Heirs of Aragon Tagalog Edition

Every twenty-five years ay nagkakaroon ng competition sa pagitan ng pamilya ng mga Artilla, Infantra at Caballero para malaman kung sino ang magiging unofficial ruler sa Aragon Province.   Sa taong ito, si Mystery, isang 23-year-old car racer, ang napili ng Pamilya Artilla na maging champion nila sa Aragon Tournament na gaganapin. Isa sa mahigpit na criteria para maging champion ay ang pananatili ng isang babae na birhen. Dahil dito, kahit kailan ay hindi pa nagkaroon  ng boyfriend si Mystery.   Ngunit isang lalaki na ang bumihag sa puso ng dalaga. Siya si Sigfried Torrez, isang engineer at car designer. Desidido si Mystery na gawin ang lahat ng paraan para maging asawa ang binata oras na mapanalunan na niya ang Aragon Tournament.

Si Darcy ang napiling champion para sa pamilya ng Caballero sa nalalapit na Aragon Tournament.   Isang magaling na sailor si Darcy at isa ring award-winning independent film director.   Kapatid din niya ang unofficial ruler ng probinsiya ng Aragon na si Craig Caballero.   Bilang champion, kailangan niyang manatiling birhen at iwasan ang pakikipag-boyfriend. Ngunit lingid sa lahat, kasintahan na niya si Dean Alvarez.   Nang matuklasan ng kapatid niyang si Craig ang tungkol kay Dean ay nagbigay ng mabigat na kondisyon ito sa dalaga.   Kailangang manalo ni Darcy sa Aragon Tournament dahil kung mabibigo siya, matutulad sa isang eunuch si Dean.

Si Craig Caballero ang itinuturing na unofficial ruler ng probinsiya ng Aragon. At kung mananalo ang kapatid niyang si Darcy sa Aragon Tournament, mananatili siya sa kanyang puwesto.   Bilang unofficial ruler, maraming mga panganib at problemang kinakaharap si Craig. Una ay may mga taong nagtatangkang patayin siya. Ikalawa ay ang panganib na dala ng pagiging champion ni Iria Infantra. Mayroon silang nakaraan ng dalaga, at hindi malinaw kung ano talaga ang balak nito.   Kung mananalo si Iria Infantra, magkakaroon ito ng karapatan na pumili ng lalaking magiging asawa at walang lalaki sa Probinsiya ng Aragon ang maaaring tumanggi. Kahit si Craig ay mapipilitang pakasalan ito kung siya ang pipiliin nito.