Ceara Aquilon: Windfall Tagalog Edition, #1

By Arielle Alia

Pinaniniwalaan ng Pamilya Aquilon na ang wind spirit ay kanilang protector. 

 

Ngunit isang gabi ay natuklasan ni Ceara Aquilon ang katotohanan. Nilinlang ng kanilang ninunong si Seth Aquilon ang wind spirit para maging tagpagtanggol ng kanilang pamilya.

 

Nang hindi sinasadyang napalaya ni Ceara ang wind spirit sa kasunduan nito  kay Seth Aquilon, sinimulan ng wind spirit ang paghihiganti.

 

Upang mapigilan ito, kailangang manalo ni Ceara sa laro ng wind spirit. Kung hindi ay papatayin siya nito at isusunod ang kanyang buong pamilya.

• Language: Tagalog
• Publisher: Arielle Alia
• Release date: Mar 12, 2022
• ISBN: 9798201140946

Book preview

This e-book is licensed for your personal enjoyment only. This e-book may not be re-sold or given away to other people. If you would like to share this book with another person, please purchase an additional copy for each recipient.

This e-book is a work of fiction. Names, characters, businesses, organizations, places, events and incidents either are the product of the author's imagination or are used fictitiously. Any resemblance to actual persons living or dead or actual events is entirely coincidental.

Find out more about the author and her upcoming books online at

https://www.facebook.com/pages/Arielle/261797261752

and

http://arielle-ebooks.weebly.com

ACKNOWLEDGEMENTS

This e-book would not be possible without the help and support of a lot of people.

To my family, especially my mother, Mrs. Josefina L. Alia who helped me edit this novel.

To my friend, Magdalena Mangulabnan who proofread this novel.

To my friend, Raquel Robles who helped me review this novel.

And to the girls and guys of Eternal Equinox who continued to give me support as I embark on a new stage in my life as an independent publisher/writer.

To all of these people, I give my utmost thanks and gratitude.

AUTHOR'S NOTE

Ang kuwento ng Windfall ay hindi continuation ng novel kong Windswept. But the story premise and the wind spirit in both books are the same making this a spin-off. The wind spirit is a major character here na nagdadala pa rin ng problema at gulo sa buhay ng ibang tao.

Parehong nangyari ang kuwento ng Windswept at Windfall sa isang mundo. They are connected pero bawat isa ay isang stand-alone novel at hindi kailangan ang bawat isa para maintindihan ang kanilang kuwento.

Windfall is the story of the Aquilon family that spans several decades.

Ang novel series na ito ay isang fantasy adventure story spiced with romance. Isinulat ko ito para sa matured readers who can appreciate adult themes and scenes.

Arielle Alia

PROLOGUE

"V ent puissant, vent puissant. Voulez-vous ecouter mon coeur ?" pag-awit ng Tita Verance ni Ceara. Sinabayan din nito ng pagsayaw ang pagkanta sa saliw ng isang 'di naririnig na musika. Ang tanging naririnig ni Ceara sa burol na kinaroonan nilang dalawa ay ang malakas na ihip ng hangin. Tila ikinakalat ng malakas na hangin ang awitin ng Tita Verance sa buong paligid.

Hindi maintindihan ni Ceara ang ibig sabihin ng mga salitang ginagamit ng tiyahin. Pero dahil maganda ang boses nito, nawili siyang pakinggan ang pag-awit nito.

Mula nang magkaisip siya ay naging malapit na siya sa tiyahin. Naging idolo niya ito sa lahat ng bagay. Mula sa pagdaramit, pagkanta at lalo na sa paniniwala nito sa buhay.

Twenty-five years old ang Tita Verance niya. Dalaga pa rin ito kaya't madalas ay hinihiram siya nito at inaalagaan. Sa kanilang dalawang magkapatid ay malinaw na siya ang paborito nitong pamangkin. Masyado kasing magulo at makulit ang bunso niyang kapatid na si Hector. May pagka-destructive pa dahil lahat ng hawakan na laruan o gamit sa bahay nila ay sinisira. Naku-kyutan din sa kanya nang husto ang tita niya lalo na sa kanyang grey eyes. Marami sa mga kapamilya nila ang nagsasabi na namana niya ang mga abuhing mata na iyon sa kanilang great-great-great grandfather na si Seth Aquilon.

Tita, tungkol saan ang song na iyan? usisa niya nang maupo itong muli sa nakalatag nilang picnic mat.

It's about a powerful wind.

A wind song?

Tumango ito. Tumawa. Kumuha ito ng sandwiches sa picnic basket na dala nila at inabutan siya ng isa. Naglabas din ito ng mga bote ng fruit juice roon at binigyan siya.

May paniniwala ang pamilya natin na 'pag kinanta ng isang dalaga ang wind song, the wind will grant her wish.

Bakit?

Because the wind spirit is our protector.

Huh? Naguluhan siya.

Ayon kasi sa kuwento sa akin ng Lolo Regi mo noong bata pa ako, ang 3G grandfather mo na si Seth Aquilon ay naging kaibigan ng wind spirit.

3G? Ano iyon?

Natawa ang Tita Verance.

That's short for great-great-great grandfather. Anyway the wind spirit promised to take care of all of Seth Aquilon's descendants. And sometimes, 'pag daw nasiyahan siya o natuwa, pwede rin niyang bigyan ng katuparan ang anumang kahilingan natin. But to ask the wind spirit a wish, you need to sing this special song.

Kaya ba kinakanta mo 'yung song dito? Dahil mahangin dito?

Yes. Iyan ang tip na ibinigay sa akin ng Tita Arianne.

Si Grandma Arianne? paninigurado ni Ceara.

Tumango ang tita niya bago itinuloy ang pagkukuwento.

Ayon sa kanya, tinupad daw ng wind spirit 'yung wish niya. Gagana lang daw kasi ang magic ng wind song kung maririnig iyan ng hangin at para niya marinig ang kantang ito, we need to go to a very windy place. Hinawakan nito ang necklace na laging suot. Hugis mga pakpak na naka-outspread ang pendant noon. Pero dapat 'pag kinakanta mo ang wind song ay suot-suot mo rin ang wing necklace na ito na may platinum pendant.

Platinum? Akala ko ay silver iyan.

It's platinum, Ceara. At gawa ito ng great-great-great grandfather nating si Seth Aquilon. Ibinigay niya ito sa anak niyang si Mirasol. And Mirasol in turn gave this necklace to Serafina, the daughter of her brother Leonardo and so forth and so on hanggang sa mamana ko ito mula kay Tita Arianne who is the fraternal twin of your Grandfather Reginald who is the father of your dad and me. Ang maaari lamang kasing magsuot ng necklace na ito sa pamilya natin ay ang mga unmarried women na may apelyidong Aquilon. Which means hindi ko ito maaaring ipamana sa aking magiging anak na babae dahil hindi Aquilon ang magiging apelyido niya. This necklace will be yours, Ceara, oras na maging eighteen years old ka na or I get married and changed my surname.

Eight years old pa lamang ngayon si Ceara. Ibig sabihin ay ten years pa ang ipaghihintay niya bago maging kanya ang wing necklace. Unless of course mag-aasawa agad ang tita niya. Pero tila malabo iyon dahil wala itong boyfriend. Lahat din ng nanliligaw rito ay laging binabasted.

Ibig bang sabihin, hindi ko rin iyan maibibigay sa magiging anak kong babae at sa magiging anak ni Hector ko iyan ipamamana? Four years old pa lamang ang kapatid niya ngunit ubod na noon ng kulit. Nasisigurado niyang kung magkakaroon ng anak ang kapatid, makulit din tiyak iyon.

Tumango ang tita niya.

Or sa sinumang mga pamangkin mo na tataglayin ang apelyidong Aquilon. That is our family tradition. Dahil kung ang babaeng magsusuot nito ay hindi taglay ang Aquilon surname, mawawala ang magic ng wind song and wing necklace.

Napaisip siya.

Tita, kung magkakaroon ka ng anak, pero 'di ka mag-aasawa, ang magiging apelyido ng anak mo ay Aquilon din, 'di ba? Ganoon ang nangyari sa kaklase kong si Rina dahil wala siyang tatay. Kung ganoon ang sitwasyon, pareho kayong may apelyidong Aquilon. Sino sa inyo ngayon ang magmamay-ari ng necklace?

Natawa ito.

Kung minsan talaga ginugulat mo ako sa klase ng pag-iisip mo. Anyway, the Aquilon women in our family usually find themselves married when they reach the age of twenty-five or before that. Walang sinuman sa atin ang umaabot sa edad na twenty-six at nananatiling single.

Mag-aasawa ka na? gulilat siya.

Oras na makita ko ang lalaking para sa akin. And I have a feeling na malapit ko na siyang makilala. Once I get married, this necklace will be yours. Pinagmasdan nito ang platinum pendant. You know what, kakulay ng mga mata mo ang pendant na ito, grayish. Anyway, dapat ngayon pa lamang ay matutunan mo na ang wind song. Hinawakan siya nito sa kamay. Itinayo. Follow after me at ilakas mo nang todo ang boses mo para marinig ka rin ng hangin. Sinimulan nito ang pag-awit. "Vent puissant, vent puissant..."

Sinundan ni Ceara ang pag-awit nito. Hindi kasing ganda ng boses ng tita niya ang boses niya pero nasa tono naman siya.

"Voulez-vous écouter mon Coeur?"

Ano bang ibig sabihin ng kinakanta natin?

Ngumiti ito.

It means, powerful wind, mighty wind. Will you listen to my heart?

Isang love song?! gulilat siya.

Malakas ang naging tawa ng tita niya. Pero natigil iyon nang makarinig sila ng malakas na ingay.

Mula sa kinaroroonan nila ay tanaw ang aspaltadong kalsada na dinaanan nila kanina para makarating sa burol na ito. Isang kotse ang naroroon ngayon sa may kalsada at nakasalpok sa katawan ng malaking punongkahoy sa gilid ng daan.

Let's go, Ceara! malakas na sabi ng Tita Verance. Someone needs our help! Bihira ang dumaraang mga sasakyan sa lugar na ito at posibleng tayo lamang ang nakakita sa nangyari sa kanila.

Nagmamadali silang sumakay sa kotse nito at nagtungo sa kinaroonan ng aksidente. Natuklasan nilang isang tao lamang ang sakay ng kotse. Isa iyong lalaki na duguan ang noo.

Buhay pa ba siya, Tita? usisa ni Ceara.

Nurse ang tita niya kaya't nasisigurado niyang kung buhay pa ang lalaki ay matutulungan nito iyon.

Yes. Nawalan lamang siya ng malay. Marahan nitong tinapik sa balikat ang lalaki. Sir? Sir?

Nagmulat ng mga mata ng lalaki. Tumutok iyon sa mukha ng Tita Verance niya.

Hindi maipaliwanag ni Ceara kung ano ang nangyari ng mga sandaling iyon. Ngunit natigilan ang tita niya. Napatitig naman nang husto ang lalaki sa tiyahin.

Tumagal ang katahimikan. Sa kabila ng pagtulo ng dugo sa mukha ng lalaki dahil sa sugat nito sa noo ay bahagya itong ngumiti.

Hello, anas nito.

Hello, sagot ng tita niya.

Napakunot ng noo si Ceara. Ano bang nangyayari sa eksenang ito? Bakit hindi tinutulungan ng tita niya ang lalaki? Nakipagtitigan lamang!

I'm Fern. Fern Medina, pagpapakilala ng lalaki na 'di pa rin nawawala ang pagkakangiti.

Natawa ang tita niya.

You are bleeding, Fern. Pero huwag kang mag-alala, I'm a nurse at tutulungan kitang makarating sa ospital.

CHAPTER 1

Isang whirlwind romance ang nangyari sa Tita Verance ni Ceara at sa lalaking tinulungan nila noon na ngayon ay tinatawag na niyang Tito Fern. Two weeks after na nagkakilala ang dalawa ay nagpakasal na agad ang mga ito! Pero hindi iyon ikinagulat ng pamilya nila. Ang mga babaeng Aquilon daw naman kasi ay agad na nalalaman kung ang isang lalaki ay karapat-dapat o hindi. Nai-in love lamang daw kasi ang mga babaeng Aquilon sa right guy. Aquilon women never fell in love with the wrong men.

After six years, nagdesisyon sina Tita Verance at Tito Fern na magkaroon ng anak. Ang anak ng dalawa ay pinangalanang Michael. Tumayo rin si Ceara bilang ninang ni Michael nang binyagan ito.

Dahil madalas na busy sa trabaho ang Tita Verance at Tito Fern, normal nang iwanan si Michael sa bahay nina Ceara. Si Ceara ang nagsisilbing tagapag-alaga sa bata at ang kapatid niyang si Hector ang kabarkada nito lagi. Hindi kasi nagkakalayo sa ugali ang dalawa. Swak na swak pati ang gusto ng bawat isa. Malinaw rin na may nabubuong hero worship si Michael sa kapatid niyang si Hector. Kung bakit ay 'di niya alam.

Naipamana na rin sa kanya ng Tita Verance ang wing necklace. At 'pag nag-iisa si Ceara ay palihim niyang kinakanta ang wind song. Batid na niya ngayon ang ibig sabihin ng bawat salita noon. And she also knew na French ang mga lyrics ng awitin.

Tulad ng hula niya noon. Isa iyong love song. Pero hindi iyon isang love song para sa umaawit. Isa iyong love song para sa hangin. The song was promising the mighty wind his heart's desire kung pagbibigyan nito ang kahilingan ng umaawit.

Hindi na bata si Ceara. Tumigil na siya sa paniniwala sa pagkakaroon ng magical properties ng awitin at necklace o ang paniniwala ng pamilya nila na may isip at personality ang hangin. Pero ilang beses na niyang napatunayan na 'pag nalulungkot siya o naii-stress out at kinanta niya ang wind song, kumakalma siya. Nababalik ang kumpiyansa niya sa sarili.

Pagka-graduate niya sa college ay natagpuan niya ang sarili na nagtatrabaho sa isang call center. Normal nang makipag-usap siya sa mga matataray at mareklamong mga customer. Sa klase ng trabaho niya ngayon, natuklasan niya na malaki ang naitutulong ng wind song para mapanatili niya ang kanyang composure at lamig ng ulo. Basta naiirita siya ay kinakanta niya sa kanyang isipan ang wind song at nagiging kalmado na siya. Maayos na niyang nakakausap ang mga caller.

Thank you, ma'am, for calling. If you have any problem or inquiry, don't hesitate to call us again, pagtatapos niya sa pakikipag-usap sa customer na nasa kabilang linya ng phone. Napayapa na niya ang init ng ulo nito. Ito rin ang last call niya ngayong araw dahil tapos na ang kanyang shift.

Nag-inat siya ng mga braso. Sinimulan na rin niya ang pag-aayos ng kanyang gamit. Kanina pa niya nasulyapan si Amy na siyang papalit sa kanyang workstation.

Nang lumapit sa kanya si Amy ay iniabot niya rito ang headphone. Nagngitian lamang sila nito dahil kailangan nang sagutin nito ang mga dumarating na tawag. Mahigpit ang patakaran sa call center na 'di dapat mawalan ng tao ang workstation. Hindi makaaalis sa workstation niya ang isang empleyado unless 'di pa dumarating ang kanyang kapalit.

Nakasabay ni Ceara sa paglabas ng office ang mga kasama niya sa evening shift. Isa na rito si Mon.

Gusto mong sumama sa amin nina Tess mag-breakfast sa Mang Tasio? yaya nito. Tuwing araw ng suweldo ay naging tradition na ng mga nagtatrabaho sa call center ang i-treat ang mga sarili sa mamahaling restaurant na Mang Tasio.

I can't. Hinihintay ako ng makukulit sa bahay namin. Required ako na magpakain ng masarap na breakfast sa kanila 'pag sumusuweldo ako.

Saglit niyang nakita ang disappointment sa mukha ni Mon bago ito ngumiti.