Pusong Titanium

Isang pathotological truth-teller si Mac. Dahil dito, hindi niya nagawang itanggi na sa unang pagkikita pa lamang ay umibig na siya kay Dessa.   Dahil din sa kondisyon niyang ito kaya pinagtiwalaan at naging kaibigan niya ang CEO at president ng Global Foods Corp. na si Ares Delguerra. Ngunit nang kidnapin ni Ares si Dessa ay isang malaking desisyon ang kailangan niyang gawin.   Tutulungan ba niya at pagtatakpan ang krimeng ginawa ni Ares dahil sa pagkakaibigan at utang na loob niya rito? O tatraidurin niya at babaliwalain ang pagkakaibigan nila ni Ares para iligtas at protektahan ang dalagang mahal niya?

Ang paghanga ni Farida kay Remo ay naging pag-ibig nang makilala niya ito nang husto. Pero trinato ni Remo na isang biro ang kanyang love confession at binaliwala lamang ang damdamin niya!   Dahil dito, sinikap ni Farida na patayin na lamang ang pag-ibig niya sa binata ngunit nabago ang desisyon niya nang makaharap niya si Ares Delguerra.   Tumatak nang husto sa kanya ang mga salita ni Ares; "Kung mahal mo talaga ang isang tao, ipaglalaban mo ang pagmamahal mo. Hindi mo iyon sisikilin o itatago! You will show that person how much you love him! Gagawin mo ang lahat ng paraan para matutunan ka niyang mahalin, para pahalagahan ka niya."   Dahil sa pagsunod ni Farida sa payo ni Ares Delguerra, "napahamak" si Remo.

Iniwanan ni Blaire noon si Axton kahit na labis ang pagmamahal niya sa lalaki.   Ngunit ngayong tapos na ang pagtanaw niya ng utang na loob kay Mia at nag-disband na ang Titanium, nagpasya siyang hanapin at muling ipadama kay Axton ang kanyang pagmamahal.   Ngunit may kapalit na siya sa puso ng binata!   Sa kabila nito, walang balak si Blaire na basta na lamang isuko ang kanyang pag-ibig. Gagawin niya ang lahat ng paraan para muling mapaibig ang binata.

Noong teenager pa si Gazelle ay muntik na siyang mamatay sa kamay ng isang masamang tao.   Dahil dito naging matapang siya at lumalaban. Wala na siyang balak pang maging mahina. Hindi siya papayag na muling malagay sa panganib.   Ngunit nang matuklasan niya ang  lihim ni Zed ay muli siyang binalot ng takot. Sa pagkakataong ito, hindi lamang panganib ang naka-ambang sa buhay niya dahil sa binata, maging ang puso niya ay mapapahamak sa lalaki!