Blackthorn Academy: Sentinels Tagalog Edition

Isang aktor si Regiment Morgan. Bukod sa pagiging main cast ng isang popular TV series, nakatakda rin niyang gampanan ang lead role sa isang malaking pelikula na ipapalabas sa buong mundo. One could say, he was on the brink of stardom!   Ang lakas ng loob at determinasyon na ginamit niya para makuha ang tagumpay ay utang niya sa naging experience niya sa Blackthorn Academy.   Lingid sa kanya, gumawa ng paraan ang Blackthorn Sentinel na si Cyra Ramiel para makalimutan at mabura nang tuluyan sa alaala niya ang babaeng minahal at pinakasalan niya.

                                                    Sumumpa si Irsa na tanging si Alvaro lamang ang kanyang mamahalin. Na hihintayin niya ang pagbabalik ng binata.    Pagkaraan ng dalawang taon, dumating sa buhay niya si Sage.   Ganoon na lamang ang gulat niya nang sabihin nitong ito si Alvaro. Ang iba nitong mukha ngayon ay gawa raw ng plastic surgery.   Sa loob ng apat na taon ay minahal at binigyan siya ng kaligayahan ni Sage na isang sentinel sa Blackthorn Academy.   Ngunit ang masaya niyang buhay ay biglang nabasag nang matuklasan niya ang katotohanan. Niloloko lamang pala siya ni Sage at ang kanilang naging pagsasama bilang mag-asawa ay puno ng kasinungalingan!

Mayaman at maganda si Scins. Ngunit nananatili siyang nag-iisa dahil sa pagiging tapat niya sa alaala ng namatay niyang asawa.   Iniuukol na lamang niya ang panahon at atensyon sa mga estudyante niya sa Blackthorn Academy na itinuring niyang mga tunay na anak.   Sinisikap naman ni Sullivan na kalimutan ang unang babae na minahal niya nang husto ngunit niloko at sinaktan lamang siya.   Sa pagtatagpo ng landas nina Scins at Sullivan, isang very passionate night ang naganap sa pagitan nila.   Huli na nang matuklasan ni Sullivan na na-obsess sa kanya ang babae at itinuturing na siya nitong pagmamay-ari!   Ang tanging paraan para makalaya siya kay Scins ay kung mananalo siya sa Blackthorn trial. Isa itong kakaibang pakikipagtagisan dahil ang nakasalalay ay ang puso ni Sullivan at ang kalayaan niyang mahalin ang babaeng gusto niya.

Mapagpaniwala si Aisles sa mga panaginip, hula, anting-anting, talisman at kung ano-ano pang mga bagay na hindi maipapaliwanag ng science.   Ang tanging pinahahalagahan naman ni Vid ay logic, science and common sense.   Sa kabila nito pareho nilang mahal na mahal ang bawat isa.   Ang tanging hadlang sa maayos nilang pag-iibigan ay ang paulit-ulit na panaginip ni Aisles na nagsasabi na kung magkakaroon sila ng relasyon ni Vid ay mamamatay ang binata.