Kjo Verë Mërzie: Poezi

By Rexhep Shahu

Kjo Verë Mërzie është një vëllim poetik nga Rexhep Shahu. Ky vëllim është botuar në vitin 2015. Rexhep Shahu është një poet i njohur shqiptar dhe autor i dhjetë librave.

• Language: Gjuha shqipe
• Publisher: Klubi i Poezisë
• Release date: Mar 30, 2020
• ISBN: 9780463369265

Book preview

Këtu kemi mbetë ne njerëzit pa dhëmbë, zemra ime

Dhëmbërënë me duda të vrame

As kore buke nuk mundemi të hamë.

Hamë qull dhe përshesh qeverie me mbetë gjallë.

Ata që hanë hekur me dhëmbë kanë vdekë ose kanë ikë

Larg atdheut, marrë peng prej hajnave që zgrapin lekë e dashnore.

Në bulevard lëvizin hije frike me kryet në tokë e bythë përpjetë

Me rrathë xunkthi në qafë bien në gjunjë para qeverisë.

Këtu kemi mbetë ne dhëmbërënët. Zoti ynë i rremë

Na thotë, jeni të lumtur e të lirë, ne themi, po, jemi

Me flatra gomari fluturojmë në qiell.

Çdo burrë e grua si pemë frike lëkundet në erë

Hije të shëmtuara që i tremb stuhia.

Në qiellin tonë, zemër, nuk ka shqiponja që shkojnë mbi re

E si rrufe të zbresin nga qielli, t’ia marrin ujkut prenë në gojë

Jo ! Shqipja sot ha miza toke. Edhe hardhucat ka frikë t’i hajë.

komunizmi ka rënë

Komunizmi ka rënë

Serbët kanë ikë.

Por ne

Si viktima që e do xhelatin

Nuk po mësohemi të jetojmë

Pa komunizëm

Të jetojmë

Pa serbë…

* * *

Rrugët janë mbushë me hije njerzish

Por njerëz askund s’ka.

gjethet e verdha si duar fatesh

Gjethet e verdha si duar fatesh

Bien ngadalë në tokë

Shkojnë duke prekë nëpër dhimbje

Nga i çon era si emigrantët, nga i çon fati

Mbi ballin e tokës që digjet zjarrmie.

Gjethet e rëna - duar fatesh

Fillojnë të skuqen nga dhimbja

E pemëve të zhveshura që ngjajnë

Si prindër emigrantësh që enden nëpër botë

Prindër të shkretë - statuja ankthi.

Gjethet e verdha bëhën të kuqe

Nga dhimbja e tokës që s’do më varre gjethesh

Të kuqe toke si duart e varrmihësit

Që rregullon lulet e dheun mbi varre

Dhe u len shteg shpirtrave të ikin.

Gjethet e vjeshtës së vonë të fatit

I skajon era bri varreve, kur mbeten pa varr

Ndërsa shiu bie si gjak mbi