Citylights Tagalog Edition

Miyembro si Pace Castillo ng Noria Police Force. Bawat miyembro ng police ay tapat, maginoo at matapang. Dahil dito ay binansagan sila ng citizens bilang Noria Knights.   Sa pag-iimbestiga sa isang malaking kaso kung saan pinatay ang supermodel na si Solange Dorian ay tatlong babae ang naging persons of interest niya.   Ganoon na lamang ang pagkagulat niya nang simulang guluhin at pakialaman ng isa sa mga babae ang kanyang buhay at love life!

Si Silas Lardner Romanov ang deputy mayor ng Noria at binansagang prinsipe ng siyudad. Nakatakda siyang pumalit sa pagiging mayor ng ama  pagdating ng panahon.   Pero hindi lamang kilala ang mga Romanov bilang magagaling na rulers, bantog din ang pamilya nila  sa pagpili ng asawa gamit ang kanilang puso.   Natagpuan na ni Silas Lardner ang babaeng itinuturing niyang kanyang one true love, si Trudy. Ngunit ang relasyon niya kay Trudy ay nalagay  sa alanganin nang matagpuan niya ang sarili bilang protector at savior ni Cellisten na lagi siyang dinadala at idinadamay sa lahat ng klase ng panganib!

Mula nang iligtas si Sandal ni Warren Diaz ay hindi na nawala sa isipan ng dalaga ang lalaki.   Nang muli silang magtagpo ay natuklasan ni Sandal na umiibig na pala siya sa binata.   Pero si Warren Diaz ay naging si Rift Martinez na. At si Rift ay walang panahon sa pag-ibig o anumang relasyon. Ang buhay at atensyon nito ay nakatuon sa paghahanap ng hustisya at pakikipaglaban sa city government ng Noria.   Kinailangan ni Sandal na isugal ang kanyang buhay at puso para maturuan si Rift na magmahal.

Nabigo sa pag-ibig ang bunsong anak ng head ng Persian House of Fashion na si Xerxes Armand.   Upang maka-recover sa depression, isinagawa ang Midnight Ball competition para makikilala ni Xerxes ang most eligible bachelorettes ng Noria City.   Bawat designer ng Persian House of Fashion ay makasasali sa pakontes. Hahanapin at pipiliin nila ang most worthy woman sa buong Noria para damitan ng kanilang sariling gown creations at dalhin sa Midnight Ball.   Kung mapipiling isayaw ni Xerxes ang dalagang dinala ng designer, makatatanggap ng malaking halaga, respeto at promotion sa ranggo ang huli.   Isang junior designer ng Persian House of Fashion si Reece Ruiz at desidido siyang manalo sa contest sa anumang paraan kasama na ang pakikipagkasundo sa isang misteryosong hardinero.