Ten

By Kulashekar T

ஈரானிய திரையுலகில் இவரிடம் உதவியாளர்களாக இருந்தவர்கள் பலர் அற்புதமான இயக்குநர்களாக உருவெடுத்திருக்கிறார்கள். இவரின் தி வின்ட் வில் கேரி அஸ்(1999), க்ளோஸ்-அப் (1990), டேஸ்ட் ஆஃப் செரி(1997), லைக் சம்ஒன் இன் லவ்(2012) என்று இவரது ஒவ்வொரு படமும் கலாப்பூர்வமானவை. ஈரானிய நியூ வேவ் பெர்சிய திரைப்பட இயக்கத்தின் முன்னோடிகளில் ஒருவர்.

2002-ல் வந்த டென் படத்தை பற்றி பேசுகையில், மக்களை ஏதோ ஒரு வகையில் பாதிப்படைய செய்ய வேண்டும் என்கிற திட்டத்தோடே இந்த படத்தை இயக்கியதாக தெரிவித்திருக்கிறார். இந்த படத்திற்காக அவர் முன்கூட்டியே ஸ்கிரிப்ட் உருவாக்கிக் கொள்ளவில்லை. சாலைகளில் நடப்பதை சிறிது காலம் கூர்ந்து கவனித்து வந்த போது தோன்றிய கருவை மையமாக வைத்தே உருவாக்கினார்.

டென் திரைப்படத்தை கேமராமேன் இல்லாமலேயே படமாக்கியிருக்கிறார். சவுண்ட் இன்ஞினியர் யாரையும் பயன்படுத்தவில்லை. இரண்டே இரண்டு டிஜிட்டல் கேமராவை காரில் பொருத்தினார். ஒன்று காரை ஓட்டும் நாயகி மான்யாவின் பக்கம். மற்றொன்று காரின் மறுபக்கம் என பொருத்தி, படத்தை தனியொருவராக எடுத்து முடித்து விட்டார்.

இதில் நடித்தவர்கள் பலரும் தொழில்முறை நடிகர்கள் அல்ல. அப்போதைக்கு அப்போது இயக்குநர் அங்கே சந்திக்கிற நபர்களின் மனநிலையை ஆராய்ந்து அதற்கேற்ப உருவாக்கித் தந்த ஐடியாவை ஒட்டி அவர்களாகவே சொந்தமாய் யதார்த்த்த்தோடு உரையாட சுடச்சுட படம் பிடித்து உயிரோட்டமான ஒரு படைப்பை உருவாக்கி விட்டார்.

திரைப்பட மேதை கோடார்ட் திரைப்படம் கிரிஃபித்தில் துவங்கி, அபாஸ் கிராஸ்டமியில் உச்சம் தொடுகிறது என்று சொல்லியிருக்கிறார்.

இதில் நாயகியாக நடித்திருப்பவர் மான்யா... ஈரானிய மொழியான பார்சியில் எடுக்கப்பட்ட படம். பத்து காட்சிகளில் ஒரு சமூகத்தின் பாரபட்சமான அடுக்கு, பாலியல் பேதமை மற்றும் பேதங்களை கவிதையாக இந்த திரைக்கதை பதிவு செய்கிறது.

• Language: தமிழ்
• Publisher: Pustaka Digital Media
• Release date: Aug 12, 2019
• ISBN: 6580124003633

Book preview

http://www.pustaka.co.in

டென்

Ten

Author:

தி. குலசேகர்

T. Kulashekar

For more books

http://www.pustaka.co.in/home/author/kulashekar

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

அத்தியாயம் 10

ஈரானிய திரைக்கதைகள்

திரைப்படங்கள் இன்றைய வாழ்வில் பிரதான அங்கம் வகிப்பவை. சமூகத்தின் ஒவ்வொரு அசைவிலும் அதன் ஆளுமை பங்கெடுக்கிறது. தரமான திரைப்படங்கள் ஒரு சமுதாயத்தின் அறவெழுச்சிக்கு அடிகோலுபவையாகவும், ஆக்கப்பூர்வமான அடுத்த கட்ட நகர்விற்கு எடுத்துச் செல்லுபவையாகவும், அந்த சமுதாயத்தில் நிலவும் குதூகலங்களை, கொண்டாட்டங்களை, சிடுக்குகளை முன்வைத்து, ரசனையை ஆழ்ந்த சிந்தனைக்குள் ஆழ்த்தி வளர்த்தெடுப்பவையாகவும் இருக்கும்.

அமெரிக்க திரையுலகம் கேளிக்கைகளிலும், கற்பனைகளிலும், மிதமிஞ்சிய விஞ்ஞான புனைவுகளிலும், தொழில்நுட்பத்திலும் மூழ்கியிருப்பதற்கு காரணம், அங்கே வறுமை ஒரு பிரச்னை இல்லை. அதை கடந்து விட்டவர்களுக்கு பொழுதுபோக்கு மட்டுமே மிச்சமிருக்கும். அதனால் அவர்களின் திரைப்படங்கள் அப்படியிருப்பதில் வியப்பில்லை.

பிரச்னைகள் அதிகம் உள்ள வளரும் நாடுகள் அவர்களின் ஏழ்மைக்கான சமூக, பொருளாதார, அரசியல் பிரச்னைகளை கலாப்பூர்வமாக தங்களின் திரைப் படைப்புகளில் சிருஷ்டிப்பதே நியாயம்.

அதை விடுத்து ஏழை நாடுகளில் எடுக்கப்படும் திரைப்படங்கள் ஒருவர் நூறு பேரை அடிக்கிற அதிபராக்கிரம படங்களை எடுத்து, அதற்கு பாலாபிசேகம் செய்வித்து கொண்டாட வைக்குமேயானால், அந்த நிகழ்வு, பிரச்னையில் உழல்கிற ஒருவரை போதைக்குள் மூழ்கி, அதிலிருந்து எளிதில் தப்பித்துக் கொள்ளலாம் என்பதற்கு ஒப்பானது. கொளுத்தும் வெயிலின் யதார்த்தத்தில், கற்பனையில் பெய்யும் மழையில், குதூகலிக்க விரும்புவதற்கு ஒப்பானது.

மதத்தின் பிடியில் சிக்குண்டிருக்கும் ஈரானிய சமுதாயத்தில் உருவாக்கப்படும் திரைப்படங்கள் அப்படிச் செய்வதில்லை. அவை தங்கள் வாழ்நிலை மீது ஆதிக்கம் செலுத்தும் கண்மூடித்தனமான மதநம்பிக்கை, அதன் விளைவாக மட்டுப்படும் பெண் விடுதலை, பின்தங்கும் சமூக, பொருளாதாரம் என அத்தனை கேள்விகளையும் கலாப்பூர்வமாய் முன் வைக்கிறது. அப்படியான உயிர்ப்புள்ள படைப்புகளை தரிசிக்கிற போது அத்தனை பிரமிப்பாக உள்ளது.

அதனாலேயே ஈரானிய திரைக்கதைகள் உலக அளவில் கவனிக்கப் படுபவையாகவும், உலக திரைப்பட விருதுகளை பெருவாரியாக அள்ளிச் செல்பவையாகவும் இருக்கின்றன. சர்வாதிகார ஆட்சிக்கு எதிராக ஏற்பட்ட புரட்சியை தொடர்ந்து, எழுபதுகளில் நியூவேவ் சினிமா அங்கே கோலோட்ச துவங்கி, விடாமுயற்சியோடு தொடர்ந்து வளர்ந்து வருகிறது.

அவர்கள் பத்து லட்சத்தில் ஒரு படத்தை எடுத்து விடுகிறார்கள். அவை எளிமையானவை. சுவாரஸ்யமானவை. கலைநயமிக்கவை. அவர்கள் கடுமையான மதவாத அரசின் தணிக்கை கெடுபிடிகளையும் தாண்டி, புதியபுதிய வழிகளில் புதுமையை தங்களின்