த பிரும்மாண்டம் மிரட்ட, தயங்கியபடி அமர்ந்தான்.

நாச்சியப்பன் எதிர் சோபாவின் விளிம்பில் சரிந்தபடி, "பெஸ்ட் ஆஃப் லக் மனீஷ்! இனி இந்த நிறுவனத்தில் எல்லாம் நீதான்! இதன் கிளைகள், வளர்ச்சி, உற்பத்தி, லாபம் எல்லாம் உன் பொறுப்பு. இங்கே நீ எதை வேண்டுமானாலும் அனுபவிக்கலாம். ஆனால் ரிசல்ட் வேணும்!

இது நம் நிறுவனம். ஆனால் இந்த மூலதனம் நம்முடையதல்ல.