صرصار مان

By Basem Ibrahim

"- صرصار ايه يا ابن الهبلة !!! ، وطبعا بعد ما يعضه هيتحول لسوبر هيرو وينقذ العالم ، على أساس ان اللجنة ما شافتش خمسوميت فيلم سوبر هيرو قبل كده ، وحياة أمك هيتفوا علينا "

• Language: العربية
• Publisher: Basem Ibrahim
• Release date: Mar 18, 2022
• ISBN: 9781005910051

Book preview

25

صرصار مان

باسم ابراهيم

معهد السينما ..

الكافيتيريا ..

- صرصار ايه يا ابن الهبلة !!! ، وطبعا بعد ما يعضه هيتحول لسوبر هيرو وينقذ العالم ، على أساس ان اللجنة ما شافتش خمسوميت فيلم سوبر هيرو قبل كده ، وحياة أمك هيتفوا علينا

راح علاء يتأمل نهر الطلاب المتدفق فى كل الاتجاهات و يرتشف قهوته و سيجارته فى صمت ، حتى صاح سالم .

- يابنى الدكتور عاطف حاطك فى دماغه و مش بيطيقك ، واستحالة يقبل المشروع الزفت ده

- أنا هتخرج السنة دى يعنى هتخرج ، بالذوق... بالعافية ... هتخرج .

قبل عدة أيام ..

يندفع علاء بسيارته بجنون ، يأكل الطرقات ، ويكاد أن يصطدم بعدد لا بأس به من البشر .

يصعد درجات سلم المستشفى لاهثا .

- لو سمحت غرفة الأستاذ مروان حمدى .

يقتحم الغرفة ..

والده راقد وسط غابة من الأسلاك و المعدات و المحاليل .

تقف جواره امرأة فى منتصف الخمسينات ، قطف المرض و الهم و الغم و النفسية غير السوية زهرة انوثتها ، فتركها بين بين ، انسان يجمع بين الذكورة و الأنوثة فى وعاء حريمى ، فاتن سعيد ، أم علاء و الزوجة الأولى لمروان حمدى الراقد على الفراش .

مروان حمدى ..

منتج سينمائى .

ورث عن والده تجارة ضخمة ، خسر نصفها ، واستثمر النصف الباقى فى السينما ، شغفه منذ الطفولة ، و لذلك