Skedelkus toe in ’n sedan!
Die geniepsige wind waai ’n motreëntjie teen my wange waar ek op die sypaadjie voor ’n koffiewinkel in Swakopmund staan.
Dis Meimaand en onplesierig koud. Ek verbeel my vir ’n oomblik ek is iewers in Europa. Ek dra ’n dubbellaagbaadjie, langbroek en ’n mus. Ek is omring deur Duitse argitektuur. Enkele minute later teug ek aan die mees Europese van alle koffiesoorte, ’n sterk espresso’tjie.
Terug by my bakkie is die vensters toegewasem. Op die sitplek lê John H. Marsh se boek Skeleton Coast wat ek in Die Muschel-boekwinkel in die Brauhaus-arkade gekoop het. Dit vertel die verhaal van die reddingspoging in 1942 vir die Dunedin Star, ’n Britse stoomskip, wat die nag van 29 November sowat 600 km noord van Swakopmund gestrand het. Dit het ’n hand vol reddingsbote, ’n vliegtuig, ’n konvooi 4x4’s en twee mense se lewe gekos om die 85 bemanningslede en 21 passasiers oor ’n aantal weke te red.
Deesdae kan ’n mens min of meer die helfte van die Skedelkus in ’n Volkswagen Polo verken. As jy vroeg wegspring, kan jy binne ’n dag tot op Terracebaai ry – die verste buitepos vir besoekers.
Ek stuur ’n skietgebed op voordat ek ry, want dis juis hierdie guur weer wat die Skedelkus sy vreesaanjaende reputasie gee.
Nie ’n dag vir poskaartfoto’s nie
Net buite Swakop klim ’n mens op ’n netjiese nuwe teerpad tot op
You’re reading a preview, subscribe to read more.
Start your free 30 days