بيض

By Basem Ibrahim

- اسمك ايه يالا . - بيضة . - انت هتستهبل . سارت موجة من الضحك فى الفصل و تدخل سمير : - ده فعلا اسمه يا استاذ ، هو بيبيع بيض مع أبوه الحاج شلبى من وهو صغير و كل البلد بتقوله يا بيضة .

• Language: العربية
• Publisher: Basem Ibrahim
• Release date: Mar 17, 2022
• ISBN: 9780463042595

Book preview

84

بيض

باسم ابراهيم

- أبيكا .

- عاميه .

- أبيكا .

- عاميه .

- أبيكا .

- باميه .

فتح سيد عينيه و صرخ :

- باميه ايه، عاميه اهه ... عاميه .

- حركت رجليك يا بيضة .

- وحياة أمى ما حركت رجلى .. عاميه .

- لا يا بيضة باميه .

رن جرس الفسحة فأصدر سيد صوتا اعتراضيا من منخاره

- يلعن أبو اللى يلعب معاكو ، عيال ولاد ***.

- يا بيضاااااة ...هىء هىء هو هو ، يا بيضة ماتزعلش .

انطلق سمير و سعد خلفه فى فناء المدرسة وسط حشود الطلاب العائدة الى فصولها ، و جذب سمير كم قميصه .

- ايه شغل العيال ده

- انا أصلا ابن **** عشان بلعب مع شوية *** زيكوا .

- هاهاها ، صدقنى يا بيضة ، انت فعلا حركت رجليك .

- خلاص يا بيضة متبقاش عيوطة ، استنوا .

جرى سعد بأقصى سرعته باتجاه الكانتين ، الذى أوشك على الغلق فالتعليمات واضحة بالغلق الفورى مع جرس الفسحة .

- يا ابنى هتعملى مشاكل مع الناظر ، ربنا يكفينا شره .

- وحياة أبوك يا عم زناتى ، بسرعة محدش واخد باله .

ظل سعد محدقا به متقمصا دور المتخلف العقلى ببراعة حتى استجاب الرجل .

- واقف بتعمل ايه عندك ؟

- ولا حاجة يا أستاذ ، طالع اهوه .

- بسرعة على فصلك .

فتح سعد باب الفصل ، وفجأة تغير وجهه .

- كنت فين يا باشا .

- فى الحمام .

- ادخل و متتأخرش تانى .

اندس سعد بين سمير و سيد فى الديسك الأخير ، ووضع رأسه علي سطحه و أخرج من جيبه شيئا ابتسم سيد عندما رآه .

- لوليتا !!! ، اشطه .

- على الله يتمر فيك يا عم و تبطل شغل الحريم ده .

- خلاص انا مش زعلان يا اسطى .

أخفض رأسه و فتح اللوليتا وأخذ لحسه سريعة ، ثم انتبه الى صوت الأستاذ الغليظ .

- قيام .

- ييييه قيام ايه يا عم ماحنا قعدنا خلاص ، البتاعة هتسيح .

- السلام عليكم .

أخرج غيظه و صرخ مع الجميع فى لحن عذب أزلى :

- وعاليكمو السلام .. وراحماتو الله و بركاتووووو

- اسمى الأستاذ صلاح ، مدرس العربى الجديد ، عايزين نقضى مع بعض سنه حلوه ، هتلتزم معايا هتعدى السنة هوا ، هتت***** هتبقى سنة سودا عليك انت و أهلك و ...

انفلتت ضحكة رفيعة من أحد سيئى الحظ الذى دعت عليه أمه فى الصباح .

- بتضحك على ايه حبيبى ، تعالى هنا .

- ....

- مش هاقولها تانى .

توجه الطالب الى مصيره المحتوم يوزع نظرات الاستنجاد على الزملاء أملا فىى خلاص وهمى

- افتح ايدك .

أخرج الرجل عمود خشبى كبير منزوع من أحد المكاتب القديمة ، فسقط قلب الطالب بين رجليه ضاغطا على خصيتيه حتى كاد أن يبول على نفسه .

- افتح ايداااك .

مد الطالب يده فى تردد يتأمل الأستاذ الذى رفع العمود الخشبى فى اصرار ثم نزل به عليها و...

- لأأااااا .

سحب الطالب يده بسرعة و نظر الأستاذ الى مصدر الصوت و قال فى غضب الدنيا :

- مش عاجبك يا حيلتها ، طب ايه رأيك هدخله هو و هتيجى انت مكانه .

- ادخل انت دلوقتى و حسابك معايا بعدين .

- تعالى هنا يا روح أمك .

- متغلطش فى الأم .

استشاط الأستاذ غضبا و اندفع نحو سيد .

- اسمك ايه يالا .

- بيضة .

- انت هتستهبل .

سارت موجة من الضحك فى الفصل و تدخل سمير :

- ده فعلا اسمه يا استاذ ، هو بيبيع بيض مع أبوه الحاج شلبى من وهو صغير و كل البلد بتقوله يا بيضة .

- وانت بقى المحامى بتاعه ، اكتم خالص .

ابتلع سمير الاهانة و تمتم بسباب غير مفهوم .

نظر الأستاذ الى سيد قليلا ، ثم التقط الكراس الملقى أمامه على الديسك وقرأ التيكيت :

- هممممم ... سيد شلبى ، الشهير ببيضة .

قذف بالكراس فى الهواء فتناثرت أوراقه على الأرض بعد أن تمزق ..

ثمن كراس جديد لم يكن بالهين بالنسبة لأسرة سيد .

- انت بقى زعيم الغلابة هنا فى الفصل ، يابن بياع البيض .

- وماله البيض ، مش حضرتك عندك منه زينا كلنا .

موجة ضحك اخرى فى الفصل ...

- تقصد ايه يا حيوان .

- ليه الغلط بس ، مش حضرتك عندك بيض فى البيت و بتاكل منه زى الناس كلها.

أراد الرجل أن يجعل من سيد كبش فداء و القطة التى يذبحها أول يوم ، حتى يهابه الجميع

- افتح ايدك يا بابا .

رمقه بنظرة تحدى اندهش لها الرجل :

- لأ .

- مش هكررها تانى .

- أنا مغلطش فى حاجة عشان اضرب .

- هضربك بلطجة ... عندك مانع .

- احنا فى مدرسة ولا فى الشارع .

القى الأستاذ بالعامود الخشبى على الأرض ، و أصدر صوتا مألوفا من منخاره و جذب سيد من ياقة قميصه :

- أنا بقى هعرفك يا روح أمك