The Day I Became A Woman

By Kulashekar T

மெக்மல்பஃப் அற்புதமான படங்கள் தொடர்ந்து எடுத்து வந்திருக்கிறார். மார்ஸீ இவரின் மனைவி. இவரின் குடும்பத்தில் அனைவரும் திரைத்துறையை சேர்ந்தவர்களே. திரைக்களஞ்சிய குடும்பம்.

மெக்மல் பஃப் தன்னுடைய 17-வது வயதில் ஒரு போலீஸ்காரரை கத்தியால் குத்திய குற்றத்திற்காக தூக்குத் தண்டனை அறிவிக்கப்பட்டவர். பின்னர் ஈரானில் நடந்த புரட்சியின் காரணமாக மன்னராட்சி தூக்கி எறியப்பட்டபோது, இவரது தண்டனையும் தூக்கி எறியப்பட்டதில், இயக்குநராகி விட்டவர்.

ஐம்பதுக்கும் மேற்பட்ட உலக விருதுகள் பெற்றிருப்பவர். கப்பா, கந்தஹார், சைக்ளிஸ்ட் போன்ற படங்களை இயக்கியவர்.

மார்ஸீ மெஸ்கினி 1969-ல் தெஹ்ரானில் பிறந்தார். இவர் அடிப்படையில் ஒரு கேமராவுமன். இந்த படத்தை அவரின் கணவர் மொஷென் மெக்மல் பஃப் ஸ்கிரிப்ட் எழுதி, தயாரித்து, இயக்கத்தில் மேற்பார்வை செய்ய, மார்ஸீ மெஸ்கினி இயக்கினார். இந்த படம் 2009-ல் வெளியானது.

பெண்மையின் ஆழ்மனவுலக குறியீடாய் இந்த திரைக்கதை சிருஷ்டி கொண்டிருக்கிறது. இதில் மூன்று கதை சொல்லப்படுகிறது. ஒரு பதின்பருவ சிறுமி, திருமணமான இளம்பெண், மூதாட்டி ஆகிய மூவரின் கதை அதில் இடம் பெறுகிறது. அவர்கள் கதை முடிவில் ஆர்ப்பரிக்கும் கடற்கரையோரம் யதேச்சையாய் சந்திக்கிறார்கள். அந்த மூவரும் நேர்கோட்டில் ஒன்றாகையில், ஒரு சமுதாயத்தின் சமன் கொண்ட ஒட்டு மொத்த பெண்ணியத்தின் குறியீடாகிறார்கள்.

இவரின் சைக்கிளிஸ்ட் திரைப்படம். தாஸ்தாயெவ்ஸ்கியின் கேம்ப்ளர் கதைக்கு நிகரானது. அதில் வரும் மைய கதாபாத்திரத்தை எத்தனை நுட்பமாய் நூலிழை பிசகாத நுட்பத்தோடும், நடுவுநிலையோடும் சித்தரித்திருப்பாரோ, அதேபோல சைக்கிளிஸ்ட் படத்தின் மைய கதாபாத்திரம் அபாரமாய் உணர்வின் மொழியால் செதுக்கப் பட்டிருக்கும். வழக்கமான நாயக சிருஷ்டிப்பின் சூத்திரத்தை பின்பற்றாமல் உண்மையின் அடியாழத்திற்கு போய், நேர்மையோடும், மனோத்த்துவ பார்வையோடும், துல்லியமாய் சிருஷ்டித்திருப்பார்.

அப்படி தான் இந்த திரைக்கதையில் வரும் மூன்று மைய கதாபாத்திரங்களையும் கூட செதுக்கியிருக்கிறார்.

• Language: தமிழ்
• Publisher: Pustaka Digital Media
• Release date: Aug 12, 2019
• ISBN: 6580124003634

Book preview

http://www.pustaka.co.in

தி டே ஐ பிகேம் எ விமன்

The Day I Became a Woman

Author:

தி. குலசேகர்

T. Kulashekar

For more books

http://www.pustaka.co.in/home/author/kulashekar

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

அத்தியாயம் 10

அத்தியாயம் 11

அத்தியாயம் 12

அத்தியாயம் 13

அத்தியாயம் 14

அத்தியாயம் 15

அத்தியாயம் 16

அத்தியாயம் 17

அத்தியாயம் 18

ஈரானிய திரைக்கதைகள்

திரைப்படங்கள் இன்றைய வாழ்வில் பிரதான அங்கம் வகிப்பவை. சமூகத்தின் ஒவ்வொரு அசைவிலும் அதன் ஆளுமை பங்கெடுக்கிறது. தரமான திரைப்படங்கள் ஒரு சமுதாயத்தின் அறவெழுச்சிக்கு அடிகோலுபவையாகவும், ஆக்கப்பூர்வமான அடுத்த கட்ட நகர்விற்கு எடுத்துச் செல்லுபவையாகவும், அந்த சமுதாயத்தில் நிலவும் குதூகலங்களை, கொண்டாட்டங்களை, சிடுக்குகளை முன்வைத்து, ரசனையை ஆழ்ந்த சிந்தனைக்குள் ஆழ்த்தி வளர்த்தெடுப்பவையாகவும் இருக்கும்.

அமெரிக்க திரையுலகம் கேளிக்கைகளிலும், கற்பனைகளிலும், மிதமிஞ்சிய விஞ்ஞான புனைவுகளிலும், தொழில்நுட்பத்திலும் மூழ்கியிருப்பதற்கு காரணம், அங்கே வறுமை ஒரு பிரச்னை இல்லை. அதை கடந்து விட்டவர்களுக்கு பொழுதுபோக்கு மட்டுமே மிச்சமிருக்கும். அதனால் அவர்களின் திரைப்படங்கள் அப்படியிருப்பதில் வியப்பில்லை.

பிரச்னைகள் அதிகம் உள்ள வளரும் நாடுகள் அவர்களின் ஏழ்மைக்கான சமூக, பொருளாதார, அரசியல் பிரச்னைகளை கலாப்பூர்வமாக தங்களின் திரைப் படைப்புகளில் சிருஷ்டிப்பதே நியாயம்.

அதை விடுத்து ஏழை நாடுகளில் எடுக்கப்படும் திரைப்படங்கள் ஒருவர் நூறு பேரை அடிக்கிற அதிபராக்கிரம படங்களை எடுத்து, அதற்கு பாலாபிசேகம் செய்வித்து கொண்டாட வைக்குமேயானால், அந்த நிகழ்வு, பிரச்னையில் உழல்கிற ஒருவரை போதைக்குள் மூழ்கி, அதிலிருந்து எளிதில் தப்பித்துக் கொள்ளலாம் என்பதற்கு ஒப்பானது. கொளுத்தும் வெயிலின் யதார்த்தத்தில், கற்பனையில் பெய்யும் மழையில், குதூகலிக்க விரும்புவதற்கு ஒப்பானது.

மதத்தின் பிடியில் சிக்குண்டிருக்கும் ஈரானிய சமுதாயத்தில் உருவாக்கப்படும் திரைப்படங்கள் அப்படிச் செய்வதில்லை. அவை