Þegar áfallið reið yfir

By Forfattere Diverse

Frásögn mín fjallar um bankarán sem hafði í för með sér að Morten Mortensen lögreglumaður lét lífið. Auk þess var gíslataka hluti af málinu. Margir áttu um sárt að binda vegna þessa máls, aðallega fjölskylda Mortens en einnig þeir mörgu gíslar sem komu við sögu. Málið hafði mikil áhrif á samstarfsfélaga Mortens og margir þeirra munu aldrei gleyma því. Svo seint sem í vikunni er ég sat og skrifaði um málið nefndi einn samstarfsfélagi minn að í hvert sinn sem hann sæi eða læsi um glæpamenn þá leitaði hugurinn ósjálfrátt til Mortens. Þau miklu áhrif sem málið hafði á samstarfsmenn Mortens eru kannski eitt af því sem gerði það að verkum að fyrst nú, 8 árum eftir atburðinn, er sagan skrifuð og þá eftir áskorun. Hún skal rituð af því að hún er hluti af sögu dönsku lögreglunnar. -

• Language: Íslenska
• Publisher: SAGA Egmont
• Release date: Aug 18, 2020
• ISBN: 9788726523553

Book preview

Þegar áfallið reið yfir

Þegar áfallið reið yfir

Cover image: Shutterstock

Copyright © 2004, 2020 Ýmsir höfundar and SAGA Egmont

All rights reserved

ISBN: 9788726523553

1. e-book edition, 2020

Format: EPUB 2.0

All rights reserved. No part of this publication may be reproduced, stored in a retrievial system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

SAGA Egmont www.saga-books.com – a part of Egmont, www.egmont.com

Þegar áfallið reið yfir

Eftir Jan Gregersen, rannsóknarlögreglumann í Árósum.

Frásögn mín fjallar um bankarán sem hafði í för með sér að Morten Mortensen lögreglumaður lét lífið. Auk þess var gíslataka hluti af málinu. Margir áttu um sárt að binda vegna þessa máls, aðallega fjölskylda Mortens en einnig þeir mörgu gíslar sem komu við sögu. Málið hafði mikil áhrif á samstarfsfélaga Mortens og margir þeirra munu aldrei gleyma því.

Svo seint sem í vikunni er ég sat og skrifaði um málið nefndi einn samstarfsfélagi minn að í hvert sinn sem hann sæi eða læsi um glæpamenn þá leitaði hugurinn ósjálfrátt til Mortens. Þau miklu áhrif sem málið hafði á samstarfsmenn Mortens eru kannski eitt af því sem gerði það að verkum að fyrst nú, 8 árum eftir atburðinn, er sagan skrifuð og þá eftir áskorun. Hún skal rituð af því að hún er hluti af sögu dönsku lögreglunnar.

Nákvæmlega 24 tímum eftir að fréttist um dauða Mortens Mortensen héldu starfsfélagar hans minningarathöfn um hann á morðstaðnum.

Alvarleiki skein úr andlitum allra lögreglumannanna sem á laugardagsmorgni höfðu safnast saman til stuttrar minningarathafnar á Kragelunds Allé – staðnum þar sem starfsbróðir þeirra, Morten Mortensen, var myrtur með köldu blóði.

Um 50 einkennisklæddir lögreglumenn voru mættir í þetta rólega einbýlishúsahverfi. Bæði þeir og næstum jafnmargir óbreyttir borgarar börðust við tárin í augunum í nokkrar mínútur þar til Tage Bækgaard lögreglustjóri hélt stutta minningarræðu um hinn myrta.

Tímasetningin var nákvæmlega sólarhring eftir að starfsfélagar Mortens í lögreglunni í Árósum höfðu fengið tilkynningu um að Morten væri látinn.

Varaformaður Lögreglufélags Árósa lagði því næst blómsveig á morðstaðinn. –„Frá öllum vinnufélögum þínum, Morten, við munum minnast þín," sagði hann lágróma.

Þeir sem höfðu mætt til athafnarinnar sungu sálminn „Altid frejdig når du går" og eftir það var mínútu þögn.

Að athöfninni lokinni urðu tveir lögreglumenn eftir og stóðu heiðursvörð á morðstaðnum sem var yfirfullur af blómum.

Föstudagur 16. júní 1995

Rétt upp úr klukkan 08.00 sat Morten Mortensen í mötuneytinu á lögreglustöðinni í Árósum og drakk kaffi með vinnufélögum sínum í umferðardeildinni. Í mötuneytinu ræddu vinnufélagarnir um fyrirhugaðar hraðamælingar á Oddervej við Kongevejen. Morten hafði hafið störf í umferðardeildinni fáum mánuðum áður en það var hluti af reglulegri færslu lögreglumanna á milli deilda hjá lögreglunni í Árósum. Hann hafði þar áður starfað