Blackthorn Academy Series: C-Boyz Tagalog Edition

Ang C-Boyz Agency ay madalas na lumulutas ng mga misteryo. Pag-aari ito ng apat na binata na nabuo ang pagkakaibigan mula pa noong mga estudyante sila sa Blackthorn Academy. Ang pinakabago nilang kasong hawak ay tungkol sa isang magaling na athlete na bigla na lamang nag-amok nang walang anumang dahilan.   Sa gitna ng pag-resolba sa misteryo ng athlete ay nagbalik sa buhay ng apat na magkakaibigan ang magandang si Autumn Castelo na minsan ay iniligtas nila ang buhay.   Ganoon na lamang ang pagkabigla ng apat nang ipahayag ni Autumn ang intensyon. Desidido kasi ang dalaga na gawing asawa ang isa sa apat na magkakaibigan.

Dahil sa pagiging isang sharpshooter ay madalas na kunin ng C-Boyz Agency ang tulong ni Barbara Danielle bilang backup  sa mga misyon ng ahensiya.   Maganda si Barbara Danielle at mataas ang standards niya pagdating sa pagpili ng mapapangasawa.   Ang gusto niyang maging asawa ay guwapo at puwedeng mapagkamalang artista o modelo. Iyong maipagmamalaki niya at maidi-display kahit na saang lugar. At dahil guwapo, sigurado siyang bibigyan siya nito ng beautiful and handsome children.   Ngunit may malaking hadlang sa plano niyang ito. Ang gusto kasi ng buwisit niyang puso ay ang isa sa carrot boys!

Umiikot ang mundo ni Merida sa pagsisilbi at pagbabantay kay Alesandra Zaragosa, ang nag-iisang anak ng isang bilyonaryong businessman.   Sa tuwing magkakaroon ng problema si Alesandra ay si Merida ang umaayos nito. Ngunit nang masangkot si Alesandra sa isang  problemang may kinalaman sa C-Boyz Agency ay nagkagusto kay Merida ang isa sa apat na may-ari nito.