Die lieflike predikantspaar, Jonas en Sunet Swarts, wat 'n gunsteling is onder almal, kom vanaand weer treffend gelukkig voor langs die tafel in hul rykmanswoning waar hulle 'n groep menseonthaal. Hulle is oral bekend en is selfs gewilde televisiepersoonlikhede, wat altyd die toonbeeld van perfeksie is.
“Jonas, julle huis is pragtig. Ek kan my so verkyk aan die dekor!” roep 'n vriendin glimlaggend uiten Jonas lag vreugdevol.
“Dit is wat die Here vir ons kan doen,” verklaar hy en almal hang aan die lippe van hierdi diep geestelike man. Almal, behalwe Sunet.
Wanneer hulle oë ontmoet, merk sy die koue, stiptelike staar en krimp innerlik ineen. “Here, help my. Asseblief. Help my om die krag te vind om hierdie man te veriaat, Vader. U is my hart bekend. Lei my vader. Wat
