Sagnir, æfintýr og dýrasögur
By Jón Trausti
()
About this ebook
Vér stráum kveðjum yfir sæinn
og leggjum íslenzk ljóð í blæinn,
sem ber þau yfir ykkar lönd."
Sagnir, ævintýr og dýrasögur er samansafn ljóða, smásagna og annarra texta eftir Jón Trausta (1873 - 1918). Í þessu textasafni eru t.d. bókadómar eftir hann. Textasafnið hentar sérstaklega bókmenntaunnendum og gefur góða innsýn inn í sögu íslenskra bókmennta.
Related to Sagnir, æfintýr og dýrasögur
Titles in the series (14)
Leysing Rating: 0 out of 5 stars0 ratingsHalla Rating: 0 out of 5 stars0 ratingsHeiðarbýlið Rating: 0 out of 5 stars0 ratingsSamtíningur Rating: 0 out of 5 stars0 ratingsSögur frá Skaftáreldi Rating: 0 out of 5 stars0 ratingsTvær gamlar sögur Rating: 0 out of 5 stars0 ratingsGóðir stofnar Rating: 0 out of 5 stars0 ratingsBessi gamli Rating: 0 out of 5 stars0 ratingsSmásögur I-II Rating: 0 out of 5 stars0 ratingsDóttir faraós Rating: 0 out of 5 stars0 ratingsFerðaminningar Rating: 0 out of 5 stars0 ratingsFerðasögur Rating: 0 out of 5 stars0 ratingsTeitur Rating: 0 out of 5 stars0 ratingsSagnir, æfintýr og dýrasögur Rating: 0 out of 5 stars0 ratings
Related ebooks
Teitur Rating: 0 out of 5 stars0 ratingsFerðasögur Rating: 0 out of 5 stars0 ratingsMunkafjarðarklaustur: sagnir frá Lapplandi Rating: 0 out of 5 stars0 ratingsSamtíningur Rating: 0 out of 5 stars0 ratingsDóttir faraós Rating: 0 out of 5 stars0 ratingsEiríkur Hansson Rating: 0 out of 5 stars0 ratingsSögur um ástina Rating: 0 out of 5 stars0 ratingsÆvintýri og Sögur Rating: 0 out of 5 stars0 ratingsSnædrottningin Rating: 0 out of 5 stars0 ratingsTvær gamlar sögur Rating: 0 out of 5 stars0 ratingsSögur frá Skaftáreldi Rating: 0 out of 5 stars0 ratingsHofstaðabræður Rating: 0 out of 5 stars0 ratingsHlýir straumar Rating: 0 out of 5 stars0 ratingsSagan af hinum þriðja förumunki og kóngssyni (Þúsund og ein nótt 33) Rating: 0 out of 5 stars0 ratingsBessi gamli Rating: 0 out of 5 stars0 ratingsGull faraós Rating: 0 out of 5 stars0 ratingsGamansögur Rating: 0 out of 5 stars0 ratingsHaustkvöld við hafið Rating: 0 out of 5 stars0 ratingsSagan af kóngssyninum frá Karisme og kóngsdótturinni frá Georgíu (Þúsund og ein nótt 18) Rating: 0 out of 5 stars0 ratingsÆfintýr æsku minnar Rating: 0 out of 5 stars0 ratingsÁ vængjum morgunroðans Rating: 0 out of 5 stars0 ratingsÁ heimleið: saga úr sveitinni Rating: 0 out of 5 stars0 ratingsHamlet Rating: 0 out of 5 stars0 ratingsRímur af Grámanni í Garðshorni Rating: 5 out of 5 stars5/5Sögur um vonina Rating: 0 out of 5 stars0 ratingsKalda hjartað: ævintýri Rating: 0 out of 5 stars0 ratingsBasil fursti: Mannrán og mansal Rating: 0 out of 5 stars0 ratingsValdimar munkur Rating: 0 out of 5 stars0 ratingsGæfuskórnir Rating: 0 out of 5 stars0 ratingsSigur Rating: 0 out of 5 stars0 ratings
Reviews for Sagnir, æfintýr og dýrasögur
0 ratings0 reviews
Book preview
Sagnir, æfintýr og dýrasögur - Jón Trausti
Sagnir, æfintýr og dýrasögur
Cover image: Shutterstock
Copyright © 2023 SAGA Egmont
All rights reserved
ISBN: 9788728281529
1st ebook edition
Format: EPUB 3.0
No part of this publication may be reproduced, stored in a retrieval system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.
www.sagaegmont.com
Saga is a subsidiary of Egmont. Egmont is Denmark’s largest media company and fully owned by the Egmont Foundation, which donates almost 13,4 million euros annually to children in difficult circumstances.
LJÓÐMÆLI. SAGNIR, ÆFINTÝR, DÝRASÖGUR O. FL.
BLAÐAGREINAR OG TÍMARITA. RITDÓMAR, LEIKDÓMAR
EFTIRMÁLI OG VIÐBÆTIR
EFNISYFIRLIT
SKRÁ UM EFTIRMÆLI OG ERFILJÓÐ
RITASKRÁ
LJÓÐMÆLI
TIL SKÁLDS.
(E. B.)
Edinborg, jan.
Hvað var það, sem gerði mér lífið svo leitt
og lamaði anda míns flug?
Sem gerði mitt hjarta svo þungt og svo þreytt,
sem þar væri tæpast af lífsafli neitt,
og vonunum vísaði á bug?
Mig vantaði neista frá alheimsins eldi,
það var of mikill kuldi í hjarta míns veldi,
mig vantaði blæ frá þeim björtu hæðum,
sem baðast í himinsins gæðum.
Nei — þú hefir aldrei þekt kulda og kyrð,
þú kennir ei annað en byr. —
Hjá mér voru öflin svo útibyrgð,
hver einasta taug var svo sljó og stirð
og vildi helzt kúra kyr.
En hvaða sál getur sífelt stritað
og sent frá sér geisla og lífgað og hitað
í auðninni og kuldanum — án þess að finna,
að æ verður ljósið sitt minna?
Ef læknirinn finna vill líf og yl
í líkama, föllnum í dá,
þá leiðir hann rafurmagn tauganna til, —
þá tendrast og blossar upp fjörsins spil
og æðarnar aftur slá.
Til þvílíkra strauma ég þurfti að kenna,
ég þurfti að finna þá brennandi renna
sem himinsins eldsglóðum hitaðar laugar
um hjarta míns æðar og taugar.
Hvað gefur þér alt þetta afl og fjör,
sem óróa fyllir mitt blóð?
Þau stinga mig lengi á eftir sem ör
þín eldlegu, hvössu og stálmjúku svör,
og líf mitt er þyrst í þín ljóð.
Í svip þínum lít ég sem beinda boga,
und brúnunum tindrandi vafurloga,
það hrökkva af þér neistar, sem örva og eggja
og eldstraum um sál mína leggja.
Þau gripu mig líftökum, ljóðin þín,
er lastu á útlendri grund.
Það var í þeim stormrödd, er stynur og hvín,
þau stráðu því ljósi, sem einungis skín
um Hórebs heilaga lund.
Mitt hjarta skalf, þótt ég hóglega léti,
ég herti mig upp — en það lá við ég gréti.
Hvort brotnaði geislinn á göfgum steinum,
sem geymast í anda míns leynum?
Þá sá ég það fyrst, hve hún álitleg er
og íslenzk, þín bragardís,
hvern ættgöfgissvip hún á enninu ber,
hve aðalsmannslundin þar hreyfir sér,
er hljómbára hörpunnar rís.
Ég heyrði þar óminn af hjartaslögum
frá hetjuríkari, bjartari dögum,
hver hending var gnestandi oddur við odd
líkt og áður í kvæðum og sögum.
Og frá þessum ljóðum ég leggja fann afl,
sem læstist um hjarta og önd.
Ég hræddist ei lengur hið tvísýna tafl,
ég treysti mér næstum að fást við þann skafl,
sem stoltastur rís fyrir strönd.
Um huga mér stormbylur hafði þotið,
og húmið, sem niður mig beygði, var þrotið.
Þar kvað við með sverðtungum: Sæktu fram,
unz síðasta virkið er brotið.
[Ferðaminningar 1905.]
VORVÍSUR.
Nú svífur vorið suðurgeimum frá
með sætu brosi ljóssins vængjum á,
með bjartar nætur, sælla daga sól,
og signing leggur yfir dal og hól.
Sjá, vetrarhörku brostin eru bönd,
nú bruna ár og lækir fram að strönd,
nú sér í tærri, ísalausri lind
hinn ljúfi, blái himinn sína mynd.
Nú byrja aftur blómin dala smá
sín blöð að hefja mosagröfum frá,
þeim vaggar gola vorsins ljúf og blíð,
þau vonast eftir gróðursælli tíð.
Og þar sem áður ís að landi bar
og öllum höfnum bönnuð sigling var,
þar bruna nú í blíðum sumarþey
á bláum sjónum skrautleg gufufley.
Og þar sem áður autt og þögult var
um eyjar, sker og strendur sæbrattar,
þar sífelt hljómar söngvakliður nú,
því sumarfuglinn tekur sér þar bú.
Ef eitthvað gengur að þér, vinur minn,
og eins og byrði legst á huga þinn,
þá hrind því burt, svo ei það eigi spor
í anda þér, því nú er komið vor.
Og ef að viltu unun finna þér,
gakk út um kvöld, þá sólin hnigin er,
hið blíða loft, sem brjóst þitt streymir í,
er betri hressing þér en „Champagni".
[Austri 1895, nr. 17.]
ÞORRABLÓT.
Í þetta sinni þorrablót
og þjór vér sitjum við;
vér tignum þessi tímamót
að trúrra feðra sið.
Þótt ekki sé oss borinn „bjór",
mun bresta gleði? Nei.
Vér sjáum það er sómi stór
að svalla’, en fyllast ei.
Vér sverjum þér við hamar þinn,
þú himinborni Þór,
að nefna aldrei nokkurt sinn
þitt nafn um leið og „bjór".
Vér skoðum það sem skömm og brest
á skýrri goðatrú,
því „bjór" er lands og lýða pest,
en lífsins vörður þú.
Vér heitum þig nú einnig á,
þú orkumikli Þór,
lát alla reiðan sjá þinn svip,
er selja’ og drekka „bjór".
Sýn landi voru vernd og stoð,
svo vaxi sérhvað gott.
Flæm Bakkus — þetta falska goð —
til fjandans eitthvað brott.
Vér komum ekki kendir heim,
þótt komum blóti frá,
nei, — allan stirndan uppheimsgeim
vor augu skýlaus sjá.
Vér sofnum „ædru" sætt og rótt,
— já, segjum meira enn, —
vér vöknum upp, þá endar nótt,
með enga timburmenn.
Já, sitjum fast við glasaglaum, —
það gerir ekkert til;
við óáfengan iðustraum
er aldrei hættuspil.
En blóð og vöðva hann fær hrest
og huga lyft og sál. —
Svo látum okkur lynda bezt
vort límonaðe. — Skál!
[Austri 1896, nr. 3.]
JÓLASTJARNAN.
Hún tindrar við dagsbrún svo töfrandi skær,
hún tindrar í morgunsins loga,
og ofan á hjarnið og ísana slær
svo indælum, fáséðum loga.
Hún dregur sem gullrönd á dimmbláan sjó,
og dreglum um skýrönd hún fleygir,
og geislinn frá henni í geðþekkri ró
um gluggann sig inn til vor teygir.
Hún fer undan dagsbrún og blikar svo blítt
og boðskap um dagskomu geymir;
hún skín um hvern einasta afkima þýtt
og engu á jörðinni gleymir.
____________
Hún lýsti þeim fróðu til frelsarans braut,
og fæðingarstjarnan hans er hún,
og ætíð um jólin svo innilegt skraut
og yfirbragð fagnandi ber hún.
Það er sem hún heilsi frá himni á jörð,
já, heilsi frá Guði til manna
og skrifi þá kveðju á hjarnþökin hörð
svo helgidómsfulla og sanna.
Já, vöggu þess himneska heilsar hún frá
og heilsar um víðáttu geiminn
og greinir svo langt sem að geislarnir ná,
hver gleði er borin í heiminn.
____________
Hún tindrar við dagsbrún, þótt dökkblátt sé hvel,
og dýrð sinni austrið hún fyllir
og snjóbreiður kaldar og harðar sem hel
með himneskum ljóskossi gyllir.
Að sæti þess hæsta hún sýnir þér leið, —
hún sál þína teygir í ljóma
og áfram þér lyftir um háloftin heið
til himinsins leyndustu dóma.
[Austri 1899, nr. 2.]
ÁTRÚNAÐUR EYFIRÐINGA.
Þú hlærð ekki að því, — ég held það sé rétt,
— í huga mér flýgur það nú; —
ég held þeir við Eyjafjörð haldi sig enn
við Helga hins magra trú.
Hann hét sér að vísu til heilla á Krist,
þá háskinn var ekki svo stór,
en lægi’ honum kröftugri aðstoð á,
var athvarfið jafnan hjá Þór.
Því maðurinn fann það, að margt var þar gott
og meinlaust við heimsgoðin ný,
en til þess að eiga við Eyjafjörð
þurfti’ eitthvað, sem dugur var í.
____________
Mér fanst sem það lægi í loftinu þar
og læddist um strandbýlin græn,
að ekkert það væri í stórsjó og storm,
sem stoðaði minna en — bæn.
Hún heyrir oft illa sú heilaga sveit,
sem hjálp skal til stórræða tjá.
Hún heldur sig kannske í heiminum þar,
sem harðviðrin minna þjá.
En Þór er hér hagvanur, þekkir vor él
og þykir hér vel ganga flest.
Hann brosir í kamp, þegar bilar ei dug,
og berserki virðir hann mest.
Þeir nyrðra — þeir hleypa’ í sig hörku og kjark
og hræðast ei sjó eða él;
það ber þá við stundum þeir bíta á jaxl
og bölva, — og þá gengur vel.
Í guðshús þeir auðmjúkir ganga, — jú, rétt,
og gjalda því lögboðinn skatt,
og Matthías talar um trúleysi þar
og — talar þar aldeilis satt.
En svo þegar drengirnir sigla út fjörð
og smásaman fjarlægist grund
og hann „fellur" við Hrólfssker og framundan sér
í freyðandi Grímseyjarsund,
þá fer um þá eitthvað, sem afrekar það,
að hver æð og hver taug verður stríð;
það skyldara hólmgönguskjálftanum er
en skírn eða kvöldmáltíð.
Og svo þegar skúturnar leggja sig ljúft
og löðrar um bógana sjór,
þá fara þeir síður með sálm eða bæn
en sagnir og stökur um Þór.
En minst þegar hákarlinn „handóður" er,
þeir hugsa’ um það andlega dót;
þótt Matthías talaði um trúleysi þar,
þeir tækju ei eftir því hót.
Þá skygnist hann Þór yfir skýjanna mön,
hann skilur það ljóslega hér,
að það er ei bæn, heldur þrek, sem er með, —
og þrekinu hlyntur hann er.
[Ísland 1899, nr. 6.]
SKIPBROT.
Þú manst, hvað ég sagði seinast,
en sannleikur reyndist það þó,
því nú er hann kominn hingað heim
og hefir ei staðist sitt próf.
Já, víst er það sorgleg saga,
en samt það ei dylja má. —
Við þektum hann báðir sem svolítinn svein, —
hver söng slíkan spádóm þá?
Þú manst eftir högunum, hrauninu’ og gjánum,
þar hyldjúpa áin rann;
þar áttum við heima á kotum í kring,
en á kirkjusetrinu hann.
Hann lék sér við okkur svo ljúfur og kátur,
— hann lék sér við hvern einn mann,
og hvað hann var góður og lítillátur,
það löngum var sagt um hann.
Þú manst, hvað hann kunni af söngvum og sögum
og sagði skarplega frá,
og hraunið var endalaus álfabygð,
sem opin við huga hans lá.
Hann heyrt hefir aldrei allar þær sögur, — —
en einskonar dularmál
talaði eldsteypta hraunið til hans, og
það heillaði alla hans sál.
Og alt þetta draumaland endursöng
og í hverri hraunborg var dans,
þá klukkurnar hringdu um kyrláta helgi
frá kirkjunni’ hans föður hans.
Hans trú á hið góða, hans gleði og von
á góðlega enninu skein,
og alstaðar heyrði hann um sig talað
sem afbragðs gáfaðan svein.
Svo skildi með okkur: — í skóla fór hann,
— hann skyldi hinn lærða veg;
en þú fórst til sjóar, — en heima við hraunin
og hyldjúpu gjárnar varð ég.
Í skólanum gekk honum alt að óskum,
og áliti fékk hann þar náð,
þeir kölluðu’ hann „góðan og gáfaðan" þar
og gáfu’ honum seinast „láð".
Svo fanst honum, eins og ótal fleirum,
að utan við hafsins rönd
þar dagaði’ af hamingju, heiðri og frægð,
og það heillaði’ hann burtu af strönd.
Ég segi’ ekki hót um það Hafnarlíf, —
þú hefir það sjálfur reynt;
en það verður aldrei að eilífu sagt,
að alt sé þar flekklaust og hreint.
Að lýsa því öllu sem allra minst
mun eflaust koma sér bezt;
en þeim, sem er „góður og gáfaður", standa
þar gildrurnar opnar mest.
Og hver vill nú telja og tína saman
hans tíu ára spor?
Svo kom hann nú loksins sem „kandídat phil"
frá Kaupmannahöfn í vor.
Og nú er hann allur annar
og ekkert líkur og þá,
er þektum við hann sem svolítinn svein,
er sagði’ okkur álfunum frá.
Mér finst hann sem lifandi liðinn,
og líkbleikur svipur hans er,
og allur hans framgangur einungis vott
um endalaust volæði ber.
Og það hefir ei verið áfengið tómt,
sem að hefir komist hér,
um ýmislegt annað — og verra —
hans útlit nú vitni ber.
Nú leikur hann ekki við aðra menn,
nei, öllum hann heldur sig frá,
og nú á hann enga kunningja kæra
í kotunum rétt þar hjá.
Og hraunið er engin álfabygð,
og aldrei hann heyrir þar dans;
og klukkurnar honum til kvalar hringja
frá kirkjunni’ hans föður hans.
Hann leggur ekki með gleði’ ígröf
síns gráhærða föður bein;
og aldrei er lengur um hann talað
sem afbragðs gáfaðan svein.
Já, — lifandi finst mér hann liðinn,
og líkbleikur svipur hans er,
hans framkoma vitni um ekkert annað
en endalaust vonleysi ber.
Þú manst eftir högunum, hrauninu’ og gjánum,
þar hyldjúpa áin rann.
Og kannske við fréttum einn fagran dag,
að finnist þar örendur hann.
[Þjóðólfur 1899, nr. 4.]
VIÐ HÆSTA HNÚKINN.
Þinn svipur er stórskorinn, heiður og hreinn,
þú hrjóstrugi tindur, sem stendur svo einn
og hátt upp úr fjöllunum hinum.
Ég skjalla þig ei fyrir yndisleik þinn, —
en eigi að síður ég skil það og finn,
að mig áttu’ og marga að vinum.
Ég sitja læt hattinn, þótt heilsi ég þér, —
ég held, að þú takir ei af fyrir mér
þinn