Ushh… Paarkkathey!

By Arnika Nasser

திரு.ஆர்னிகா நாசர் அவர்கள் முதுகலை சமூகவியல் பட்டம், மருத்துவ நிர்வாகம் முதுகலை பட்டப்படிப்பு, வெகுஜன தொடர்பு முதுகலை பட்டப்படிப்பு, குற்றவியல் மற்றும் தடய அறிவியல் முதுகலை பட்டப்படிப்பு, வழிகாட்டல் மற்றும் ஆலோசனை முதுகலை பட்டப்படிப்பு, இளம் முனைவர் பட்டம், சமூகவியல் மருத்துவ மேலாண்மை நிர்வாகம்-முதுகலை பட்டம், பி.ஹெச்,டி ஆய்வும் செய்து வருகிறார்.
இவர் ஆயிரத்தை நெருங்கும் சிறுகதைகள், 150 நாவல்கள், 50 தொடர்கதைகள், நூறை நெருங்கும் தொகுப்புகள், ஒரு தொலைக்காட்சி தொடர், மூன்று வானொலி நாடகங்கள் 100 நேர்காணல்கள், 300 இலக்கிய மேடைப்பேச்சுகள், 100 விஞ்ஞான சிறுகதைகள், 200 இஸ்லாமிய சிறுகதைகள் மற்றும் ஒரு மொழிபெயர்ப்பு நாவல்களை எழுதியுள்ளார்.
இவரது குடும்பம் - மனைவி-வகிதா, மகள்-ஜாஸ்மின் மற்றும் மகன் - நிலாமகன் ஆவர். தற்போது சிதம்பரத்தில் வசித்து வருகிறார்.

• Language: தமிழ்
• Publisher: Pustaka Digital Media
• Release date: Aug 12, 2019
• ISBN: 6580111001643

Book preview

http://www.pustaka.co.in

உஷ்… பார்க்காதே!

Ushh… Paarkkathey!

Author:

ஆர்னிகா நாசர்

Arnika Nasser

For more books

http://www.pustaka.co.in/home/author/arnika-nasser

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

அத்தியாயம் 10

அத்தியாயம் 11

அத்தியாயம் 12

அத்தியாயம் 13

அத்தியாயம் 14

அத்தியாயம் 15

அத்தியாயம் 16

அத்தியாயம் 17

அத்தியாயம் 18

அத்தியாயம் 19

உஷ்… பார்க்காதே!

ஆர்னிகா நாசர்

1

கிழக்கு கடற்கரை சாலையில் அந்த கருநீலநிற டாட்டா இண்டிகோ கார் நூறு கிலோ மீட்டர் வேகத்தில் விரைந்து கொண்டிருந்தது. காரைச் செலுத்தியபடி பக்கத்தில் அமர்ந்திருக்கும் சாம்பவியைப் பார்த்தான் நகுலன். அவன் சற்றே உயரம் கூடிய நடிகர் விவேக் போலிருந்தான். ஆனால் தலைகேசத்தை நடுவகிடு எடுத்திருந்தான். சென்னையின் பிரபல கண் மருத்துவர்களில் நகுலனும் ஒருவன். டாக்டர் டாக்டரைத்தான் காதலிப்பர். என்கிற தியரிக்கு இணங்க நகுலன் மகப்பேறு மருத்துவர் சாம்பவியை காதலித்தான். சாம்பவி சற்றே சதைத்த திரிஷா. இரண்டு பக்கக் குடும்பங்களும் இவர்களின் காதலுக்கு பச்சைக்கொடி காட்டிவிட்டன. முந்திய வாரமே இருவருக்கும் நிச்சயதார்த்தம் முடிந்து விட்டது. இருவரும் ஒரு த்ரிலிங்கான டேட்டிங்குக்காக சென்னையிலிருந்து மாஸ் கிளாஸிக் காட்டேஜ்க்கு பறந்து கொண்டிருக்கின்றனர்.

இது தப்பில்ல?

எது- நள்ளிரவுல காருக்குள்ள பயணிக்கும் யுவனும் யுவதியும் பேசிக்காம அமைதியாக உக்காந்திருக்கிறதா?

ச்...அதெல்ல நகு கல்யாணத்துக்கு முன்னாடி செக்ஸ் தேவையா?

நாம அந்தளவு போகப் போறதில்ல. நள்ளிரவுல ஆள்நடமாட்டமில்லாத கடற்கரைல உக்காந்து முழுநிலாவை ரசித்தபடி ஒயின் சூப்பியபடி விடியவிடியகதைத்தபடி மீன் உணவு கொறித்தபடி இருக்கப்போறோம். என் கை உன்னின் எந்த தப்பான இடத்தையும் தொடாது. விடியற்காலை சூரியனுக்கு 'ஹாய் சொல்லி எழுவோம். காட்டேஜ் திரும்புவோம். குளிப்போம். காலை எட்டுமணிக்கு மீன் உணவு எடுத்துக்கொண்டு சென்னை திரும்புவோம்!

நீ ஒரு வேஸ்ட் நகு!

ஏன் சம்ப்?

பின்ன என்ன? நீ டேட்டிங்னு சொன்னவுடனே நான் என்னென்னவோ கற்பனை பண்ணிக்கிட்டு கிளம்பி வந்திருக்கேன். பார்த்துக்கிட்டே இரு நீ பேசிக்கிட்டே இருக்கப்போற. நான் உன்னை தப்புதப்பான இடங்கள்ல தொடப்போகிறேன். இப் யூ கேன் ரெஸிஸ்ட் யூ ரெஸிஸ்ட்!

உனக்கு இப்டியெல்லாம் பேசவருமா?

நீ கிட்டப்பார்வை தூரப்பார்வை வெள்ளெழுத்துன்னு நாற்பது வயது தாண்டின முதிர்ஆண் மகன்களுடன் பெரும்பாலும் பகல் பொழுதுகளை கழிக்கிறாய். நானோ சுகப்பிரசவம் சிஸேரியன் பிரசவங்களுடன் அல்லாடுகிறேன். வி வாண்ட் அவுட்லெட் மேன். நான் இன்னும் மூணு வாரங்களுக்கு காத்திருக்கப்போவதில்லை. இன்று நள்ளிரவு இரு மருத்துவர்கள் மருத்துவம் சாராத சில கில்பான்ஸிகளை செய்யப்போகிறார்கள்!

அம்மாடி! நா வரலம்மா இந்த விளையாட்டுக்கு

என்ன நீ-நெகடிவ்வா. பேசிப்பேசி உணர்வுகளை சூடேற்றுகிறாய்!

மனரீதியாக நான் தயாராகவில்லை சம்ப்!

காரை சென்னைக்கு திருப்பு!

ஏன் ஏன்?

நீ மனரீதியா தயாரானவுடனே தொலைபேசு. நானும் அப்ப மனரீதியா தயாராயிருந்தா வரேன்!

கோபப்படாதே கண்ணம்மா கடற்கரை மணல்-பெளர்ணமி கரைக்கு சதா பலிங் சடுகுடு ஆடும் கடலலைகள்- மிதமான ப்ரஞ்ச் ஒயிட் ஒயின் மூடை வரவழைத்தாலும் வரவழைத்து விடும்!

ஆர் யூ ஷூர்?

ஷூர்

அட்வான்ஸா இப்ப எதாவது குடுத்து நீ சொன்னதை கன்பர்ம் பண்ணு!

காருக்குள்ளேயேவா?

நத்திங் எக்ஸ்ட்ராடினரி. ஆங்கில முத்தம் ஒன்று குடு நகு!

சாலையோரம், காரை நிறுத்திக்குடுக்கவா?

ஓடும் காரிலேயே குடு!

வலது கையால் ஸ்டியரிங்கை கையாண்டபடியே சாம்பவியை தன்னருகே இழுத்து உதட்டில் முத்தமிட்டான்.

ஐந்து நொடிகளுக்கு பிறகு சாலை பார்வைக்கு மீண்டான்.

இன்னும் ஒரு தடவை!

போதும்!

குடுடா. குடுடா செல்லம்!

வேகமாய் இழுத்து சாம்பவியை முத்தமிட்டான். பதினைந்து நொடிகள் நிகரில்லாமல் கரைந்தன.

உறிஞ்சலை முறித்துக்கொண்டு சாலைபார்வைக்கு நகுலன் திரும்ப.

ஒரு ராட்சச கண்டெய்னர் லாரி 120கிமீ வேகத்தில் எதிரில் வர...

கன்டெய்னரின் மீது மோதாமல் இருக்க காரின் எஸ்டியரிங்கில் கழைக்கூத்தாட்டம் நிகழ்த்தினான்.

ஆனாலும்.

ஆனாலும்.

கன்டெய்னரின் இடப்பக்கம் மோதி நெறி கெட்டு சாலையை விட்டு விலகி எகிறி மணலில் தாவித்தாவி ஓடி இருநூறு அடி தூரத்தில் அமைந்திருந்த உறாலோபிளாக் காம்பவுண்ட் சுவர் கல்லறைக்கதவை மோதி கார் சிரசானம் செய்து மல்லாந்தது.

மல்லாந்த கார் ஒரு கல்லறையை அப்பளமாக்கியது.

கல்லறைத் திறந்து கொண்டது!

நெஞ்சிலும் வயிற்றிலும் பலத்த அடிபட்ட நகுலன் வலியாய் துடித்தபடி பக்கத்தில் பார்த்தான்.

சுடச்சுட இறந்திருந்தாள் சாம்பவி!

அவளது தலை நொறுங்கி மூளை வெளியே வந்திருந்தது.

கதறியழுதபடி கார்கதவை சிரமப்பட்டுத்திறந்து தரைக்கு குதித்தான் நகுலன்.

வாய் திறந்திருந்த கல்லறைக்குள் விழுந்தான்.

குப்புற