‘BEDROG’ VAN DIE ‘GOUE’ DIAKEN
OP DIE oog af sou jy beswaarlik ’n deugsamer egpaar kon vind: albei diakens van hul gemeente en steunpilare van hul kusgemeenskap met die asemrowende uitsigte op Tafelberg oorkant die blou water.
Tydens eredienste in die NG kerk Melkbosstrand kon jy die aantreklike en welvarende Cloetes nie miskyk nie. Monique, met haar gladgestrykte swart lokke en skitterwit glimlag, het die aankondigings voor die diens behartig. Die charismatiese Jaco, met daardie tikkie grys aan sy slape, het Bybels uitgedeel en was altyd onder die voorsangers.
“Jaco het tromme gespeel in die band, en as kerkraadslid was hy die voorsitter van die eiendomskommissie. Verder was hy ’n prima weldoener … As die kerk ’n braaier nodig het, dan gaan koop hy een. As ’n kragopwekker ontbreek, dan sorg hy,” vertel Pieter*, ’n jare lange gemeentelid, aan Huisgenoot.
Aan geld is daar skynbaar ook nie ’n tekort nie. Jaco, ’n voormalige Bloemfonteinse makelaar in sy 40’s, het ’n renperdstoet en vervoersaak. Hy en Monique, sy derde vrou, het glo ’n voorliefde vir duur motors. Sowat ’n dekade lank is hulle gesiene mense in dié welgestelde vakansieen aftreeparadys. Maar toe bars die bom.
In September verlede jaar daag die polisie se Valke-ondersoekeenheid op by die hoewe waar die egpaar woon en neem Jaco summier in hegtenis.
You’re reading a preview, subscribe to read more.
Start your free 30 days